[X] Close
JUST IN
  • BREAKING-NEWS நாடு முழுவதும் தீபாவளி சமயத்தில் பட்டாசு வெடிக்க 2 மணிநேரம் மட்டுமே அனுமதி- உச்சநீதிமன்றம்
  • BREAKING-NEWS ஆன்லைனில் பட்டாசுகளை விற்க தடை விதித்தது உச்சநீதிமன்றம்
  • BREAKING-NEWS நாடு முழுவதும் பட்டாசு விற்பனைக்கோ, தயாரிக்கவோ தடை விதிக்க உச்சநீதிமன்றம் மறுப்பு
  • BREAKING-NEWS சென்னையில் பெட்ரோல் லிட்டருக்கு ரூ.84.53 காசுகளாகவும், டீசல் லிட்டருக்கு ரூ.79.15 காசுகளாகவும் விலை நிர்ணயம்
  • BREAKING-NEWS வடக்கு அந்தமான், கிழக்கு வங்கக்கடல் பகுதிக்கு அடுத்த 12 மணி நேரத்திற்கு மீனவர்கள் செல்ல வேண்டாம் - சென்னை வானிலை ஆய்வு மையம்
  • BREAKING-NEWS பணத்திற்காக வாக்களிப்பது தன்னைத்தானே விற்பதற்கு சமம்: வைகோ
  • BREAKING-NEWS பாஜக நோட்டுகள், டோக்கன்களை தந்து வாக்கு கேட்காது; திட்டங்களை தந்து மட்டுமே வாக்கு கேட்கும் - தமிழிசை

குறைந்த விலையில் மருந்துகள்: புதுவை முதல்வர் நாராயணசாமி புதிய திட்டம்

medicines-will-be-in-low-price-at-govt-medicals-said-puthucherry-cm-narayanasamy

புதுச்சேரியில் அரசு கூட்டுறவு நிறுவனமான அமுதசுரபி மூலம் மக்களுக்கு குறைந்த விலையில் மருந்துகள் கிடைக்க மருந்தகங்கள் திறக்க நடவடிக்கை எடுக்கப்பட்டு வருவதாக முதலமைச்சர் நாராயணசாமி கூறினார்.

புதுச்சேரி எய்ட்ஸ் கட்டுப்பாட்டு சங்கம் சார்பில் உலக எய்ட்ஸ் தினம் இந்திராகாந்தி அரசு மருத்துவமனையின் பட்டமேற்படிப்பு மையத்தில் இன்று நடைபெற்றது. விழாவிற்கு சுகாதாரத்துறை இயக்குநர் ராமன் தலைமை தாங்கினார். சிறப்பு விருந்தினராக முதலமைச்சர் நாராயணசாமி மற்றும் முதல்வரின் பாராளுமன்ற செயலாளர் லஷ்மிநாராயணன் எம்எல்ஏ கலந்து கொண்டு எய்ட்ஸ் கட்டுப்பாட்டு சங்கம் சார்பில் நடைபெற்ற பல்வேறு போட்டிகளில் வெற்றி பெற்ற மாணவ மாணவிகளுக்கு பரிசுகளை வழங்கி பாராட்டினர்.

பின்னர் விழாவில் பேசிய முதலமைச்சர் நாராயணசாமி, "எய்ட்ஸ் நோய் என்பது மிக கொடிய நோயாகும். ஆனால் எய்ட்ஸ் வராமல் தடுக்க முடியும் என்பது அனைத்து நாடுகளுக்கும் தெரியும். அதனால் தான் டிசம்பர் 1-ம் தேதியை எய்ட்ஸ் விழிப்புணர்வு நாளாக உலகம் முழுவதும் கொண்டாடி வருகின்றனர். வடகிழக்கு மாநிலங்களான மேகாலயா, மிசோரம், மணிப்பூர் போன்ற மாநிலங்களில் ஆயிரக்கணக்கில் எய்ட்ஸ் நோயால் பாதிக்கப்பட்டவர்கள் உள்ளனர். அவர்களில் மகளிர் தான் பெரும்பாலும் பாதிக்கப்பட்டுள்ளனர்.

உயிர்காக்கும் மருந்துகளாக இருந்தாலும் சரி எந்த மருந்துகளாக இருந்தாலும் மக்களுக்கு குறைந்த விலையில் கொடுக்க வேண்டும் என்ற எண்ணத்தில் ஜெனரிக் மெடிசன் என்ற பெயரில் அரசு நிறுவனமான அமுதசுரபி மூலம் ஒரு மருந்தகம் புதுச்சேரியில் திறந்து வைக்கப்பட்டுள்ளது. இந்த மருந்துகடை மத்திய அரசின் கட்டுப்பாட்டில் இயங்க கூடிய நிறுவனம். இங்கு வெளி கடைகளைக் காட்டிலும் 40 முதல் 60 சதவீதம் வரை குறைந்த விலையில் மருந்துகள் கிடைக்கும்" என்றார்.

இந்த மருந்தகத்தின் செயல்பாடுகளை பொறுத்து அடுத்தகட்டமாக புதுச்சேரி அரசு கூட்டுறவு நிறுவனமான அமுதசுரபி மூலம் மேலும் பல மருந்தகங்களை திறக்க திட்டமிட்டுள்ளதாகவும் முதலமைச்சர் நாராயணசாமி கூறினார்.

Advertisement:
Advertisement:
Advertisement:
[X] Close