[X] Close
JUST IN
  • BREAKING-NEWS நடிகை ஸ்ரீ தேவி மறைவுக்கு பிரதமர் நரேந்திர மோடி தனது ட்விட்டர் பக்கத்தில் இரங்கல்
  • BREAKING-NEWS தமிழில் விஜய் நடிப்பில் ஸ்ரீதேவி நடித்து வெளியான புலி திரைப்படமே அவரின் கடைசி படமாகும்
  • BREAKING-NEWS ஸ்ரீதேவியின் மறைவுக்கு தமிழ் மற்றும் இந்தி நடிகைகள் ட்விட்டரில் இரங்கல் தெரிவித்துள்ளனர்
  • BREAKING-NEWS நடிகை ஸ்ரீதேவி திடீர் மாரடைப்பு காரணமாக துபாயில் காலமானார். 
  • BREAKING-NEWS தென்னாப்பிரிக்க அணிக்கு எதிரான 3ஆவது டி20 கிரிக்கெட் போட்டியில் இந்திய அணி பேட்டிங்
  • BREAKING-NEWS நடிகர்கள் அரசியலுக்கு வரக்கூடாது எனும் விவாதம் தேவையில்லாதது, மக்கள்தான் முடிவு செய்ய வேண்டும் - நடிகர் சிம்பு
  • BREAKING-NEWS சென்னை வரும் பிரதமர் மோடியை வரவேற்க முதல்வர், துணை முதல்வர் சென்னை விமான நிலையம் வருகை

டெங்கு காய்ச்சலை கட்டுப்படுத்த 256 கோடி ரூபாய் நிதி: தமிழக அரசு மத்திய அரசிடம் கோரிக்கை

tamilnadu-govt-request-fund-for-dengue

டெங்கு காய்ச்சலைக் கட்டுப்படுத்த 256 கோடி ரூபாய் நிதி ஒதுக்கீடு செய்ய வேண்டும் என மத்திய அரசிடம் தமிழக அரசு கோரிக்கை வைத்துள்ளது.
தமிழகம் முழுவதும் அதிகரித்துள்ள டெங்கு காய்ச்சல் குறித்து ஆய்வு செய்ய எய்ம்ஸ் மருத்துவர் அசுதோஷ் பிஸ்வாஸ், குழந்தைகள் நல மருத்துவர் சுவாதி துப்லிஸ், கவுஷல் குமார், கல்பனா பர்வா, வினய் கர்க் ஆகியோர் கொண்ட மத்திய குழு தமிழகம் வந்தது. 
இதனைத் தொடர்ந்து சென்னை மருத்துவ இயக்கக வளாகத்தில் மத்திய குழுவினர் மற்றும் தமிழக அமைச்சர்கள், அதிகாரிகள் பங்குபெற்ற ஆய்வுக்கூட்டம் நடைபெற்றது. இதில் சுகாதாரத்துறை அமைச்சர் விஜயபாஸ்கர், சுகாதாரத்துறை செயலர் ராதாகிருஷ்ணன், தொற்று நோய் தடுப்பு இயக்குநர் குழந்தைசாமி ஆகியோர் கலந்து கொண்டனர். டெங்கு பாதிப்பு நிலவரம், அரசு மேற்கொண்டுள்ள முன்னெச்சரிக்கை நடவடிக்கைகள் ஆகியவற்றை ஆய்வுக் குழுவினர் கேட்டறிந்தனர். 
கூட்டத்தில் பங்கேற்ற அமைச்சர் விஜயபாஸ்கர் பின்னர் செய்தியாளர்களிடம் பேசுகையில், தமிழகத்தில் சுகாதாரத்துறையில் கூடுதல் பணியாளர்கள் நியமிக்கவும், உபகரணங்கள் வாங்கவும் 256 கோடி ரூபாய் நிதிகேட்டு, மத்திய குழுவினரிடம் அறிக்கை அளித்திருப்பதாக தெரிவித்தார். தமிழகத்தில் மேற்கொள்ளப்பட்டு வரும் சிகிச்சை மற்றும் பரிசோதனை முறைகளை மத்திய அரசு கேட்டறிந்ததாக கூறிய அமைச்சர் நோய்த்தடுப்பு நடவடிக்கைகளை மத்திய குழு பாராட்டியதாகவும் தெரிவித்தார்.

இது குறித்து மத்திய ஆய்வுக்குழுவைச் சேர்ந்த மருத்துவர் அசுதோஷ் பிஸ்வாஸ் கூறுகையில், டெங்கு தடுப்பு நடவடிக்கைக்கு தமிழக அரசுக்கு நிதி ஒதுக்குவது தொடர்பாக மத்திய அரசுதான் முடிவு செய்யும் எனத் தெரிவித்தார். மேலும் டெங்குவை தடுப்பது அரசின் கையில் இல்லை என்றும் மக்கள் கைகளில்தான் உள்ளது என்றும் அவர் கூறினார். எல்லோர் மத்தியிலும் டெங்கு குறித்த விழிப்புணர்வு தேவை. மக்கள் தங்கள் சுற்றப்புறத்தை தூய்மையாக வைத்துக்கொள்வது அவசியம். அப்படி சரிவர பராமரிக்காததால்தான் டெங்கு பரவுகிறது என்று அசுதோஷ் பிஸ்வாஸ் விளக்கமளித்தார்.
 

Advertisement:
Advertisement:
Advertisement:
[X] Close