[X] Close
JUST IN
  • BREAKING-NEWS ஜம்மு-காஷ்மீர்: ஷோபியான் மாவட்டத்தில் பயங்கரவாதிகளால் கடத்தப்பட்ட 2 காவல் அதிகாரிகள், ஒரு காவலரை பயங்கரவாதிகள் கொலை செய்துள்ளனர்
  • BREAKING-NEWS ராமநாதபுரம்: மண்டபம் முகாமில் இலங்கை அகதிகளுக்கு 20 நாட்களுக்கும் மேலாக உதவித்தொகை வழங்கப்படவில்லை என இலங்கை அகதிகள் குற்றச்சாட்டு
  • BREAKING-NEWS கள்ளக்குறிச்சி வட்டார போக்குவரத்து ஆய்வாளர் பாபுவின் உதவியாளர் செந்தில்குமாரின் கூட்டுறவு வங்கி லாக்கர் முடக்கம்
  • BREAKING-NEWS கரூர்: பரமத்தி, பவுத்திரம் ஆகிய பகுதிகளில் உள்ள கல்குவாரிகளில் 2ம் நாளாக வருமானவரி சோதனை
  • BREAKING-NEWS திமுக ஆட்சியைப் பிடிக்கவும் முடியாது, மு.க.ஸ்டாலின் முதலமைச்சர் ஆகவும் முடியாது - வைகைச்செல்வன்
  • BREAKING-NEWS மறைந்த முன்னாள் முதல்வர் ஜெயலலிதாவின் வாழ்க்கை வரலாறு பற்றிய படத்தின் ஃபர்ஸ்ட் லுக் போஸ்டர் வெளியீடு
  • BREAKING-NEWS எக்காலத்திலும் செவிலியர் படிப்புக்கு நீட் தேர்வை அனுமதிக்கமாட்டோம் - அமைச்சர் விஜயபாஸ்கர்

தவறான சிகிச்சையால் கேள்விக்குறியான மாற்றுத்திறனாளி பெண்ணின் எதிர்காலம்

physically-challenged-woman-under-wrong-operation-result-life-hake

மாற்றுத்திறனாளி பெண் ஒருவருக்கு மருந்து, மாத்திரைகளால் குணப்படுத்த வேண்டிய நோய்க்கு, தவறாக அறுவை சிகிக்சை செய்யப்பட்டுள்ளதாக குற்றச்சாட்டு எழுந்துள்ளது.

திருச்சி மணிகண்டம் பகுதியில் காய்கறி விற்கும் மாற்றுத்திறனாளி பெண் அகிலா. இவர் கணவரை இழந்த நிலையில் தனது 7 வயது மகனை பெற்றோர் துணையுடன் வளர்த்து வருகிறார். கடந்த ஜூலை மாதம் மாதவிடாய் பிரச்சனை காரணமாக திருச்சி அரசு பொது மருத்துவமனையில் சிசிக்சை பெற்றிருக்கிறார். மருத்துவர்களின் பல கட்ட சோதனைகளுக்கு பிறகு இவருடைய கர்ப்பப்பை அகற்றப்பட்டிருக்கிறது. ஆனால் அறுவை சிகிச்சை நடைபெற்ற நாள் முதலே அகிலா வேறுவிதமான உடற்பாதிப்புகளுக்கு ஆளாகியிருக்கிறார்.

தனியார் மருத்துவர்களிட‌ம் பரிசோதித்த போது, சிகிக்சையில் தவறு நடந்திருப்பது தெரியவந்திருக்கிறது. உடல்நலம் பாதித்து வீட்டிலேயே முடங்கியுள்ள அகிலா, வருமானம் ஏதும் இல்லாத நிலையில் மகனுடன் கஷ்டத்தை சுமப்பதாக வேதனையுடன் கூறுகிறார். 

மாவட்ட ஆட்சியர் ராசாமணியிடம் அகிலா புகார் தெரிவித்ததையடுத்து, மீண்டும் அறுவை சிகிச்சைக்காக ஏற்பாடு செய்யப்பட்டது. ஆனால் அகிலாவை பரிசோதித்த சிறுநீரக நிபுணர், தற்போது அறுவை சிகிச்சை செய்தால் உயிருக்கே ஆபத்து என்று தெரிவித்துள்ளார். தனி அறையில் 3 மாதம் சிகிச்சை அளிக்க மருத்துவமனை ஒப்புக்கொண்ட நிலையில், அதனை மறுத்த அகிலா, தனக்கு உரிய இழப்பீடு வேண்டுமென உயர்நீதிமன்ற மதுரைக் கிளையில் வழக்கு தொடர்ந்துள்ளார்.

இதுகுறித்து பாதிக்கப்பட்ட அகிலா கூறும்போது, தொடர்ந்து சிறுநீர் வெளியேறுவதால் நாப்கினுக்கு மட்டும் ஒரு நாளைக்கு ஆயிரம் ரூபாய் செலவாகிறது என்றும், கடந்த 4 மாதங்களில் 2 லட்ச ரூபாய் கடன் வாங்கியிருப்பதாகவும் கூறினார்.

கருப்பையில் நீர்க்கட்டி மட்டுமே இருந்தது எனவும், மாத்திரை சாப்பிட்டிருந்தால் குணப்படுத்தியிருக்கலாம் என்றும் தற்போது மருத்துவர்கள் கூறுவது அகிலாவிற்கு உச்சகட்ட வேதனையாக உள்ளது.

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close