குடிபோதையில் தனியார் பேருந்தை தாறுமாறாக இயக்கிய அதன் ஓட்டுநர் காவல்துறையில் ஒப்படைக்கப்பட்டார்.

கடலூரிலிருந்து 60 பயணிகளுடன் புதுச்சேரிக்கு நேற்று தனியார் பேருந்து ஒன்று புறப்பட்டது. பேருந்தை ஓட்டுநர் தாறுமாறாக இயக்கியதாகக் கூறப்படுகிறது. இதனால் பயணிகள் அச்சத்தில் அலறியபோதும் பேருந்து நிறுத்தப்படவில்லை. இதுகுறித்து பயணி ஒருவர் போக்குவரத்துக் காவல்துறையினருக்கு செல்போன் மூலம் தகவல் தெரிவித்ததை அடுத்து, அந்தப் பேருந்து மஞ்சக்குப்பம் பகுதியில் தடுத்து நிறுத்தப்பட்டது. போலீசார் நடத்திய விசாரணையில், பேருந்தின் ஓட்டுநர் பக்ரிசாமி குடிபோதையில் இருந்தது தெரியவந்தது. பின்னர் அவர் மீது வழக்குப்பதிவு செய்த போலீசார், பேருந்தை பறிமுதல் செய்தனர்.