[X] Close
JUST IN
  • BREAKING-NEWS நடிகர் விஜயின் கோபத்தின் வெளிப்பாடே மெர்சல் படம்: எஸ்.ஏ.சந்திரசேகர்
  • BREAKING-NEWS இரட்டை இலை சின்னம் எங்கள் தரப்புக்கே கிடைக்கும்: அமைச்சர் ஜெயக்குமார்
  • BREAKING-NEWS நெல்லையில் கந்துவட்டி கொடுமையால் 4 பேர் தீக்குளித்த சம்பவத்தில் உரிய நடவடிக்கை தேவை: மு.க.ஸ்டாலின்
  • BREAKING-NEWS இரட்டை இலை சின்னம் விவகாரத்தில் இன்று முடிவெடுக்கப்பட வாய்ப்பில்லை: டிடிவி தினகரன்
  • BREAKING-NEWS இலங்கைக்கு எதிரான கிரிக்கெட் தொடர்: விராட் கோலி தலைமையில் 16 வீரர்கள் கொண்ட இந்திய அணியை அறிவித்தது பிசிசிஐ
  • BREAKING-NEWS ஆர்.கே.நகர் பட்டியலில் இருந்து போலி வாக்காளர்களை தேர்தல் ஆணையம் நீக்க வேண்டும்: திமுக எம்பி ஆர்.எஸ்.பாரதி
  • BREAKING-NEWS நெல்லை ஆட்சியர் அலுவலகம் எதிரே ஒரே குடும்பத்தைச் சேர்ந்த 4 பேர் தீக்குளிப்பு; 4 பேரும் அரசு மருத்துவமனையில் அனுமதி
  • BREAKING-NEWS முல்லைப் பெரியாறு அணை பிரச்னைக்கு விரைவில் தீர்வு காண வேண்டும்: கேரள முதல்வரிடம் திருமாவளவன் வலியுறுத்தல்
  • BREAKING-NEWS மெர்சல் குறித்து நான் தவறையே பதிவு செய்தேன்; தவறாக பதிவு செய்யவில்லை: தமிழிசை
  • BREAKING-NEWS ரஜினிகாந்தின் 2.O படத்தின் இசை வெளியீட்டு விழா வரும் 27ஆம் தேதி துபாயில் நடக்கிறது; விழாவில் ஏ.ஆர்.ரகுமானின் இசை நிகழ்ச்சி நடைபெற உள்ளது: இயக்குநர் ஷங்கர்
  • BREAKING-NEWS பெட்ரோல் விலை லிட்டருக்கு ரூ.70.84, டீசல் விலை லிட்டருக்கு ரூ.59.86
  • BREAKING-NEWS மெர்சல் திரைப்படத்தில் முக்கிய பிரச்னைகள் தெரிவிக்கப்பட்டுள்ளது; படக்குழுவினருக்கு பாராட்டுக்கள்: ரஜினிகாந்த்
  • BREAKING-NEWS இந்திய அணிக்கு எதிரான முதல் ஒருநாள் கிரிக்கெட் போட்டியில் நியூசிலாந்து அணி வெற்றி
  • BREAKING-NEWS கீழடியில் 4ஆம் கட்ட அகழாய்வு பணி விரைவில் தொடங்கும்: அமைச்சர் மாஃபா பாண்டியராஜன்
தமிழ்நாடு 11 Aug, 2017 06:57 PM

94 குழந்தைகள் உயிரிழந்த கும்பகோணம் தீ விபத்து வழக்கு: கடந்து வந்த பாதை

kumbakonam-fire-accident-case-94children-killed

கும்பகோணம் தீ விபத்தில் 94 குழந்தைகள் உயிரிழந்தது தொடர்பான வழக்கின் மேல்முறையீட்டில் அனைவரும் விடுவிக்கப்பட்டுள்ள நிலையில், அந்த வழக்கு கடந்து வந்த பாதையைப் பார்க்கலாம்.

தஞ்சை மாவட்டம் கும்பகோணம் ஸ்ரீகிருஷ்ணா தொடக்கப்பள்ளியில் 2004 ஆம் ஆண்டு ஜூலை 16 ஆம் தேதி தீ விபத்து ஏற்பட்டது. அதில், 94 குழந்தைகள் உடல் கருகி உயிரிழந்தனர். 16 குழந்தைகள் தீக்காயங்களுடன் மீட்கப்பட்டனர். இது தொடர்பாக வழக்குப்பதிவு செய்த காவல்துறையினர் பள்ளியின் நிறுவனர் பழனிசாமி, தாளாளரான பழனிசாமியின் மனைவி சரஸ்வதி, தலைமை ஆசிரியர் சாந்தலட்சுமி உள்ளிட்ட 24 பேரை கைது செய்தனர். அதில் ஒருவர் அப்ரூவராக மாறினார். 2 பேர் விசாரணையின்போது உயிரிழந்தனர்.

கும்பகோணம் குற்றவியல் நடுவர் நீதிமன்றத்தில் நடைபெற்று வந்த வழக்கு, 2006 ஆம் ஆண்டு தஞ்சை மாவட்ட முதன்மை அமர்வு நீதிமன்றத்திற்கு மாற்றப்பட்டது. இந்த வழக்கில் 488 பேரை சாட்சிகளாக சேர்த்த காவல்துறை, 3,126 பக்கங்கள் கொண்ட குற்றப்பத்திரிகையை தாக்கல் செய்தது. தீ விபத்து நடைபெற்று 8 ஆண்டுகளுக்கு பிறகே, அதாவது 2012 ஆம் ஆண்டு செப்டம்பர் மாதமே வழக்கின் விசாரணை தொடங்கியது. அதில் 230 பேர் சாட்சியளித்தனர். 22 மாதங்களுக்கு மேலாக நடைபெற்று வந்த விசாரணையில், 2014 ஆம் ஆண்டு ஜூலை 30 ஆம் தேதி தீர்ப்பு வழங்கப்பட்டது. அதில், பள்ளி நிறுவனர் பழனிசாமிக்கு ஆயுள் தண்டனையும், ஒரு குழந்தைக்கு 10 ஆண்டுகள் வீதம் 94 குழந்தைகளுக்கு 940 ஆண்டுகள் சிறை தண்டனை விதிக்கப்பட்டது.

மேலும், ரூ.51,65,700 அபராதமும் விதிக்கப்பட்டது. பள்ளி தாளாளர் சரஸ்வதி, தலைமை ஆசிரியர் சாந்தலட்சுமி, சத்துணவு அமைப்பாளர் வசந்தி, மாவட்ட தொடக்கக்கல்வி அதிகாரி பாலாஜி, மாவட்ட தொடக்கக்கல்வி அலுவலக கண்காணிப்பாளர் தாண்டவன், மாவட்ட தொடக்கக்கல்வி அதிகாரியின் நேர்முக உதவியாளர் துரைராஜ், மாவட்ட தொடக்கல்வி அலுவலக உதவியாளர் சிவப்பிரகாசம் ஆகியோருக்கு தலா 5 ஆண்டுகள் சிறைதண்டனையும் வழங்கப்பட்டது.

பள்ளியின் பொறியாளர் ஜெயசந்திரனுக்கு 2 ஆண்டுகள் சிறை தண்டனையும், ரூ.1,57,000 அபராதமும் விதிக்கப்பட்டது. இந்த வழக்கில் குற்றம்சாட்டப்பட்ட தஞ்சை மாவட்ட தொடக்கக் கல்வி அலுவலர் உள்ளிட்ட 11 பேரை நீதிமன்றம் விடுவித்தது. தண்டனை வழங்கப்பட்ட 10 பேரும், 11 பேர் விடுவிக்கப்பட்டதற்கு எதிர்ப்பு தெரிவித்து சென்னை உயர்நீதிமன்ற மதுரை கிளையில் மேல்முறையீடு செய்தனர். அந்த வழக்கின் தீர்ப்பு சென்னை உயர்நீதிமன்ற மதுரை கிளையில் நேற்று அறிவிக்கப்பட்டது.

Advertisement:
Advertisement:
Advertisement:
[X] Close