[X] Close
JUST IN
  • BREAKING-NEWS ஜெயலலிதா மரணம் குறித்து விசாரிப்பதற்காக அமைக்கப்பட்ட விசாரணை ஆணையத்தால் எவ்வித பயனும் இருக்கப்போவதில்லை: ஸ்டாலின்
  • BREAKING-NEWS ஐ.நா மனித உரிமை கவுன்சில் கூட்டத்தில் வைகோவை சிங்களர்கள் தாக்க முயன்றதற்கு ஸ்டாலின் கண்டனம்
  • BREAKING-NEWS நாட்டில் தற்போது மின் பற்றாக்குறை என்பதே இல்லை: பிரதமர் மோடி
  • BREAKING-NEWS நாட்டில் உள்ள அனைத்து வீடுகளுக்கும் மின் இணைப்பு வழங்கும் சவுபாக்யா யோஜனா திட்டம் தொடக்கம்
  • BREAKING-NEWS மருத்துவப் பணியாளர் தேர்வு வாரியம் மூலம் 744 சிறப்பு மருத்துவர்கள் விரைவில் தேர்வு : அமைச்சர் விஜயபாஸ்கர்
  • BREAKING-NEWS ஜெயலலிதா மரணம் குறித்து விசாரிக்க ஓய்வு பெற்ற நீதிபதி ஆறுமுகசாமி தலைமையில் விசாரணை கமிஷன்
  • BREAKING-NEWS நடிகர் சிவாஜி கணேசன் மணி மண்டபம் அக்டோபர் 1ஆம் தேதி திறப்பு
  • BREAKING-NEWS பதவியை தக்க வைத்துக் கொள்வதிலேயே ஆட்சியாளர்கள் குறியாக இருக்கிறார்கள்: ஸ்டாலின்
  • BREAKING-NEWS அத்திப்பட்டு புதுநகர் அருகே சங்கமித்ரா விரைவு ரயில் மீது மின்கம்பி அறுத்து விழுந்தது
  • BREAKING-NEWS ஜெயலலிதா மறைந்ததும் அதிமுகவை சிறு சலசலப்பும் இல்லாமல் கட்டிக் காத்தவர் சசிகலா: டிடிவி தினகரன்
  • BREAKING-NEWS வடகொரியா உள்பட 8 நாட்டுக்கு அமெரிக்கா தடை
  • BREAKING-NEWS செந்தில் பாலாஜி எம்எல்ஏவின் ஆதரவாளர்கள் 11 பேருக்கு வருமான வரித்துறை சம்மன்
  • BREAKING-NEWS ரூ.50,000க்கும் மேல் பட்டாசு வாங்க ஆதார் அவசியம்
  • BREAKING-NEWS டெல்லியில் பா.ஜ.க தேசிய செயற்குழு 2வது நாளாக ஆலோசனை
தமிழ்நாடு 15 Sep, 2017 02:32 PM

முல்லைப்பெரியாறு கால்வாயில் கழிவு நீர் கலப்பு: மாவட்ட ஆட்சியருக்கு நீதிமன்றம் நோட்டீஸ்

kerala-high-court-gave-notice-to-idukki-district-on-mullai-periyar-dam-wastage-issue

முல்லைப்பெரியாறு அணையின் கால்வாயில் குமுளி நகரின் கழிவுகள், சாக்கடை கலப்பது குறித்து விளக்கம் கேட்டு கேரள உயர்நீதிமன்றம் இடுக்கி ஆட்சியருக்கு நோட்டீஸ் அனுப்பியுள்ளது. ஒரு மாதத்திற்குள் இது குறித்து அறிக்கை தாக்கல் செய்ய கேரள மாசுக்கட்டுப்பாட்டு வாரியத்திற்கும் கேரள உயர்நீதிமன்றம் உத்தரவிட்டுள்ளது.

முல்லைப்பெரியாறு அணை நீர் தேங்கியிருக்கும் தேக்கடி ஏரியில் இருந்து கால்வாய்கள் மூலம் தமிழகத்திற்கு குடிநீர் மற்றும் பாசனத்திற்காக தண்ணீர் கொண்டு செல்லப்படுகிறது. இந்த கால்வாய்களில் இருந்து நீர் உறிஞ்சி, கேரள மாநிலம் இடுக்கி மாவட்டம் குமுளி மற்றும் சக்குபள்ளம் ஊராட்சிகளுக்கும் குடிநீர் விநியோகம் செய்யப்பட்டு வருகிறது.

இந்நிலையில் குமுளி ஊராட்சியின் ரோசாப்புக்கண்டம், தேக்கடி, மன்னாக்குடி பகுதிகளின் குடியிருப்புகளின் கழிவு நீர் மட்டுமின்றி, இப்பகுதிகளில் உள்ள தனியார் தங்கும் விடுதிகளின் கழிவறை கழிவுகளும், குப்பைகளும் சாக்கடையில் கலந்து, தேக்கடி பெரியார் புலிகள் காப்பக வனப்பகுதிகளுக்குள் சென்று, தமிழகத்திற்கு தண்ணீர் திறந்து விடப்படும் கால்வாயில் கலக்கிறது. எனவே தேக்கடி பெரியார் புலிகள் காப்பக வன உயிரினங்களுக்கும், சுற்றுப்புறச்சூழலுக்கும் பாதிப்பு ஏற்படுவதாகவும், கழிவு நீர் கலந்த சாக்கடை நீரை குடிநீராக பயன்படுத்துவதால், பொதுமக்கள் பல்வேறு நோய்களுக்கு ஆளாவதாகவும் நடவடிக்கை எடுக்க உத்தரவிடக்கோரியும், குமுளியை சேர்ந்த சஜிமோன் சலிம் என்பவர் கேரள உயர்நீதிமன்றத்தில் பொதுநல வழக்கு தொடுத்திருந்தார்.

வழக்கை விசாரித்த கேரள உயர்நீதிமன்றம், இது குறித்து விளக்கம் அளிக்க இடுக்கி மாவட்ட ஆட்சியர், தேக்கடி பெரியார் புலிகள் காப்பக இணை இயக்குனர், குமுளி ஊராட்சி செயலர், குமுளி சுகாதாரத்துறை அலுவலர் ஆகியோருக்கு நோட்டீஸ் அனுப்பியுள்ளது. அதோடு, ஒரு மாதத்திற்குள் இது குறித்து அறிக்கை தாக்கல் செய்ய கேரள மாசுக்கட்டுப்பாட்டு வாரியத்திற்கும் கேரள உயர்நீதிமன்றம் உத்தரவிட்டுள்ளது.

Advertisement:
Advertisement:
Advertisement:
[X] Close