[X] Close
JUST IN
  • BREAKING-NEWS இலங்கை சிறைகளில் இருந்து விடுவிக்கப்பட்ட 109 மீனவர்கள் காரைக்கால் துறைமுகம் வந்தடைந்தனர்
  • BREAKING-NEWS அரசு ஊழியர்கள், ஆசிரியர்களின் ஊதிய முரண்பாட்டை களைய எம்.ஏ.சித்திக் ஐஏஎஸ் தலைமையில் ஒருநபர் குழுவை அமைத்தது தமிழக அரசு
  • BREAKING-NEWS காவிரி மேலாண்மை வாரியம் அமைப்பதற்காக மத்திய அரசை வலியுறுத்த சட்டப்பேரவையை கூட்ட வேண்டும் - டிடிவி தினகரன்
  • BREAKING-NEWS நான் பூ அல்ல விதை; என்னை முகர்ந்து பார்க்காதீர்கள் விதைத்து பாருங்கள் வளருவேன் - கமல்ஹாசன்
  • BREAKING-NEWS மதுரை மீனாட்சியம்மன் கோயில் தீ விபத்து குறித்து ஆய்வு செய்ய 5 பேர் கொண்ட குழுவை அமைத்தார் தமிழக பாஜக தலைவர் தமிழிசை
  • BREAKING-NEWS சென்னையில் முதல்வர் தலைமையில் மார்ச்.5,6,7 ஆம் தேதிகளில் ஐஏஎஸ், ஐபிஎஸ் அதிகாரிகள் மாநாடு நடைபெறும் என அறிவிப்பு
  • BREAKING-NEWS தமிழக அரசியல் களத்தில் கவர்ச்சிகரமான காகிதப் பூக்கள் மலரலாம்; ஆனால் மணக்காது- மு.க ஸ்டாலின்

பாலியல் வன்கொடுமை செய்த போலீஸார்: கிணற்றில் போடப்பட்ட கல்லாய் வழக்கு

4-tribe-women-sexually-harassed-by-police-in-tamilnadu-case

விழுப்புரம் மாவட்டத்தில் போலீசாரால் நான்கு பழங்குடியின பெண்கள் பாலியல் வன்கொடுமைக்கு ஆளான வழக்கில் ஆறு ஆண்டுகள் ஆன பிறகும் விசாரணையே தொடங்கவில்லை என பாதிக்கப்பட்டவர்கள் வேதனை தெரிவிக்கின்றனர்.

விழுப்புரம் மாவட்டம் திருக்கோவிலூர் அருகே உள்ள தி.மண்டபம் பகுதியைச் சேர்ந்த இருளர்‌ சமூகத்தைச் சேர்ந்த தம்பதியரின் இரு மகள்கள் மற்றும் இரு மருமகள்களை திருக்கோவிலூர் ஆய்வாளர் சீனிவாசன், சிறப்பு உதவி ஆய்வாளர் ராமநாதன், தலைமைக் காவலர் தனசேகரன், காவலர்கள் பக்தவச்சலம், கார்த்திகேயன் ஆகிய 5 போலீசாரும் கடந்த 2011 ஆண்டு நவம்பர் மாதம் பாலியல் வன்கொடுமை செய்தனர். இச்சம்பவம் தொடர்பாக 5 போலீசார் மீதும் திருக்கோவிலூர் காவல் நிலையத்தில் முதல் தகவல் அறிக்கை பதிவு செய்யப்பட்டுள்ளது. பாதிக்கப்பட்டவர்களுக்கு அப்போதைய முதல்வர் ஜெயலலிதா தலா 5 லட்சம் வீதம் 20 லட்சம் நிவாரணம் வழங்கினார். இது தொடர்பாக சிபிஐ விசாரணை கோரி தொடரப்பட்ட இரு வழக்குகள் சென்னை உயர்நீதிமன்றத்தில் நிலுவையில் உள்ளன.

இவ்வழக்கில் குற்றஞ்சாட்டப்பட்டுள்ள ஆய்வாளர் சீனுவாசன், உதவி ஆய்வாளர் ராமநாதன் ஆகிய இருவரும் சென்னை உயர்நீதிமன்றத்தில் ஒரு வழிகாட்டுதல் உத்தரவை பெற்று, விழுப்புரம் வன்கொடுமை தடுப்புச் சட்ட சிறப்பு நீதிமன்றத்தில் ஆஜராகி ஜாமீன் பெற்றுள்ளனர். பாலியல் குற்றம் நடந்து 6 ஆண்டுகளாகியும் மாநில அரசும் வழக்கு விசாரணையை தொடங்கவில்லை. உயர்நீதிமன்றமும் சிபிஐ விசாரணைக்கு உத்தரவிடவில்லை என பாதிக்கப்பட்டவர்கள் வேதனை தெரிவிக்கின்றனர். 

வீடியோ

Advertisement:
Advertisement:
Advertisement:
[X] Close