[X] Close
JUST IN
  • BREAKING-NEWS மேகதாது அணை விவகாரத்தில் மத்திய அரசுக்கு தமிழக அரசு அழுத்தம் தர வேண்டும்; மேகதாது அணை கட்டுவதற்கு உச்சநீதிமன்றத்தில் உடனடியாக தடை பெற வேண்டும் - மு.க.ஸ்டாலின்
  • BREAKING-NEWS நாடாளுமன்ற தேர்தலில் மம்தா பானர்ஜியால் பெரிய அளவில் வெற்றி பெற முடியாது; கொல்கத்தாவில் நடந்த மாநாட்டில் மிகக் குறைவாகவே கூட்டம் கூடியது - கே.பாலகிருஷ்ணன்
  • BREAKING-NEWS வாக்குப்பதிவு இயந்திரத்தில் முறைகேடு செய்யலாம் என தவறான தகவலை பரப்பியதாக லண்டனில் நடந்த நிகழ்ச்சி தொடர்பாகவும், நிகழ்ச்சி ஏற்பாட்டாளர் மீதும் டெல்லி போலீசில் தேர்தல் ஆணையம் புகார்
  • BREAKING-NEWS நாடாளுமன்ற தேர்தலில் பாஜக-அதிமுக கூட்டணி உறுதி - மத்திய அமைச்சர் ராம்தாஸ் அத்வாலே
  • BREAKING-NEWS தமிழகத்தில் போலியோ சொட்டு மருந்து வழங்குவது தாமதமாகும்; மத்திய தடுப்பு மருந்து தொழில்நுட்பக்குழு பரிந்துரையால் பிப்.3ல் போலியோ சொட்டு மருந்து முகாம் இல்லை - அமைச்சர் விஜயபாஸ்கர்
  • BREAKING-NEWS பட்டாசு ஆலை தொடர்பான வழக்கில் விசாரணையை 29ம் தேதிக்கு ஒத்திவைத்தது உச்சநீதிமன்றம்
  • BREAKING-NEWS அதிமுக உள்கட்சி விவகாரத்தில் பாஜக மூக்கை நுழைப்பது தவறானது - தம்பிதுரை எம்.பி.

மு.க.முத்து மகளின் பகீர் மனு: காவல்துறை பதிலளிக்க நீதிமன்றம் உத்தரவு!

m-karanidhi-son-mk-muthu-oriented-case-chennai-high-court-order-to-the-police-for-reply-the-petition

முன்னாள் முதலமைச்சர் கருணாநிதியின் மகன் மு.க.முத்துவின் மகள் தொடந்த வழக்கில், காவல்துறை பதிலளிக்கும்படி சென்னை உயர்நீதிமன்றம் உத்தரவிட்டுள்ளது.

சென்னை சைதாப்பேட்டை ஸ்ரீநகர் காலனியில் உள்ள மு.க.முத்துவின் மகள் ஷீபா ராணி, சென்னை உயர்நீதிமன்றத்தில் மனு ஒன்றை தாக்கல் செய்தார். அதில், “எனது அப்பா, மு.க. முத்து, எனது தாயாரை 1988 ஆம் ஆண்டில் இந்து முறைப்படி, கல்யாணம் செய்து, கொண்டு கோபாலபுரத்தில் உள்ள வீட்டில் குடும்பம் நடத்தி வந்தார். இவர்களுக்கு நான், மகளாக கடந்த 1991 ஆம் ஆண்டில், எழும்பூர் குழந்தைகள் அரசு மருத்துவமனையில் பிறந்தேன்.

அதன்பிறகு, ராயப்பேட்டை லாயிட்ஸ் காலனியில் எனது அப்பா, அம்மாவுடன் நான் இருந்து வந்தேன். அங்கு வந்த எனது அப்பாவின் மூத்த மனைவியின் மகன் அறிவுநிதி மற்றும் அவருடன் வந்த 10 ரவுடிகள், என்னையும், எனது அம்மாவையும் அடித்துபோட்டு வீட்டில் இருந்த பொருட்களை வெளியே அள்ளி வீசிவிட்டு, அந்த வீட்டை அபகரித்து கொண்டார். இதையடுத்து, நானும், எனது அம்மாவும், ஆவடியில் உள்ள தெரிந்தவர்கள் வீட்டில் தங்கியிருந்தோம். கடந்த 1997ல் எனது அப்பாவை இசிஆர், பாலவாக்கத்தில் வைத்து நானும், அம்மாவும் சந்தித்தோம். அப்போதும் அங்கு வந்த அறிவுநிதி, எங்களை தாக்கிவிட்டு சென்றார். அதன் பிறகு, என் அப்பாவைச் சந்திக்க விடாமல், அறிவுநிதி தடுத்து வந்தார். இப்போது, நாங்கள் பெரிதும் கஷ்டப்பட்டு வருகிறோம்.

2009 முதல் 2014ஆம் ஆண்டு கால கட்டத்தில், என் அப்பாவை இதுவரை பார்க்கவில்லை. இதுதொடர்பாக எங்கு புகார் செய்தாலும் நியாயம் கிடைக்கவில்லை. 2015ஆம் ஆண்டில், திருவாரூரில் வைத்து என் அப்பாவை சந்தித்தேன். அப்போது அவர் உடல் நலம் பாதிக்கப்பட்டு இருந்தார். இதை அறிந்ததும், அறிவுநிதி என் அப்பாவை, சென்னைக்கு அழைத்து வந்து விட்டார்.

கடந்த மூன்று ஆண்டுகளாக என் அப்பாவை பார்க்க முடியவில்லை. அவரை அவரது மகன் அறிவுநிதி சட்டவிரோதமாக அடைத்து வைத்துள்ளார். இதுதொடர்பாக, சென்ற ஆண்டு பிப்ரவரி 19ஆம் தேதி, கோட்டூர்புரம் போலீசில் புகார் அளித்தும், இதுவரை எந்த நடவடிக்கையும் இல்லை. எனவே, அறிவுநிதியிடம் சட்டவிரோத காவலில் இருக்கும் என் அப்பா மு.க.முத்துவை மீட்டு, நீதிமன்றத்தில் ஆஜர்படுத்த போலீசாருக்கு உத்தரவிட வேண்டும்” என்று கோரியிருந்தார். 

இந்த மனு நீதிபதிகள் சி.டி செல்வம், சதீஷ்குமார் ஆகியோர் முன்பு இன்று விசாரணைக்கு வந்தது. அப்போது, இம்மனு குறித்து 2 வாரத்தில் பதில் அளிக்கும்படி, சென்னை காவல் ஆணையர், மைலாப்பூர் துணை கமிசனர், கோட்டூர்புரம் உதவி கமிசனர், போலீஸ் இன்ஸ்பெக்டர், அறிவுநிதி ஆகியோருக்கு நோட்டீஸ் அனுப்ப நீதிபதிகள் உத்தரவிட்டனர். 

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close