[X] Close
JUST IN
  • BREAKING-NEWS ஊரக உள்ளாட்சித் தேர்தலில் போட்டியிடும் வேட்பாளர்கள் பட்டியலை வெளியிட்டது அதிமுக
  • BREAKING-NEWS ராஜீவ்காந்தி கொலை வழக்கில் சிறையில் உள்ள நளினி உயர்நீதிமன்றத்தில் ஆட்கொணர்வு மனு தாக்கல்
  • BREAKING-NEWS சென்னை ஐஐடியில் மாணவர்களின் தற்கொலைகள் குறித்த வழக்கை சிபிஐ விசாரணைக்கு மாற்றக்கோரிய மனுவை உயர்நீதிமன்றம் தள்ளுபடி செய்தது
  • BREAKING-NEWS ராகுல்காந்தி மீது நடவடிக்கை எடுக்கக்கோரி தேர்தல் ஆணையத்தில் பாஜக சார்பில் ஸ்மிருதி இரானி புகார் மனு
  • BREAKING-NEWS உள்ளாட்சித் தேர்தலில் நாம் தமிழர் கட்சிக்கு கரும்பு விவசாயி சின்னம் ஒதுக்கியது மாநில தேர்தல் ஆணையம்
  • BREAKING-NEWS உள்ளாட்சித் தெர்தலில் மதிமுகவிற்கு பம்பரம் சின்னம் ஒதுக்கியது மாநில தேர்தல் ஆணையம்
  • BREAKING-NEWS தமிழகத்தை சேர்ந்த ஐஏஎஸ் அதிகாரி சோமநாதன் மத்திய நிதி அமைச்சக செயலாளராக நியமனம்

ஜெயலலிதா நினைவு மண்டபம் விதிமீறலா? அரசின் விளக்கம்!

traffic-ramasamy-filed-case-against-jayalalitha-memorable-hall-in-merina-in-chennai-highcourt

மறைந்த முதலமைச்சர் ஜெயலலிதாவுக்கு நினைவிடம் அமைப்பதில் விதிமீறல் இல்லை என தமிழக அரசு விளக்கமளித்துள்ளது.

ஜெயலலிதாவிற்கு ரூ.15 கோடியில் நினைவிடம் கட்டுவதில் சட்ட விதிமீறல் இருப்பதாக சமூக ஆர்வலர் டிராபிக் ராமசாமி சென்னை உயர்நீதிமன்றத்தில் மனு அளித்துள்ளார். அந்த மனுவில், “மெரினா கடற்கரை மக்களுக்கானது. அதில் மறைந்த முதலமைச்சர்கள் எம்.ஜி.ஆர்., அண்ணாதுரை மற்றும் ஜெயலலிதா ஆகியோரின் சமாதிகள் வைக்கப்பட்டுள்ளன. தொடர்ந்து இதுபோன்ற சமாதிகள் அமைக்கப்பட்டால் கடற்கரையை மக்கள் பயன்படுத்த முடியாத நிலை ஏற்படும். எனவே முதலமைச்சர்களின் சமாதியை, காந்தி மண்டபம் அமைந்துள்ள இடத்தில் வைக்க வேண்டும்” எனக் கோரியிருந்தார். மேலும் மெரினாவில் சமாதிகள் வைக்கப்பட்டிருப்பது, கடலோர ஒழுங்குமுறைப்படி விதிமீறல் என்று தெரிவித்துள்ளார். இந்த மனுவை இன்று நீதிமன்றம் விசாரித்தது.

அப்போது தமிழக அரசின் சார்பில் அளிக்கப்பட்ட விளக்கத்தில், “முன்னாள் முதலமைச்சர்களுக்கு பெருமை சேர்க்கும் விதமாக, 65 நினைவிடங்கள், 5 கூட்டரங்குகள், 4 நினைவு தூண்கள், 1 நினைவு சின்னத்தை அரசு நிறுவியுள்ளது. கடந்த 1991 மற்றும் 2011ஆம் ஆண்டுகளில் கொண்டு வரப்பட்ட கடற்கரை ஒழுங்குமுறை சட்டத்தின் கீழ், கடற்கரை ஓரங்களில் நினைவு சின்னங்கள் அமைக்க தடை எதுவும் கிடையாது. மேலும் ஒழுங்குமுறை ஆணைய சட்டத்தின் படி, மண்டலம் 2க்கு உட்பட்ட பகுதியில் ஏற்கனவே உள்ள சாலைகள், கட்டிடங்களை விரிவுபடுத்த தடை கிடையாது என்று தெளிவு படுத்தப்பட்டுள்ளது. அதன்படி, ஜெயலலிதா சமாதியானது, எம்.ஜி.ஆர். சமாதிக்குள்தான் இருக்கிறது. எனவே, கடற்கரை ஒழுங்குமுறை ஆணைய சட்டம் இதில் மீறப்படவில்லை” என்று கூறப்பட்டது. 

இதையடுத்து அரசின் பதில் மனுவுக்கு, டிராபிக் ராமசாமி தரப்பில் விளக்க மனுத்தாக்கல் செய்ய உத்தரவிட்டு வழக்கை பிப்ரவரி 16ஆம் தேதிக்கு நீதிமன்றம் ஒத்திவைத்தது.

Advertisement:
இது தொடர்பான செய்திகள் :
Advertisement:
Advertisement:
[X] Close