[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ.79.31 காசுகளாகவும், டீசல் லிட்டருக்கு ரூ.75.31 காசுகளாகவும் விலை நிர்ணயம்
  • BREAKING-NEWS சென்னை மெரினா கடற்கரை சாலையில் எம்ஜிஆர் நூற்றாண்டு வளைவை திறக்க உயர்நீதிமன்றம் தடை
  • BREAKING-NEWS சிலைக்கடத்தல் வழக்கில் ரன்வீர்ஷா கூட்டாளி கிரன்ராவின் முன்ஜாமீன் மனு தள்ளுபடி
  • BREAKING-NEWS சபரிமலை வழக்கின் தீர்ப்பை அமல்படுத்த அவகாசம் கோரி உச்சநீதிமன்றத்தில் தேவசம்போர்டு மனு தாக்கல்
  • BREAKING-NEWS மாலத்தீவு அதிபர் பதவியேற்பு விழாவில் பங்கேற்க மாலேவுக்கு சென்ற இந்திய பிரதமர் மோடிக்கு உற்சாக வரவேற்பு
  • BREAKING-NEWS முன்னெச்சரிக்கை நடவடிக்கையாக லட்சத்தீவுகள் கடல் பகுதிக்கு மீன்பிடிக்க மீனவர்கள் செல்ல வேண்டாம் - கஜா புயலை தொடர்ந்து அரபிக் கடலில் புதிதாக புயல் உருவாவதால் அவசர கட்டுப்பாட்டு மையம் அறிவுறுத்தல்
  • BREAKING-NEWS கஜா புயலால் உயிரிழந்தோர் எண்ணிக்கை 46 ஆக அதிகரித்தது

ஒகேனக்கல்லில் குவிந்த சுற்றுலா பயணிகள்: விடுமுறையில் ஜாலி கொண்டாட்டம்..!

people-crowd-in-hogenakkal

கோடை விடுமுறையை கொண்டாட ஒகேனக்கல்லில் ஏராளமான சுற்றுலா பயணிகள் குவிந்தனர். இதனால் பரிசல் பயணம் செய்யும் இடங்களில் மக்கள் கூட்டம் அலைமோதியது.

கர்நாடக மாநிலத்தில் காவிரி நீர்ப்பிடிப்பு பகுதியில் கடந்த சில மாதங்களாக மழையில்லாத காரணத்தினால் காவிரியாற்றில் கடந்த சில மாதங்களாக நீர்வரத்து 200 கன அடியாக சரிந்து, வேறும் பாறைகளாக காட்சியளித்தது. இதனால் சுற்றுலாதளமான ஒகேனக்கல்லிலும் பயணிகள் வரத்து இல்லாமல் வெறிச்சோடி காணப்பட்டது. இந்நிலையில் கடந்த ஒரு வாரமாக காவிரி நீர்ப்பிடிப்பு பகுதியில் மழை பெய்து வருகிறது. இதனால் நேற்று முதல் காவரியாற்றில் நீர்வரத்து அதிகரிக்க தொடங்கியது. கடந்த சில நாட்களாக 200 கன அடியாக வந்து கொண்டிருந்த நீர்வரத்து, காவிரி நீர்ப்பிடிப்பு பகுதியில் பெய்த மழையால் தமிழக எல்லையான பிலிகுண்டுலுவுக்கு 1000 கன அடியாக அதிகரித்தது. இதனைத்தொடர்ந்து நேற்று மீண்டும் பெய்த மழை காரணமாக நீர்வரத்து மேலும் அதிகரித்து 1500 கன அடியாக வந்து கொண்டிருக்கிறது.

இதனால் கடந்த சில நாட்களாக சுற்றுலா பயணிகள் வருகையின்றி வெறிச்சோடி கிடந்த ஒகேனக்கல்லுக்கு, இன்று கோடை விடுமுறையை கொண்டாட ஏராளமான சுற்றுலா பயணிகள் குவிந்தனர். இதனால், மெயினருவி மற்றும் பரிசல் பயணம் செய்யும் இடங்களில் சுற்றுலா பயணிகள் கூட்டம் அலைமோதியது. இதனிடையே சுற்றுலா பயணிகள் நலன் கருதி, தமிழக அரசு கூடுதலாக தண்ணீர் திறக்க நடவடிக்கை எடுக்க வேண்டும் என சுற்றுலா பயணிகள் கோரிக்கை விடுத்துள்ளனர்.

சுற்றுலா பயணிகள் வருகை அதிகரித்ததால், ஒகேனக்கல்லில் உள்ள பரிசல் ஓட்டிகள், சமையல் தொழிலாளர்கள் உள்ளிட்ட சிறு தொழிலாளர்கள் மிகுந்த மகிழ்ச்சியடைந்துள்ளனர்.

தகவல்கள்: சே.விவேகானந்தன்.

Advertisement:
இது தொடர்பான செய்திகள் :
Advertisement:
Advertisement:
[X] Close