[X] Close
JUST IN
  • BREAKING-NEWS காவிரி மேலாண்மை வாரியம் அமைக்க மத்திய அரசை வலியுறுத்த வேண்டும்- ஸ்டாலின்
  • BREAKING-NEWS காவிரி விவகாரம் தொடர்பாக முதலமைச்சர் தலைமையில் அனைத்துக்கட்சிக் கூட்டம் தொடங்கியது
  • BREAKING-NEWS பஞ்சாப் நேஷனல் வங்கி மோசடியில் ஈடுபட்ட நிரவ் மோடியின் 9 சொகுசு கார்கள் பறிமுதல்
  • BREAKING-NEWS ஐயா நல்லகண்ணுவை சந்தித்தேன்; அவரை சந்தித்ததற்கான காரணம் அவரின் பெயரிலேயே உள்ளது- கமல்ஹாசன்
  • BREAKING-NEWS அரசியல் பிரவேசம் குறித்து விஜயகாந்திடம் பேசியபோது ‘நீங்களெல்லாம் வரணும்’ என கூறினார்- கமல்ஹாசன்
  • BREAKING-NEWS அரசியல் பயணத்தை கருணாநிதியிடம் சொன்னேன்; சிரிப்பு மூலம் வாழ்த்துகிறார் என்பதை புரிந்து கொண்டேன்- கமல்ஹாசன்
  • BREAKING-NEWS கமல்ஹாசனை ஆசிர்வாதம் செய்து அனுப்பிய விஜயகாந்த் தேர்தல் நேரத்தில் அவருடன் கூட்டணி குறித்து முடிவெடுப்பார் - பிரேமலதா விஜயகாந்த்

விளைவுகள் தெரியாமல் விமர்சிக்கிறார்கள்: நீதிபதி கிருபாகரன்

justice-kirubakaran-warning

விளைவுகள் தெரியாமல் நீதிமன்ற உத்தரவுகளை விமர்சிக்கிறார்கள் என்று சென்னை உயர்நீதிமன்ற நீதிபதி கிருபாகரன் எச்சரித்துள்ளார்.

ஆசிரியர்கள் போராட்டம் குறித்த வழக்கில் கடுமையாக சாடிய நீதிபதி கிருபாகரன், ரூ.40, 50 ஆயிரம் ஊதியம் வாங்கும் ஆசிரியர்கள் போராட்டம் நடத்துவதா என்று கண்டனம் தெரிவித்திருந்தார். இந்நிலையில் ஆசிரியர் போராட்டங்கள் குறித்து நீதிபதி கிருபாகரன் முன்வைத்திருந்த கேள்விகளுக்கும், உத்தரவுகளுக்கும் எதிராக சமூக வலைதளங்களில் கடும் விமர்சனங்‌கள் வந்துள்ளதாகவும், விமர்சித்தவர்கள் மீது நடவடிக்கை எடுக்கக் கோரியும் வழக்கறிஞர்கள் செந்தில்குமார், சங்கரன், சூர்யபிரகாசம் ஆகியோர் முறையிட்டிருந்தனர். இதனை எதிர்த்து வாதம் செய்த அரசு சிறப்பு வழக்கறிஞர் ராஜகோபாலன், ஆதாரம் இ‌ல்லாமல் வழக்கறிஞர்கள் குற்றம்சாட்டுவதாக தெரிவித்தார். அப்போது பேசிய நீதிபதி கிருபாகரன், எந்த உத்தரவு அளித்தாலும் அதை விமர்‌சிக்கிறார்கள் என்றார்.

குழு விவாதங்களில் பேசுவோர் கூட நீதிமன்ற உத்தரவை புரிந்துகொள்ளாமல் பேசுவதாகவும், விளைவுகள் என்னவாக இருக்கும் என்பதைக்கூட அறியாமல் சிலர் விமர்சிப்பதாகவும் எச்சரித்தார். ஹெல்மெட் கட்டாயம் என்ற உத்தரவை பிறப்பித்தபோது, அதை விமர்சித்து தனக்கு பல கடிதங்கள் வந்தன என்றும், அதில் 80 சதவிகிதம் எதிர்மறை விமர்சனமாகவே இருந்தன என்றும் கூறினார். இதுவரை தாய், தந்தை மற்றும் ஆசிரியர்களிடம் திட்டுவாங்காத சொற்களில் தான் வசைப்பாடப்பட்டதாகவும் வேதனை தெரிவித்தார். வண்டி ஓட்டத் தெரியுமா? மனைவியோடு குண்டும் குழியுமான சாலையில் சென்றிருக்கிறாயா என்றெல்லாம் கேள்வி எழுப்பியிருந்ததாகவும் சுட்டிக்காட்டினார். எனவே தற்போதைய விமர்சனங்கள் குறித்த ஆதாரங்களைத் தாக்கல் செய்யுமாறு கூறிய கிருபாக‌ரன், வழக்கை செப்டம்பர் 18ஆம் தேதி விசாரிப்பதாகவும், அதற்குள் நிறைய விமர்சனங்கள் கிடைக்குமென்றும் குறிப்பிட்டார்.

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close