[X] Close
JUST IN
  • BREAKING-NEWS இரண்டாக உடைந்தது கொள்ளிடம் பாலம்
  • BREAKING-NEWS கேரள வெள்ளச்சேதத்தை தேசியப் பேரிடராக அறிவிக்க வேண்டும்- ராகுல்
  • BREAKING-NEWS 18-வது ஆசிய விளையாட்டு போட்டி இன்று தொடங்குகிறது
  • BREAKING-NEWS பாகிஸ்தான் பிரதமராக தெஹ்ரிக்-இ-இன்சாஃப் கட்சித் தலைவர் இம்ரான்கான் தேர்வு செய்யப்பட்டுள்ளார்
  • BREAKING-NEWS கேரளாவில் கனமழை, வெள்ளம், நிலச்சரிவில் சிக்கி உயிரிழந்தவர்களின் எண்ணிக்கை 324ஆக உயர்வு
  • BREAKING-NEWS டெல்லி ஸ்மிருதி ஸ்தலில் முன்னாள் பிரதமர் வாஜ்பாயின் உடல் அரசு மரியாதையுடன் தகனம் செய்யப்பட்டது
  • BREAKING-NEWS வெள்ளப் பெருக்கு பாதிப்பு: தமிழகத்தில் ஆங்காங்கே போக்குவரத்து துண்டிப்பு

தேனியில் இருதரப்பினரிடையே மோதல்: தேசிய ஆதிதிராவிட ஆணையம் விசாரணை

confrontation-between-the-two-sides-in-theni

 

தேனி மாவட்டம் பெரியகுளம் அருகே இரு பிரிவினருக்கு இடையே ஏற்பட்ட மோதல் சம்பவம் குறித்து தேசிய ஆதிதிராவிட ஆணையத் துணை தலைவர் விசாரணை மேற்கொண்டார்.

தேனி மாவட்டம் பொம்மிநாயக்கன்பட்டியில் கடந்த மாதம் 24ஆம் தேதி மூதாட்டி ஒருவர் உயிரிழந்துள்ளார். மூதாட்டியின் உடலை மற்றொரு பிரிவினர் வசித்து வரும் தெரு வழியாக கொண்டு சென்றுள்ளனர். அப்பகுதியில் உள்ளர் ஒரு வீட்டில் திருமணம் நடைப்பெற்றதால் உடலை வேறு வழியாக கொண்டு செல்ல வேண்டுமென கூறியதாக தெரிகிறது. இதுதொடர்பாக இருபிரிவினர்களுக்கும் இடையே மோதல் ஏற்பட்டுள்ளது. இதில் சில கடைகள் வீடுகள் சேதமாகியுள்ளது. இதுதொடர்பாக வழக்குப்பதிவு செய்த காவல்துறையினர் இருதரப்பினரிடமும் விசாரணை மேற்கொண்டனர்.

வழக்கு விசாரணையில் உள்ள நிலையில் நேற்று முன் தினம் மீண்டும் இருபிரிவினரிடையே தகராறு ஏற்பட்டது. அப்போது ஒரு தரப்பினரின் வீடுகள், கடைகள் அடித்து நொறுக்கி சூறையாடப்பட்டதோடு தீ வைத்துக் கொளுத்தப்பட்டன. கார், ஆட்டோ, இருசக்கர வாகனங்கள் உள்ளிட்டவையும் தீவைத்துக் கொளுத்தப்பட்டன. இந்த மோதலில் காயம் அடைந்த 10க்கும் மேற்பட்டோர் பெரியகுளம் அரசு மருத்துவமனையில் சிகிச்சைக்காக அனுமதிக்கப்பட்டனர். இப்பகுதியில் தொடர்ந்து பதற்றம் நீடித்து வரும் நிலையில் ஏராளமான காவலர்கள் பாதுகாப்புக்காக குவிக்கப்பட்டுள்ளனர். இச்சம்பவம் தொடர்பாக 30 பேர் கைது செய்யப்பட்டுள்ளனர்.

இந்நிலையில், தேசிய ஆதிதிராவிடர் ஆணைய துணைத் தலைவர் முருகன் கலவரத்தில் பாதிக்கப்பட்ட நபர்களிடம் இன்று விசாரணை மேற்கொண்டார். தேனி மாவட்ட ஆட்சியர் பல்லவி பலதேவ் மற்றும் மாவட்ட காவல்துறை கண்காணிப்பாளர் பாஸ்கரன் ஆகியோர் முன்னிலையில் விசாரணை நடத்தப்பட்டது.

 

Advertisement:
இது தொடர்பான செய்திகள் :
Advertisement:
Advertisement:
[X] Close