[X] Close
JUST IN
  • BREAKING-NEWS டாக்டர் எம்.ஜி.ஆர் நிகர்நிலை பல்கலைக்கழகம் சார்பில் முதல்வர் பழனிசாமிக்கு அக்டோபர் 20ம் தேதி கௌரவ டாக்டர் பட்டம் வழங்கப்படுகிறது
  • BREAKING-NEWS பொதுத்துறை ஊழியர்களுக்கு தீபாவளி போனஸ் 8.33%, கருணைத் தொகை 11.37% வழங்கப்படும் - தமிழக அரசு
  • BREAKING-NEWS ராஜீவ்காந்தி கொலை குறித்து சீமான் பேசியது தொடர்பாக மாவட்ட தேர்தல் அதிகாரியிடம் விரிவான அறிக்கை கேட்டுள்ளார் தமிழக தலைமை தேர்தல் அதிகாரி சத்யபிரதா சாஹூ
  • BREAKING-NEWS நீட் ஆள்மாறாட்ட வழக்கில் மாணவர் இர்பானின் காவலை அக்டோபர் 25 வரை நீட்டித்தது தேனி நீதிமன்றம்

துணைவேந்தர்கள் மீது கடும் நடவடிக்கை: எச்சரித்த ஆளுநர்

tough-action-on-vice-chancellors-warned-governor

பல்கலைக்கழக துணைவேந்தர்கள் முறைகேடு செய்தால் கடும் நடவடிக்கை எடுக்கப்படும் என தமிழக ஆளுநர் பன்வாரிலால் புரோகித் தெரிவித்துள்ளார்.

தமிழகத்தில் உள்ள அனைத்து பல்கலைக்கழக துணைவேந்தர்களுடன் ஆளுநர் பன்வாரிலால் புரோகித் சென்னையில் இன்று ஆலோசனை நடத்தினார். கோவை பாரதியார் பல்கலைக்கழக துணைவேந்தர் கணபதி ஊழல் வழக்கில் கைது செய்யப்பட்டதை அடுத்து, பல்கலைக்கழக நிர்வாகங்கள் மீது பரவலாக குற்றச்சாட்டு எழுந்தது. இந்நிலையில் பல்கலைக்கழக துணைவேந்தர்களுடன் ஆளுநர் ஆலோசனை நடத்தியது முக்கியத்துவம் வாய்ந்ததாகக் கருதப்படுகிறது. மீன்வளப்பல்கலைக்கழகம், சட்டப்பல்கலைக்கழகம், வேளாண்மை பல்கலைக்கழகம் உள்ளிட்டவைகளின் துணைவேந்தர்கள் 17 பேர் மற்றும் உயர்கல்வித்துறை செயலாளர் சுனில் பாலிவால் ஆகியோர் கூட்டத்தில் பங்கேற்றனர். 

இந்தக்கூட்டத்தில் பல்கலைக்கழகங்களுக்கு மத்திய அரசின் ''ருசா'' திட்டத்தின் கீழ் ஒதுக்கப்பட்ட 20 கோடி ரூபாய் எந்தெந்த வழிகளில் செலவு செய்யப்பட்டது என்பது குறித்தும், உயர்கல்வி மன்ற கூட்டத்தின் அறிக்கையையும் ஆளுநர் கேட்டறிந்தார். துணைவேந்தர்கள் முறைகேடு செய்தால் கடும் நடவடிக்கை எடுக்கப்படும் என எச்சரித்தார்.நிர்வாகத்தில் வெளிப்படைத்தன்மை இருக்க வேண்டும்.தமிழகத்துக்கு நல்ல பெயரை வாங்கித்தரும் அளவுக்கு துணைவேந்தர்கள் பணியாற்ற வேண்டும் என துணைவேந்தர்கள் மத்தியில் ஆளுநர் பேசினார்.

Advertisement:
இது தொடர்பான செய்திகள் :
Advertisement:
Advertisement:
[X] Close