[X] Close
JUST IN
  • BREAKING-NEWS பரபரப்பான அரசியல் சூழலில் கர்நாடக காங்கிரஸ் எம்எல்ஏக்கள் கூட்டம் நாளை மறுநாள் நடக்கிறது; காங்கிரஸ் எம்எல்ஏக்களுக்கு பாஜக பேரம் பேசுவதாக கூறப்படும் நிலையில் ஆலோசனை நடைபெறவுள்ளது
  • BREAKING-NEWS காணும் பொங்கலையொட்டி சென்னையில் நாளை சிறப்பு பேருந்துகள் இயக்கப்படும்; சென்னை மற்றும் புறநகர் பகுதிகளில் உள்ள சுற்றுலாத்தளங்களுக்கு 480 சிறப்பு பேருந்துகள் இயக்கம் - மாநகர போக்குவரத்துக்கழகம்
  • BREAKING-NEWS சேலம்-ஓமலூர் பிரதான சாலைக்கு எம்ஜிஆர் பெயர் சூட்டினார் முதல்வர் பழனிசாமி
  • BREAKING-NEWS அதிமுக அரசு நீடிக்க வேண்டும் என்று திமுக எம்எல்ஏக்களே விரும்புகின்றனர் - அமைச்சர் ஜெயக்குமார்
  • BREAKING-NEWS சேலம் அண்ணா பூங்கா வளாகத்தில் எம்ஜிஆர், ஜெயலலிதா மணிமண்டபத்தை திறந்துவைத்தார் முதல்வர் பழனிசாமி
  • BREAKING-NEWS திருவாரூர் நாகை மாவட்டங்களில் ஹைட்ரோ கார்பன் திட்டம் செயல்படுத்த அனுமதி அளித்த மத்திய அரசை கண்டித்து நேற்று மார்க்சிஸ்ட் கம்யூனிஸ்ட் கட்சி சார்பில் கோமல் கிராமத்தில் கறுப்புக் கொடி போராட்டத்தில் ஈடுபட்டதாக 30பேர் மீது திருவாரூர் தாலுகா காவல் துறையினர் வழக்குப்பதிவு
  • BREAKING-NEWS தமிழகத்தில் மேலும் 2 நாட்களுக்கு மூடுபனி அதிகமாக நிலவும்; தமிழகத்தில் மேகக்கூட்டங்கள் குறைவால் பனி அதிகரித்து காணப்படுகிறது - சென்னை வானிலை ஆய்வு மையம்

செவிலியர்கள் 2 நாட்களாக விடிய விடிய போராட்டம்: இன்று முதல் உண்ணாவிரதம்

chennai-nurse-protest-continue-for-the-2nd-day

அமைச்சர் நடத்திய பேச்சுவார்த்தையில் பங்கேற்ற செவிலியர்கள் போராட்டத்தை வாபஸ் பெறுவதாக அறிவித்துள்ள நிலையில் டிஎம்எஸ் வளாகத்தில் மற்றொரு தரப்பு செவிலியர்களின் உள்ளிருப்பு போராட்டம் தொடர்ந்து வருகிறது.

தமிழகத்தின் பல்வேறு பகுதிகளைச் சேர்ந்த 2000-க்கும் மேற்பட்ட செவிலியர்கள், பணி நிரந்தரம், ஊதிய உயர்வு உள்ளிட்ட பல்வேறு கோரிக்கைகளை வலியுறுத்தி சென்னை டி.எம்.எஸ் வளாகத்தில் நேற்று முன்தினம் தங்களது போராட்டத்தைத் தொடங்கினர். இரண்டாவது நாளாக நேற்றும் போராட்டம் தொடர்ந்த நிலையில் செவிலியர்களின் பிரதிநிதிகளை அழைத்து அமைச்சர் விஜயபாஸ்கர் தலைமை செயலகத்தில் பேச்சுவார்த்தை நடத்தினார். 3 மணி நேரத்திற்கு மேலாக நீடித்த இந்த பேச்சுவார்த்தையில் சுமூக உடன்பாடு ஏற்பட்டதாக அதில் பங்கேற்ற செவிலியர்கள் தெரிவித்தனர். முழு மனநிறைவுடன்
போராட்டத்தை திரும்பப்பெறுவதாகவும், இன்று முதல் பணிக்கு திரும்பவுள்ளதாகவும் ஒருதரப்பு செவிலியர்கள் கூறினர்.

இந்நிலையில் மற்றொரு தரப்பு செவிலியர்களின் உள்ளிருப்பு போராட்டம் தொடர்ந்து வருகிறது. அரசாணை 191-ஐ வெளியிடும் வரை தங்களின் போராட்டம் தொடரும் எனக் கூறிய அவர்கள் எச்சரிக்கை நோட்டீஸை  பொருட்படுத்தப்போவதில்லை எனவும் திட்டவட்டமாக தெரிவித்துவிட்டனர். இதனால் அவர்களது போராட்டம் நேற்றிரவும் இரண்டாவது நாளாக விடிய விடிய நடைபெற்றது. கொட்டும் பனியில் அவர்கள் தங்களது போராட்டத்தை மேற்கொண்டனர்.
இதற்கிடையே, இன்று முதல் உண்ணாவிரதப் போராட்டத்தை தொடங்கவுள்ளதாக அவர்கள் அறிவித்துள்ளனர்.

Advertisement:
Advertisement:
Advertisement:
[X] Close