[X] Close
JUST IN
  • BREAKING-NEWS தண்ணீர் பிரச்னைக்காக மாவட்டந்தோறும் ஜூன் 22 முதல் திமுக கவன ஈர்ப்பு ஆர்ப்பாட்டம் - திமுக மாவட்டச் செயலாளர்களுக்கு மு.க.ஸ்டாலின் அறிவுறுத்தல்
  • BREAKING-NEWS வாகன ஓட்டு‌நர் உ‌ரிமம் பெறுவதற்கான குறைந்த‌பட்ச கல்வி தகுதியை அடியோடு நீக்கம் செய்ய மத்திய அரசு முடிவு ‌செய்துள்ளதாக தகவல்
  • BREAKING-NEWS ஆந்திர போலீஸாருக்கு இன்று முதல் வார விடுமுறை அறிவித்தார் முதல்வர் ஜெகன்மோகன் ரெட்டி
  • BREAKING-NEWS மக்களவை சபாநாயகராக பாஜவை சேர்ந்த ஓம் பிர்லா எம்.பி. போட்டியின்றி ஒருமனதாக தேர்ந்தெடுக்கப்பட்டார்
  • BREAKING-NEWS நடிகர் சங்கத் தேர்தலை நிறுத்துமாறு தென்சென்னை மாவட்ட சங்கங்களின் பதிவாளர் உத்தரவு
  • BREAKING-NEWS தேர்தல் தோல்வியை அடுத்து கர்நாடக மாநில காங்கிரஸ் கமிட்டியை கலைத்தது காங்கிரஸ் கட்சி

காங். தலைவர் பதவியேற்கவுள்ள ராகுல் காந்திக்கு ஸ்டாலின் வாழ்த்து

dmk-s-mkstalin-sends-his-wishes-to-rahul-gandhi-and-highlights-why-he-would-be-a-beacon-of-hope-for-the-country-as-congress-president

காங்கிரஸ் கட்சியின் தலைவராக மனுத்தாக்கல் செய்திருக்கும் ராகுல் காந்திக்கு ட்விட்டர் பக்கத்தில் வீடியோ மூலம் திமுக செயல் தலைவர் மு.க.ஸ்டாலின் வாழ்த்து தெரிவித்துள்ளார்.

காங்கிரஸ் கட்சியின் அதிகாரப்பூர்வமான ட்விட்டர் பக்கத்தில் திமுக செயல் தலைவர் மு.க.ஸ்டாலின் வீடியோ பதிவு வெளியாகியுள்ளது. அதில் அவர், “தனித்துவம் மிக்க காங்கிரஸ் பாரம்பரியத்தை யாராலும் மறுத்திட இயலாது. அந்த இயக்கத்தின் தற்போதையை வயது 132. காங்கிரஸ் நம் நாட்டின் பழம்பெரும் அரசியல் கட்சி. அத்தகைய கட்சியின் தலைமையை தேர்ந்தெடுக்கும் தருணம் அக்கட்சிக்கு மட்டுமின்றி நமது தேசத்திற்கும் முக்கியமான கட்டமாகும். காங்கிரஸ் பேரியக்கத்தின் தலைவர் பொறுப்புக்கு ராகுல் காந்தியின் பெயர் முன்மொழியப்படுவது வரலாற்றுடன் இணைந்த சிறப்பும் முக்கியத்துவம் வாய்ந்ததாகும்”

“இந்திய மக்களுக்கான இணையில்லா பணியில் தங்களை முழுவதுமாக அற்பணித்து கொள்ளும் அவரது குடும்பத்தின் நீண்ட நெடிய வரலாற்றின் தொடர்ச்சியாக ராகுல் காந்தி முன்மொழியப்பட்டுள்ளார். வகுப்புவாத மற்றும் சர்வாதிகார எண்ணம் கொண்ட சக்திகள் இந்த நாட்டை ஆக்கிரமிக்க முயற்சிக்கும் இந்த வேளையில் நம்பிக்கை ஒளியாக ராகுல் காந்தி திகழ்கிறார். காங்கிரஸ் தலைவர் பொறுப்புக்கு அவர் தேர்ந்தெடுக்கப்பட்டு, அவர் மாபெரும் வெற்றி பெற வேண்டும் என்று திராவிட முன்னேற்ற கழகத்தின் சார்பிலும், தலைவர் கலைஞர் சார்பிலும் மனமார்ந்த வாழ்த்துகளை தெரிவித்து கொள்கிறேன்”.

“ஜனநாயகம், மதச்சார்பின்மை, சோஷலிஸம் என்னும் மகத்தான லட்சியங்களை மீட்டெடுக்கும் போராட்டத்தில் ராகுல் காந்தி திறம்பட பணியாற்ற வேண்டும். காங்கிரஸ் தலைவராக வேட்புமனு தாக்கல் செய்ய இருக்கும் ராகுல் காந்திக்கு என் நல்வாழ்த்துகளை மகிழ்ச்சியோடு தெரிவித்து கொள்கிறேன்” என்று ஸ்டாலின் பேசியுள்ளார்.

Advertisement:
Advertisement:
Advertisement:
[X] Close