[X] Close
JUST IN
  • BREAKING-NEWS டெல்லியில் 28 ஆவது ஜிஎஸ்டி கூட்டம் அமைச்சர் பியூஷ் கோயல் தலைமையில் தொடங்கியது
  • BREAKING-NEWS இந்தியா திருக்கோயில் என்றால், கடவுள் இருக்கும் இடம் தமிழ்நாடு- முதலமைச்சர் பழனிசாமி
  • BREAKING-NEWS நிதி மசோதாவுக்கு ஒப்புதல் பெறப்பட்டு நிறைவேற்றப்படும்- புதுச்சேரி துணைநிலை ஆளுநர் கிரண்பேடி
  • BREAKING-NEWS ராமநாதபுரம்: மண்டபம் அருகே முயல் தீவுப் பகுதியில் ரூ.4 கோடி மதிப்புள்ள கடல் அட்டைகள் பறிமுதல்
  • BREAKING-NEWS நாடு முழுவதும் அகில இந்திய மோட்டார் காங்கிரஸ் சார்பில் 2 ஆவது நாளாக லாரிகள் வேலைநிறுத்தம்
  • BREAKING-NEWS விருதுநகர்: ராஜபாளையம் அருகே திருவள்ளூர் நகரில் பாலியல் புகாரில் பள்ளி தலைமை ஆசிரியர் கைது

கன்னியாகுமரியில் 5000க்கும் அதிகமான மீனவர்கள் பேரணி

over-fishermen-rally-in-kanyakumari

ஒகி புயலால் காணாமல் போன 8 கிராமங்களை சேர்ந்த 1159 மீனவர்களை மீட்கக்கோரி 5,000-க்கும் அதிகமான மீனவர்கள் பேரணியில் ஈடுபட்டுள்ளனர்.

கன்னியாகுமரி கடல் பகுதியில் உருவான ‘ஒகி’ புயல் காரணமாக, பலத்த சூறைக்காற்றுடன் மழை பெய்தது. இதனால் கடலுக்கு மீன்பிடிக்கச் சென்ற தமிழகம் மற்றும் கேரளாவைச் சேர்ந்த ஏராளமான மீனவர்கள் மாயமாகினர். அவர்களை மீட்கும் பணி நடைபெற்று வருகிறது. மாயமான மீனவர்களில் பலர் பல்வேறு மாநிலங்களிலும் தஞ்சமடைந்துள்ளனர்.

இந்நிலையில் காணாமல் போன 8 கிராமங்களை சேர்ந்த 1159 மீனவர்களை மீட்கக்கோரி 5000-க்கும் அதிகமான மீனவர்கள் கன்னியாகுமரியில் பேரணியில் ஈடுபட்டுள்ளனர். நீரோடி முதல் இரவிபுத்தன்துறை வரையிலான 8 கிராமங்களைச் சேர்ந்த மீனவமக்கள் இந்த பேரணியில் ஈடுபட்டுள்ளனர். சின்னத்துறையிலிருந்து புறப்பட்ட இந்த பேரணி குழித்துறை ரயில் நிலையம் வரை செல்கிறது. அங்கு அவர்கள் ரயில் மறியல் போராட்டத்திலும் ஈடுபட உள்ளனர்.

மீனவர்களை மீட்பதில் மத்திய, மாநில அரசுகள் அக்கறை செலுத்தவில்லை என குற்றம்சாட்டியுள்ள அவர்கள், இன்னும் ஆயிரத்திற்கும் அதிகமான மீனவர்கள் கண்டுபிடிக்கப்பட்டாத நிலையில், மீனவர்களின் எண்ணிக்கையை அரசுகள் குறைத்து கூறுவதாக சாடினர். புயல் அடித்து ஒரு வாரம் தாண்டியும் இன்னும் தங்களது உறவினர்களை காணாமல் அவர்கள் தவித்து வருகின்றனர். அதிகாரிகள் தங்களை கண்டுகொள்ளவில்லை எனவும் அவர்கள் வேதனையுடன் தெரிவித்துள்ளனர். பெண்களும், குழந்தைகளும் கூட இந்த போராட்டத்தில் ஈடுபட்டுள்ளனர். மீனவர்கள் உடனடியாக மீட்கப்படுவார்கள் எனவும், உடனடி நிவாரணம் வழங்கப்படும் எனவும் மீனவளத்துறை அமைச்சர் ஜெயக்குமார் உறுதி அளித்ததாகவும், ஆனால் இதுவரை உறுதிமொழி நிறைவேற்றப்படவில்லை எனவும் அவர்கள் தெரிவித்துள்ளனர்.

Advertisement:
இது தொடர்பான செய்திகள் :
Advertisement:
Advertisement:
[X] Close