[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.65 காசுகளாகவும், டீசல் லிட்டருக்கு ரூ. 69.14 காசுகளாகவும் விலை நிர்ணயம்
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது
  • BREAKING-NEWS திமுக எம்எல்ஏக்கள் மட்டுமல்ல தமிழகமே அதிமுக ஆட்சி கலைய காத்துக்கொண்டிருக்கிறது - கனிமொழி
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு

புழலில் கைதிகளுக்கு சொகுசு வசதிகள்: காவலர்கள் பணியிடை நீக்கம்

luxury-facilities-for-prisoners-in-the-puzhal-prison-guards-dismissed

கைதிகளுக்கு சொகுசு வசதிகள் செய்து தர பணம் பெற்ற வழக்கில் புழல் சிறையின் முதன்மை தலைமை காவலர்கள் இருவர் பணியிடை நீக்கம் செய்யப்பட்டனர்.

புழல் சிறையில் உள்ள கைதி ஒருவருக்கு சொகுசு வசதிகள் செய்து தர பணம் பெற்றதாக வந்த புகாரையடுத்து லஞ்ச ஒழிப்பு துறையினர் புழல் சிறையின் தலைமை காவலர் பிச்சையாவை கைது செய்து சிறையில் அடைத்தனர். இந்த வழக்கில் இரண்டாவது குற்றவாளியான ஜெயிலர் ஜெயராமனை லஞ்ச புகாரின் அடிப்படையில் மதுரை மத்திய சிறைக்கு மாற்றப்பட்டார். இந்த நிலையில், இது தொடர்பாக சிறைத்துறை டிஐஜி முருகேசன் விசாரணை நடத்தி வந்தார்.

இதில், மேலும் இருவர் லஞ்சம் பெறும் வீடியோ சமூக வளைத்தளங்களில் வைரலாக பரவி வந்தது. இதனையடுத்து, இருவரையும் பணியிடை நீக்கம் செய்ய டிஐஜி பரிந்துரை செய்தார். இதையடுத்து புழல் சிறையின் முதன்மை தலைமை காவலர் சேகரை பணியிடை நீக்கம் செய்து சிறைத்துறை கண்காணிப்பாளர் செந்தாமரை கண்ணன் நடவடிக்கை எடுத்துள்ளார். அதே போல, அப்போது புழல் சிறையில் பணியாற்றிய முதன்மை தலைமை காவலர் வேலுச்சாமி, தற்போது பாளையங்கோட்டை சிறையில் பணியாற்றி வருகிறார். இந்த நிலையில் அவரையும் பணியிடை நீக்கம் செய்து பாளையங்கோட்டை சிறை கண்காணிப்பாளர் கிருஷ்ணகுமார் நடவடிக்கை எடுத்துள்ளார்.

Advertisement:
Advertisement:
Advertisement:
[X] Close