[X] Close
JUST IN
  • BREAKING-NEWS சிலை கடத்தல் வழக்குகளை விசாரிக்க சிபிஐ மறுத்தது குறித்து பதிலளிக்க தமிழக அரசுக்கு சென்னை உயர்நீதிமன்றம் உத்தரவு
  • BREAKING-NEWS விநாயகர் சிலை ஊர்வலத்தில் பேசியதை நீதிமன்றம் தாமாக முன் வந்து விசாரிக்க ஹெச்.ராஜா எதிர்ப்பு
  • BREAKING-NEWS தேனி மாவட்டம் பெரியகுளம் அருகே உள்ள கும்பக்கரை அருவியில் குளிக்க சுற்றுலா பயணிகளுக்கு அனுமதி
  • BREAKING-NEWS உலகின் சிறந்த கால்பந்து வீரராக லூகா மோட்ரிச் தேர்வு
  • BREAKING-NEWS சென்னையில் பெட்ரோல் லிட்டருக்கு ரூ.86.13 காசுகளாகவும், டீசல் லிட்டருக்கு ரூ.78.36 காசுகளாகவும் விலை நிர்யம்
  • BREAKING-NEWS ஸ்டெர்லைட் ஆய்வுக்குழுவின் கருத்து கேட்பு கூட்டம்
  • BREAKING-NEWS மாலத்தீவில் எதிர்க்கட்சி வேட்பாளர் வெற்றி

சாலையில் வீணாய் போன துவரம் பருப்பு மூட்டைகள்: இதுதான் காரணம்..!

lorry-accident-near-tambaram

அதிகப்படியான பாரம் ஏற்றி சென்ற லாரி பாரம் தாங்காமல் கவிழ்ந்து விபத்து ஏற்பட்டது. இதனால் துவரம் பருப்பு மூட்டைகள் சாலையிலேயே சிதறி வீணானது.

சென்னை எண்ணூரில் இருந்து குடிமைபொருள் ஏற்றிச் சென்ற லாரி ஒன்று சேலம் செல்வதற்காக சென்னை தாம்பரம் அடுத்த இரும்புலியூர் வழியாக சென்றுக் கொண்டிருந்தது. அப்போது இரும்புலியூர் மேம்பால வளைவில் எதிர்பாராதவிதமாக லாரி கவிழ்ந்து விபத்திற்குள்ளானது. விபத்தில் பொதுமக்களுக்கு விநியோகம் செய்ய கொண்டு செல்லப்பட்ட 20 டன் துவரம் பருப்பு மூட்டைகள் சாலையிலேயே கொட்டிச் சிதறின. சாலையில் கொட்டிக் கிடந்த துவரம் பருப்பின் மேலேயே அவ்வழியாக சென்ற வாகனங்கள் சென்றதால் துவரம் பருப்பு மூட்டைகள் அனைத்தும் வீணானது. வீணான துவரம் பருப்பு குறித்து குடிமை பொருள் அதிகாரிகள் கணக்கிட்டு வருகின்றனர்.

இந்த லாரியின் சரக்கு ஏற்றக்கூடிய அளவு 18 டன் என கூறப்படுகிறது ஆனால் 20-க்கும் மேற்பட்ட டன் அளவிற்கு சரக்கு ஏற்றி கொண்டு வரப்பட்டுள்ளது. மேலும் பருப்பு மூட்டைகளை சரிவர கட்டவில்லை எனவும் தெரிகிறது. அதிகப்படியான பாரம் ஏற்றி வந்ததும், லாரியின் ஓட்டுநர் மது போதையில் இருந்ததுமே விபத்து ஏற்பட காரணம் என சொல்லப்படுகிறது. லாரி ஓட்டுநர் நளநாதனுக்கு காயம் ஏற்பட்டுள்ளதால் அவர் சிகிச்சைக்காக சென்னை குராம்பேட்டை அரசு மருத்துவமனையில் அனுமதிக்கப்பட்டுள்ளார். விபத்து குறித்து குரோம்பேட்டை போக்குவரத்து புலனாய்வு பிரிவு போலீசார் விசாரணை மேற்கொண்டு வருகின்றனர்.

தகவல்கள்: செய்தியாளர் S. சாந்தகுமார்

Advertisement:
Advertisement:
Advertisement:
[X] Close