[X] Close
JUST IN
  • BREAKING-NEWS ராஜீவ்காந்தி குறித்த பேச்சை திரும்பப் பெறமாட்டேன் - சீமான்
  • BREAKING-NEWS தூத்துக்குடி எம்.பி. கனிமொழியின் வெற்றியை எதிர்த்து தமிழிசை தொடர்ந்த மனுவை வாபஸ் பெற உயர்நீதிமன்றம் அனுமதி
  • BREAKING-NEWS இரண்டாயிரம் ரூபாய் நோட்டுகள் அச்சிடுவதை நிறுத்தியது ரிசர்வ் வங்கி
  • BREAKING-NEWS ராஜீவ் காந்தி கொலை குறித்து சர்ச்சை பேச்சு.. சீமான் மீது வழக்குப்பதிவு
  • BREAKING-NEWS முதல்வர் பதவியை ராஜினாமா செய்துவிட்டு தேர்தல் களத்தில் நேருக்கு நேர் மோதத் தயாரா..? முதல்வருக்கு மு.க.ஸ்டாலின் சவால்
  • BREAKING-NEWS பிசிசிஐ தலைவராகிறார் கங்குலி... அனைத்து மாநில சங்கங்கள் ஏகமனதாக தேர்வு செய்கின்றனர்.

கணவர் தொல்லை இல்லை: பொங்கல் கொண்டாட்டத்தில் ஒலித்த பெண் குரல்..!

kaanum-pongal-celebrations-in-erode

ஈரோடு மாவட்டத்தில் பெண்கள் மட்டுமே பங்கேற்கும் காணும் பொங்கல் விழா நடைபெற்றது. இதில் 5000க்கும் அதிகமான பெண்கள் கலந்துகொண்டு ஆடிப்பாடி மகிழ்ச்சியை வெளிப்படுத்தினர்.

காணும் பொங்கலை முன்னிட்டு பொதுமக்கள் சுற்றுலாத் தலங்கள், கடற்கரை உள்ளிட்ட பல்வேறு இடங்களுக்கு குடும்பம் குடும்பமாக சென்று ஆடிப்பாடி மகிழ்ச்சியை வெளிப்படுத்தி வருகின்றனர். ஆனால் ஈரோடு மாவட்டத்தில் பெண்கள் மட்டுமே பங்கேற்கும் காணும் பொங்கல் விழா நடைபெற்றது.

ஈரோடு வஉசி பூங்காவில் பெண்கள் மட்டும் பங்கேற்கும் காணும் பொங்கல் விழாவில் 5 ஆயிரத்திற்கும் மேற்பட்ட பெண்கள், கல்லூரி மாணவிகள், குழந்தைகள் இணைந்து ஆட்டம் பாட்டம் என கொண்டாட்டத்தில் ஈடுபட்டனர். ஆண்களுக்கு இந்தக் கொண்டாட்டத்தில் பங்கேற்க அனுமதி கிடையாது. பெண்கள் அனைவரும் தங்களது வீட்டில் இருந்து உணவு சமைத்து எடுத்து வந்து அனைவருடனும் பகிர்ந்துண்டு மகிழ்ந்தனர். குழந்தையைப் போல பெண்களும் ஆடிப் பாடி மகிழ்ந்து தங்களது சோகத்தை மறந்தனர். விழாவில் பங்கேற்ற ஒரு பெண், “கணவர் தொல்லை இல்லை. உறவினர் தொல்லை இல்லை. இந்த நாளை சிறப்பாக கொண்டாடுகிறோம். வருடந் தவறாமல் இந்த விழாவிற்கு வந்துவிடுவோம். இன்று என் மகிழ்ச்சிக்கு அளவே இல்லை” என்றார்.

மற்றொரு பெண், “ வீட்டில் ஆயிரம் பிரச்னைகள் இருக்கு. ஆனால் இங்கு முதல்முறையாக வருகிறேன். மற்றவர்கள் ஆடிப்பாடி மகிழ்வதை பார்த்தபோது எனக்கும் மகிழ்ச்சி தொற்றிக்கொண்டது. அதனால் நானும் முடிந்தவரை என்ஜாய் பண்ணிவிட்டேன்” என கூறினார்.

Advertisement:
இது தொடர்பான செய்திகள் :
Advertisement:
Advertisement:
[X] Close