[X] Close
JUST IN
  • BREAKING-NEWS கருணாசுக்கு ஸ்டாலின் கண்டனம் தெரிவிக்காதது ஏன்? - அமைச்சர் ஜெயக்குமார்
  • BREAKING-NEWS திமுக பஞ்சாயத்து கட்சியாக மாறிவிட்டது; ஸ்டாலின் வழக்கு தொடர்ந்தால் சந்திக்க தயார் - அமைச்சர் ஜெயக்குமார்
  • BREAKING-NEWS என்னை கைது செய்ய தனிப்படை அமைக்கப்பட்டது பற்றி தெரியாது; நான் தலைமறைவாக இல்லை - ஹெச்.ராஜா
  • BREAKING-NEWS ஜம்மு-காஷ்மீர்: ஷோபியான் மாவட்டத்தில் பயங்கரவாதிகளால் கடத்தப்பட்ட 2 காவல் அதிகாரிகள், ஒரு காவலரை பயங்கரவாதிகள் கொலை செய்துள்ளனர்
  • BREAKING-NEWS ராமநாதபுரம்: மண்டபம் முகாமில் இலங்கை அகதிகளுக்கு 20 நாட்களுக்கும் மேலாக உதவித்தொகை வழங்கப்படவில்லை என இலங்கை அகதிகள் குற்றச்சாட்டு
  • BREAKING-NEWS கள்ளக்குறிச்சி வட்டார போக்குவரத்து ஆய்வாளர் பாபுவின் உதவியாளர் செந்தில்குமாரின் கூட்டுறவு வங்கி லாக்கர் முடக்கம்
  • BREAKING-NEWS கரூர்: பரமத்தி, பவுத்திரம் ஆகிய பகுதிகளில் உள்ள கல்குவாரிகளில் 2ம் நாளாக வருமானவரி சோதனை

கனமழையால் நீரில் மூழ்கிய பயிர்கள்: டெல்டா  விவசாயிகள் வேதனை

heavy-rain-in-delta-areas-paddy-fields-occupied-by-rain

நாகப்பட்டினம் மற்றும் திருவாரூர் மாவட்டங்களில் ஒரு வாரமாக பெய்து வரும் கனமழையால் நெற்பயிர்கள் தண்ணீரில் மூழ்கிவிட்டதாக விவசாயிகள் வேதனை தெரிவித்துள்ளனர்.

திருவாரூர், நாகை உள்ளிட்ட டெல்டா மாவட்டங்களில் கடந்த ஒரு வாரமாக  கனமழை பெய்து வருவதால், விளை நிலங்களில் தண்ணீர் தேங்கியுள்ளது. இதனால் சம்பா மற்றும் தாளடி சாகுபடி செய்திருந்த விவசாயிகள் சோகத்தில் ஆழ்ந்துள்ளனர். நாகை மாவட்டத்தில் மட்டும் 3 லட்சம் ஏக்கர் பரப்பளவில் சம்பா சாகுபடி செய்யப்பட்டுள்ளது. அதில்‌ ஒரு லட்சம் ஏக்கர் பரப்பளவில் நெற்பயிர்கள் தண்ணீரில் மூழ்கியுள்ளதால் விவசாயிகள் செய்வதறியாது திகைத்துள்ளனர். உரிய வடிகால் வசதி ஏற்படுத்தாததன் காரணமாகவே வயல்களில் தண்ணீர் தேங்கி நிற்பதாக விவசாயிகள் புகார் கூறினர். தங்கள் நிலைமையை கவனத்தில் கொண்டு உரிய தீர்வு கிடைக்க அரசு நடவடிக்கை எடுக்க வேண்டும் என விவசாயிகள் கோரிக்கை விடுத்துள்ளனர்.

திருவாரூர் மாவட்டத்தை பொறுத்தவரை 20 முதல் 25 ஆயிரம் ஏக்கர் நெற்பயிர்கள் தண்ணீரில் மூழ்கியுள்ளதாக மாவட்ட நிர்வாகம் தெரிவித்துள்ளது. 30 நாட்களான சம்பா பயிர்கள் தண்ணீரில் மூழ்கியதால் விவசாயிகள் கவலை அடைந்துள்ளனர். பாதிக்கப்பட்ட நெற்பயிர்களை ஆய்வு செய்த அமைச்சர் காமராஜ், ஓரிரு நாட்களில் வயல்களில் இருந்து தண்ணீர் வடிய நடவடிக்கை எடுக்கப்படும் எனத் தெரிவித்துள்ளார்.நெற்பயிர்கள் தண்ணீரில் மூழ்கி தாங்கள் நிற்கதியாக நிற்கும் நிலையில், மழைநீரால் நெற்பயிர்கள் சேதமடையவில்லை என்ற அமைச்சர் துரைக்கண்ணுவின் பேச்சு மேலும் தங்களை காயப்படுத்தியுள்ளதாக விவசாயிகள் தெரிவித்துள்ளனர்.
 

Advertisement:
Advertisement:
Advertisement:
[X] Close