[X] Close
JUST IN
  • BREAKING-NEWS தருமபுரி: நல்லம்பள்ளி, ஏரியூர், பெரும்பாலை, கம்பை நல்லூர் பகுதியில் லேசான நில அதிர்வு
  • BREAKING-NEWS ஜம்மு- காஷ்மீரின் குல்காம் மாவட்டத்தில் பாதுகாப்பு படையினரால் 3 பயங்கரவாதிகள் சுட்டுக்கொலை
  • BREAKING-NEWS சென்னை கந்தன்சாவடியில் கட்டட சாரம் சரிந்து விழுந்தது தொடர்பாக பொறியாளர்களிடம் விசாரணை
  • BREAKING-NEWS சென்னை: தனியார் மருத்துவமனை கட்டடத்தின் சாரம் சரிந்து விழுந்ததில் தொழிலாளி பலி, 28பேர் காயம்
  • BREAKING-NEWS சேலம்: மேட்டூர் அணையின் நீர்மட்டம் 114.63 அடியில் இருந்து 116.98 அடியை தாண்டியது
  • BREAKING-NEWS சேலம்: ஓமலூர், கமலாபுரம், மேச்சேரி பகுதிகளில் லேசான நில அதிர்வு உணரப்பட்டது
  • BREAKING-NEWS புதுக்கோட்டை: ஆதனக்கோட்டை அரசு மேல்நிலைப்பள்ளியில் +2 மாணவர்களிடையே மோதல்

கடலில் மாயமான 952 மீனவர்கள் மகாராஷ்டிராவில் மீட்பு

952-fishermen-rescued-in-maharastra

நடுக்கடலில் மாயமான மீனவர்களில் 952 பேர் 68 படகுகளில் பத்திரமாக கரை சேர்ந்திருப்பதாக மகாராஷ்டிரா மாநில முதலமைச்சர் தேவேந்திர பட்நாவிஸ் தனது ட்விட்டர் பக்கத்தில் தெரிவித்துள்ளார்.

கடந்த சில தினங்களுக்கு முன் வழக்கம்போல் தமிழகம் மற்றும் கேரளாவைச் மீனவர்கள் கடலுக்கு மீன்பிடிக்கச் சென்றனர். அந்த நேரத்தில் ஒகி புயல் வீசியதால் அவர்கள் கடலில் சிக்கிக் கொண்டனர். கிட்டத்தட்ட 1000-க்கும் அதிகமான மீனவர்கள் கடலில் மாயமானதாக கூறப்படுகிறது.  காணாமல் போன மீனவர்களை மீட்கும் பணியில் தமிழகம் மற்றும் கேரளா மாநில அரசுகள் ஈடுபட்டு வருகின்றன. மீனவர்களை தேடும் பணிக்காக மத்திய அரசும் தேவையான உதவிகளை செய்து வருகிறது.

இந்நிலையில் நடுக்கடலில் மாயமான மீனவர்களில் 952 பேர் 68 படகுகளில் பத்திரமாக கரை சேர்ந்திருப்பதாக மகாராஷ்டிரா மாநில முதலமைச்சர் தேவேந்திர பட்நாவிஸ் தனது ட்விட்டர் பக்கத்தில் தெரிவித்துள்ளார். அதில் 2 படகுகளில் தமிழக மீனவர்களும், 66 படகுகளில் கேரள மீனவர்களும் இருந்ததாக தேவேந்திர பட்நாவிஸ் தெரிவித்துள்ளார்.

வானிலை சீரானதும் அவர்கள் அனைவரும் பத்திரமாக சொந்த ஊர்களுக்கு அனுப்பி வைக்கப்படுவார்கள் என்றும், அதுவரை மகாராஷ்டிராவில் அவர்கள் பத்திரமாக இருப்பார்கள் என்றும் தெரிவித்துள்ளார். மீனவர்களின் பாதுகாப்புக்கு உதவியளித்தமைக்காக மத்திய பாதுகாப்புத் துறை அமைச்சர் நிர்மலா சீதாராமன், தேவேந்திர பட்நாவிஸுக்கு நன்றி தெரிவித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close