[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ.84.53 காசுகளாகவும், டீசல் லிட்டருக்கு ரூ.79.15 காசுகளாகவும் விலை நிர்ணயம்
  • BREAKING-NEWS வடக்கு அந்தமான், கிழக்கு வங்கக்கடல் பகுதிக்கு அடுத்த 12 மணி நேரத்திற்கு மீனவர்கள் செல்ல வேண்டாம் - சென்னை வானிலை ஆய்வு மையம்
  • BREAKING-NEWS பணத்திற்காக வாக்களிப்பது தன்னைத்தானே விற்பதற்கு சமம்: வைகோ
  • BREAKING-NEWS பாஜக நோட்டுகள், டோக்கன்களை தந்து வாக்கு கேட்காது; திட்டங்களை தந்து மட்டுமே வாக்கு கேட்கும் - தமிழிசை
  • BREAKING-NEWS நீதிமன்ற அவமதிப்பு வழக்கு: மன்னிப்புக் கேட்டார் ஹெச்.ராஜா!
  • BREAKING-NEWS பெண்கள் கரும்பல்ல; இரும்பு என்பதை நிரூபிக்கும் காலம் வந்துவிட்டது! - தமிழிசை சவுந்தரராஜன்
  • BREAKING-NEWS சென்னையில் பெட்ரோல் லிட்டருக்கு ரூ.84.64 காசுகளாகவும், டீசல் லிட்டருக்கு ரூ.79.22 காசுகளாகவும் விலை நிர்ணயம்

வெளிநாட்டில் வேலை: சினிமா பாணியில் பண மோசடி

avadi-cheating-agent-arrested

திரைப்படப் பாணியில் வெளிநாட்டில் வேலை வாங்கி தரு‌வதாக கூறி பண மோசடி செய்து தலைமறைவாகி இருந்த நபரைக் காவல்துறையினர் கைது செய்து சிறையில் அடைத்தனர்.

சென்னை ஜாபர்கான்பேட்டையைச் சேர்ந்தவர் இம்ரான் ஷா. இவர், இளைஞர்களுக்கு வெளிநாட்டில் வேலை வாங்கி தரும் நிறுவனத்தை வளசரவாக்கத்தில் நடத்தி வந்தார். கனடாவில் வேலை வாங்கி தருவதாக ஆன்லைனில் விளம்பரம் செய்து, நபர் ஒன்றுக்கு இரண்டரை லட்சம் ரூபாய் என்று 15 க்கும் மேற்பட்டவர்களிடம் வசூல் செய்ததாகக் கூறப்படுகிறது. ஆனால் யாரையும் இதுவரை வெளிநாட்டிற்கு அனுப்பி வைக்கவில்லை. வெளிநாடு செல்வது குறித்து பணம் கட்டியவர்கள் கேட்டபோது விரைவில் அனுப்பி வைத்து விடுவதாக இம்ரான் ஷா கூறியுள்ளார். இந்நிலையில் இம்ரான் ஷா சில நாட்களில் தலைமறைவானார்.

இது குறித்து பாதிக்கப்பட்டவர்கள் வளசரவாக்கம் காவல்நிலையத்தில் புகார் அளித்தனர். காவல்துறையினர் தனிப்படை அமைத்து தேடிவந்த நிலையில் ஒரு வருடமாக தலைமறைவாக இருந்த இம்ரான் ஷாவை மதுரையில் கைது செய்தனர்.‌ அவரிடம் நடத்திய விசாரணையில் பல்வேறு அதிர்ச்சி தகவல்கள் தெரியவந்துள்ளது. 

தமிழகம் முழுவதும் பல்வேறு இடங்களில் இதுபோல் அலுவலகம் நடத்தி கனடாவிற்கு அனுப்பி வைப்பதாக கூறி ரூ.1 கோடி வரை மோசடி செய்தது தெரியவந்துள்ளது.கைது செய்யப்பட்டுள்ள இம்ரான் ஷாவை காவல்துறையினர் சிறையில் அடைத்துள்ளனர்.


 

Advertisement:
Advertisement:
Advertisement:
[X] Close