[X] Close
JUST IN
  • BREAKING-NEWS பள்ளி மாணவர்களுக்கு தொடர்ந்து இலவச பஸ் பாஸ் வழங்கப்படும் - தமிழக அரசு
  • BREAKING-NEWS கஜானாவை நோக்கி நாம் செல்லவில்லை; மக்களின் முன்னேற்றத்தை நோக்கி சென்று கொண்டிருக்கிறோம் - கமல்ஹாசன்
  • BREAKING-NEWS பேருந்து கட்டண உயர்வை மனவருத்தத்தோடு மக்கள் ஏற்றுக்கொள்ள வேண்டும்: வைகைச்செல்வன்
  • BREAKING-NEWS டிடிவி தினகரன் ஆதரவு 18 எம்எல்ஏக்கள் தகுதி நீக்க வழக்கில் தேதி குறிப்பிடாமல் தீர்ப்பை ஒத்திவைத்தது உயர்நீதிமன்றம்
  • BREAKING-NEWS அனுமதியின்றி ஜல்லிக்கட்டு நடத்தினால் சட்டப்படி நடவடிக்கை எடுக்கலாம்- உயர்நீதிமன்ற கிளை
  • BREAKING-NEWS பாரதிய ஜனதா கட்சியுடனான 29 ஆண்டுகால கூட்டணியை முறித்துக் கொள்கிறது சிவசேனா
  • BREAKING-NEWS திடீரென APP மூலம் அரசியலில் நடிகர்கள் இறங்கியுள்ளனர்; அது அவர்களுக்கு ஆப்பாக தான் முடியும்- ஜெயக்குமார்
தமிழ்நாடு 02 Aug, 2017 06:57 PM

காலாவதியான தீத்தடுப்பு கருவிகள்: ஓமந்தூரார் மருத்துவமனையில் கேள்விக்குறியாகும் பாதுகாப்பு

outdated-firefighting-tools-omandurar-hospital-questionable-security

வி‌பத்துகளைத் தவிர்க்க வேண்டுமென்ற நோக்கில் வைக்கப்படும் தீத்தடுப்பு கருவிகள், அதன் நோக்கத்தை நிறைவேற்றாமல் போனால் அவை பயனில்லாமல் போகும். அவசர காலங்களில் பய‌ன்படுத்தப்படும் தீத்தடுப்பு உபகரணங்களை வெறும் சம்பிரதாயத்துக்காக வைக்கும் போக்கு பல இடங்களில் இருக்கிறது. அதற்கு தமிழகத்தின் மிகப்பெரிய மருத்துவமனையாகத் திகழும் சென்னை அரசு பன்னோக்கு உயர் சிறப்பு மருத்துவமனையும் விதிவிலக்கல்ல.

சென்னை ஓமந்தூரார் வளாகத்தில் உள்ள‌ அரசு பன்னோக்கு உயர் சிறப்பு மருத்துவமனைக்கு, தமிழகம் மட்டுமின்றி பிற மாநிலங்களில் இருந்தும் ஏராளமான நோயாளிகள் சிகிச்சைக்காக வந்து செல்கின்றனர். தினசரி ஆயிரக்கணக்கான மக்கள் வந்து செல்லும் மருத்துவமனையில், தீத்தடுப்பு உபகரணங்கள் பொருத்தப்பட்டிருக்கின்றன. அவற்றைக் கையாள்வது யார், ஆய்வு செய்வது யார் என தகவலறியும் உரிமைச் சட்டம் மூலம் கேட்டிருந்த‌ கேள்விக்கு முறையான பதில் கிடைக்கவில்லை என்கிறார் சென்னையைச் சேர்ந்த கிருஷ்ணன்.

அவர் சுட்டிக்காட்டிய தீத்தடுப்பு உபகரணங்களின் நிலை என்ன என்பது குறித்து புதிய தலைமுறை ஆய்வு நடத்தியது. அதில், மருத்துவமனையின் 6 தளங்களிலும் பொருத்தப்பட்டிருக்கும் தீயணைப்பான்கள் அனைத்தும் கடந்த பிப்ரவரி மாதத்தோடு காலாவதியானது தெரியவந்துள்ளது. இதனால் தீவிபத்து நேரும் காலங்களில் அந்த தீயணைப்பான்கள் பயன்படாமல் போகும் ஆபத்து இருக்கிறது என நிபுணர்கள் எச்சரிக்கின்றனர்.

தகவலறியும் உரிமைச்சட்டம் மூலம் பெறப்பட்ட ‌தகவலில், "உயர் அதிகாரிகளும், பொறியாளர்களும் அவ்வப்போது கட்டடத்தை ஆய்வு செய்து வருகின்றனர்" எனக் குறிப்பிடப்பட்டுள்ளது.‌ அவ்வாறு ஆய்வுகள் நடந்திருந்தால், காலாவதியான தீத்தடுப்பு உபகரணங்க‌ள் அங்கு தொடர்ந்திருக்க வாய்ப்பில்லை என்கின்றனர் சமூக ஆர்வலர்கள். இதன் மூலம் மருத்துவர்களின், நோயாளிகளின் பாதுகாப்பும் கேள்விக்குறியாகியிருக்கிறது.
 

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close