[X] Close
JUST IN
  • BREAKING-NEWS சர்வதேச நீதிமன்ற நீதிபதியாக இந்தியாவை சேர்ந்த தல்வீர் பண்டாரி 2வது முறையாக தேர்வு
  • BREAKING-NEWS ஓபிஎஸ்- ஈபிஎஸ் அணிகள் இணைந்து மாதங்கள் உருண்டோடுகின்றன. மனங்கள்?- மைத்ரேயன்
  • BREAKING-NEWS புதுச்சேரியில் 4வது நாளாக அரசுப்பேருந்துகளை இயக்காமல் ஊழியர்கள் போராட்டம்
  • BREAKING-NEWS முதலமைச்சரின் ஆணைப்படி வைகை அணையில் இருந்து வினாடிக்கு 900 கனஅடி நீர் திறப்பு
  • BREAKING-NEWS அரசு இருக்கும்போது ஆளுநர் ஆய்வு செய்வது சட்டத்திற்கும் ஜனநாயகத்திற்கும் புறம்பானது - முத்தரசன்
  • BREAKING-NEWS இன்றைய அரசியல் சூழலில் சட்டப்பேரவையை கூட்ட முதல்வர் தயாரா?: மு.க.ஸ்டாலின்
  • BREAKING-NEWS கோவையில் ஆய்வு மேற்கொண்டது போன்ற பணிகள் தொடரும்: ஆளுநர் பன்வாரிலால் புரோஹித்
  • BREAKING-NEWS 18 எம்எல்ஏக்கள் தகுதி நீக்கம் உட்பட 7 வழக்குகளின் விசாரணை 24ஆம் தேதிக்கு ஒத்திவைப்பு: சென்னை உயர்நீதிமன்றம்
  • BREAKING-NEWS பத்மாவதி திரைப்படத்தில் சில காட்சிகளை நீக்கக் கோரிய மனுவை விசாரிக்க உச்சநீதிமன்றம் மறுப்பு
  • BREAKING-NEWS கார்த்தி சிதம்பரம் டிச.1ஆம் தேதி முதல் 10ஆம் தேதி வரை வெளிநாடு செல்ல உச்சநீதிமன்றம் அனுமதி
  • BREAKING-NEWS எல்லைதாண்டி மீன்பிடித்ததாக இலங்கை கடற்படையால் சிறைபிடிக்கப்பட்ட மீனவர்கள் 11 பேர் விடுவிப்பு
  • BREAKING-NEWS புதிய வரைவு பாடத்திட்டங்கள் பள்ளிக்கல்வித்துறையின் http://www.tnscert.org தளத்தில் வெளியீடு
  • BREAKING-NEWS தாஜ்மஹாலை பராமரிப்பதில் ஏன் உத்தரபிரதேச அரசு தொய்வுடன் செயல்படுகிறது- உச்சநீதிமன்றம்
  • BREAKING-NEWS மதுரை: முனி கோயில் நான்கு வழிச்சாலையில் 5000 விவசாயிகள் சாலை மறியல்
தமிழ்நாடு 14 Nov, 2017 06:15 PM

இந்தியில் பேசாவிட்டால் சுடுவோம் என மிரட்டல்: கடலோர காவல்படை மீது மீனவர்கள் குற்றச்சாட்டு

how-indian-coastal-force-attack-us-rameshwaram-fishermen-condemn

இந்தியக் கடலோர காவல் படையினர் இந்தியில் பேசாவிட்டால் சுட்டுக் கொல்வோம் என மிரட்டியதாக ராமேஸ்வரம் மீனவர்கள் குற்றம்சாட்டியுள்ளனர்.

எல்லையில் மீன்பிடித்துக்கொண்டிருந்த தங்களை இந்திய கடலோரக் காவல்படையினர் துப்பாக்கியால் சரமாரியாக சுட்டதோடு, தங்கள் ப‌டகில் ஏறி தாக்கியதாக ராமேஸ்வரம் மீனவர்கள் கூறியுள்ளனர். துப்பாக்கிச் சூடு நடத்தியதில் இருவர் படுகாயம் அடைந்ததாகவும், மேலும் சில மீனவர்களுக்கு லேசான காயம் ஏற்பட்டதாகவும் அவர்கள் தெரிவித்தனர். தாக்கப்பட்ட மீனவர்கள் காயங்களுடனும் ராமேஸ்வரம் அரசு மருத்துவமனையில் சிகிச்சை பெற்று வருகின்றனர். 

இந்த சம்பவம் குறித்து துப்பாக்கிச்சூட்டிற்கு ஆளான மீனவர்கள் பிச்சை, ஜான்சன் செய்தியாளர்களிடம் கூறும் போது, இந்தி தெரியாமல் மீன்பிடித்தால் சுட்டுக் கொல்வோம் என கடற்படையினர் மிரட்டினர். இந்தியில் பேச சொல்லி தாக்குதல் நடத்தினர் என்று தெரிவித்தனர்.  

இந்நிலையில், தங்களை சித்ரவதை செய்த இந்தியக் கடலோரக் காவல்படை அதிகாரிகளை கைது செய்ய வேண்டும் என பாதிக்கப்பட்ட மீனவர்கள் கோரிக்கை விடுத்துள்ளனர். இலங்கை கடற்படையினர் தாக்குதல் நடத்தி வந்த நிலையில், தற்போது இந்தியக் கடலோர காவல் படையே இவ்வாறு செய்வது ஏற்புடையது அல்ல என்றும் அவர்கள் தங்களது ஆதங்கத்தை வெளிப்படுத்தினர். 

இதனையடுத்து, இந்தியக் கடலோர காவல்படையினர் துப்பாக்கிச்சூடு நடத்தியதற்கு கண்டனம் தெரிவித்து, ராமநாதபுரம் மீனவர்கள் நாளை வேலைநிறுத்த போராட்டம் அறிவித்துள்ளனர். துப்பாக்கிச்சூடு சம்பவம் குறித்து விரிவான விசாரணைக்கு உத்தரவிடவும் மீனவ அமைப்புகள் வலியுறுத்தியுள்ளன. 

இதனிடையே, எந்த மீனவர்கள் மீதும் துப்பாக்கிச்சூடு நடத்தவில்லை என இந்தியக் கடலோர காவல்படை தெரிவித்துள்ளது. 
தடைசெய்யப்பட்ட வலைகளை பயன்படுத்தி மீன்பிடித்ததற்காக எச்சரிக்கப்பட்டதை திசைதிருப்புவதற்கான முயற்சியாக இது இருக்கலாம் என்றும் கூறியுள்ளது. 

Advertisement:
Advertisement:
Advertisement:
[X] Close