[X] Close
JUST IN
  • BREAKING-NEWS திமுக ஆட்சியைப் பிடிக்கவும் முடியாது, மு.க.ஸ்டாலின் முதலமைச்சர் ஆகவும் முடியாது - வைகைச்செல்வன்
  • BREAKING-NEWS மறைந்த முன்னாள் முதல்வர் ஜெயலலிதாவின் வாழ்க்கை வரலாறு பற்றிய படத்தின் ஃபர்ஸ்ட் லுக் போஸ்டர் வெளியீடு
  • BREAKING-NEWS எக்காலத்திலும் செவிலியர் படிப்புக்கு நீட் தேர்வை அனுமதிக்கமாட்டோம் - அமைச்சர் விஜயபாஸ்கர்
  • BREAKING-NEWS சேலம்-சென்னை 8 வழிச்சாலை திட்டத்திற்காக நிலம் தர விருப்பம் இல்லாத விவசாயிகளை துன்புறுத்தக்கூடாது - உயர்நீதிமன்றம்
  • BREAKING-NEWS கேரளாவில் கன்னியாஸ்திரி பாலியல் வன்கொடுமை வழக்கில் குற்றம் சாட்டப்பட்டுள்ள பிஷப் பிராங்கோ பணியிடை நீக்கம் - வாடிகன் நிர்வாகம்
  • BREAKING-NEWS மொஹரம் பண்டிகையை முன்னிட்டு புதுச்சேரி, காரைக்கால், ஏனாம் பகுதிகளுக்கு நாளை அரசு பொது விடுமுறை - புதுச்சேரி அரசு
  • BREAKING-NEWS இந்திய கிரிக்கெட் அணியின் கேப்டன் விராட் கோலிக்கு ராஜீவ் காந்தி கேல் ரத்னா விருது அறிவிப்பு

மேட்டூர் அணையை நிர்வகிக்க முயல்கிறதா மத்திய அரசு..?

central-govt-try-to-maintain-mettur-dam

காவிரி வழக்கு உச்சநீதிமன்றத்தில் இன்று மீண்டும் விசாரணைக்கு வரஉள்ள நிலையில், மத்திய அரசின் சார்பில் பஞ்சாப்பில் உள்ள பக்ரா பியாஸ் மேலாண்மை வாரியத்தை போன்று ஒன்றை அமைக்க மத்திய அரசு வரைவு வழங்கலாம் என தகவல் வெளியாகி உள்ளது.

காவிரி பிரச்னையில் உச்சநீதிமன்றம் பிறப்பித்த இறுதி தீர்ப்பின்படி வரைவுத் திட்டத்தை தாக்கல் செய்ய மத்திய அரசுக்கு வழங்கப்பட்ட காலஅவகாசம் முடிவடையும் நிலையில், இந்த வழக்கு உச்சநீதிமன்றத்தில் இன்று மீண்டும் விசாரணைக்கு வருகிறது. உச்சநீதிமன்றத்தில் இன்று மூன்றாவது வழக்காக காலை 10.45 மணி முதல் 11 மணிக்குள் விசாரணைக்கு வரவுள்ளது. அப்போது மத்திய அரசின் சார்பில், பஞ்சாப்பில் உள்ள பக்ரா பியாஸ் மேலாண்மை வாரியத்தை போன்று ஒன்றை அமைக்க வரைவு வழங்கலாம் என என தகவல் வெளியாகி உள்ளது.

ஹிமாச்சல் மற்றும் பஞ்சாப்பில் சட்லஜ் நதியின் குறுக்கே கட்டப்பட்டுள்ள அணைகளே பக்ரா, நங்கல் ஆகும். இதனை நிர்வகிப்பதே பக்ரா பியாஸ் மேலாண்மை வாரியம். 1966-ம் ஆண்டு பக்ரா பியாஸ் மேலாண்மை வாரியம் அமைக்கப்பட்டது. அப்போதிருந்தே பக்ரா, நங்கல் அணைகளை இயக்கும் அதிகாரமும் ஏழு மாநிலங்களுக்கும் தண்ணீர் பகிர்ந்தளிக்கும் அதிகாரமும் இந்த ஆணையத்தின் கையில் வந்தது. பக்ரா அணை ஹிமாச்சல் மாநிலத்திலும், நங்கல் அணை பஞ்சாப் மாநிலத்திலும் இருந்தாலும், அணையின் நிர்வாகம்,  திட்ட பராமரிப்பு ஆகியவற்றை பக்ரா பியாஸ் மேலாண்மை வாரியம்தான் செயல்படுத்தி வருகிறது. இப்போது பக்ரா பியாஸ் மேலாண்மை வாரியம் போன்று ஒன்றை அமைக்க மத்திய அரசு வரைவு வழங்கி அது அமைக்கப்பட்டால், காவிரி மற்றும் அதன் கிளைநதிகள், இரு மாநிலத்தில் காவிரியின் குறுக்கே உள்ள அணைகள் அனைத்தும் வாரியத்தின் கட்டுப்பாட்டில் செல்லும். காவிரி ஆறு தமிழகத்தின் மேட்டூர் அணை வழியாகவும் பாய்கிறது. அப்படியானால் மேட்டூர் அணையும் அந்த மேலாண்மை வாரியத்தின் கட்டுப்பாட்டுக்குள் செல்லும். இதன்மூலம் மேட்டூர் அணையை நிர்வகிக்க மத்திய அரசு மறைமுகமாக முயல்கிறதா என்ற சந்தேகமும் எழுந்துள்ளது. தற்போது மேட்டூர் அணை தமிழக அரசின் கட்டுப்பாட்டில் உள்ளது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close