[X] Close
JUST IN
  • BREAKING-NEWS டெல்லி அர்பித் பேலஸ் ஓட்டல் தீ விபத்தில் 17பேர் உயிரிழந்த சம்பவத்தில், தலைமறைவாக இருந்த ஓட்டல் உரிமையாளர் ராகேஷ் கோயலை கைது செய்தது டெல்லி குற்றப்பிரிவு போலீஸ்
  • BREAKING-NEWS கோவை: செட்டிபாளையத்தில் ஜல்லிக்கட்டு போட்டியை அமைச்சர் எஸ்.பி.வேலுமணி தொடங்கி வைத்தார்; ஜல்லிக்கட்டில் 700க்கும் மேற்பட்ட காளைகள், 600க்கும் மேற்பட்ட மாடுபிடி வீரர்கள் பங்கேற்பு
  • BREAKING-NEWS சென்னையில் பெட்ரோல் லிட்டருக்கு ரூ. 73.28 காசுகளாகவும், டீசல் லிட்டருக்கு ரூ. 69.57 காசுகளாகவும் விலை நிர்ணயம்
  • BREAKING-NEWS புல்வாமா தாக்குதலை தொடர்ந்து டெல்லியில் உள்துறை அமைச்சர் ராஜ்நாத் சிங் தலைமையில் நாளை அனைத்துக் கட்சி கூட்டம் நடைபெறுகிறது
  • BREAKING-NEWS தமிழகத்தில் மார்ச் 10ம் தேதி தீவிர போலியோ சொட்டு மருந்து முகாம் நடைபெறும்
  • BREAKING-NEWS புல்வாமா பயங்கரவாத தாக்குதலை தொடர்ந்து பாகிஸ்தானில் உள்ள இந்திய தூதர் டெல்லி திரும்ப மத்திய அரசு உத்தரவு
  • BREAKING-NEWS புல்வாமா பயங்கரவாத தாக்குதலுக்கு பாகிஸ்தான் பதில் சொல்லியே ஆக வேண்டும்; சரியான, உறுதியான பதிலடி கொடுக்கப்படும் - மத்திய அமைச்சர் நிதின் கட்கரி

இணையதளத்தில் கிளி விற்ற திமுக பிரமுகர் மகன் கைது!

thambaram-dmk-personality-son-arrested-for-sale-green-parrot

தாம்பரத்தில் செல்லப்பிராணிகளுடன் பச்சைக் கிளியும் விற்பனை செய்த கல்லூரி மாணவர் வனத்துறையினரால் கைது செய்யப்பட்டார்.

சென்னை கிழக்கு தாம்பரம் வினோபா நகரை சேர்ந்த திமுக பிரமுகர் ராஜேந்திரன். இவரின் மகன் தமிழன்பன் (22). எம்.ஏ படித்து வரும் இவர், செல்லப் பிராணிகளை வளர்ப்பதில் ஆர்வம் கொண்டவராக இருந்துள்ளார். வீட்டில் பூனை, புறா, நாய் ஆகிய செல்லப்பிராணிகளை வளர்த்து வந்துள்ளார். 

இதுமட்டுமின்றி குருவிக்காரர்களிடம் குறைந்த விலைக்கு பச்சைக்கிளியை வாங்கி, இணையதளத்தில் விளம்பரம் செய்து விற்பனை செய்தும் வந்துள்ளார். இந்தத் தகவலை அறிந்த வனத்துறை காவலர்கள், வாடிக்கையாளர்கள் போல தங்களுக்கு வளர்க்க கிளி வேண்டும் என்று இணையத்தில் இருந்த எண்ணை தொடர்பு கொண்டு பேசியுள்ளனர். 

தாம்பரம் ஏர்போர்ஸ் சாலை அருகே ரூ.3000 கொண்டு வருமாறு தமிழன்பன் கூறியுள்ளார். வனத்துறை காவலர்களும் சீருடை அணியாமல் பணத்தை எடுத்துக்கொண்டு அந்த இடத்திற்கு வந்துள்ளனர். அவர்களிடம் பணத்தைப் பெற்றுக்கொண்டு பச்சைக்கிளியை கொடுக்க, வசமாக சிக்கிக்கொண்டார் தமிழன்பன். 

இதையடுத்து கிளி வளர்ப்பது, விற்பது தடை என்ற வன உயிரின பாதுகாப்பு சட்டம் 1972ன் படி அவரை வனத்துறைக் காவலர்கள் கைது செய்தனர். அத்துடன் அவரிடம் இருந்து 14 கிளிகளையும் பறிமுதல் செய்தனர். வன உயிரின பாதுகாப்பு சட்டத்தின் படி கிளி முதல் அட்டவணையில் வராததால், தமிழன்பனுக்கு 3 மாத சிறை அல்லது ரூ.25,000 அபராதம் விதிக்கப்பட்டது. இதில் ரூ.25,000 அபராதத்தை செலுத்துவதற்கு தமிழன்பன் ஒப்புக்கொண்டதாக, வனச்சரக ஆய்வாளர் முருகேசன் தெரிவித்துள்ளார்.

(தகவல்கள்: சாந்தகுமார், புதிய தலைமுறை செய்தியாளர், தாம்பரம்)

Advertisement:
இது தொடர்பான செய்திகள் :
Advertisement:
Advertisement:
[X] Close