[X] Close
JUST IN
  • BREAKING-NEWS சபரிமலை வழக்கில் நாளை காலை தீர்ப்பு
  • BREAKING-NEWS தமிழகத்தில் புதிய மாவட்டங்கள் பிரிக்கப்பட்டதற்கான அரசாணை வெளியீடு.
  • BREAKING-NEWS சென்னையில் பெட்ரோல் லிட்டருக்கு ரூ. 76.18 காசுகளாகவும், டீசல் லிட்டருக்கு ரூ. 69.54 காசுகளாகவும் விலை நிர்ணயம்
  • BREAKING-NEWS மகாராஷ்டிராவில் குடியரசுத் தலைவர் ஆட்சி அமல்: குரூர நகைச்சுவை என காங்கிரஸ் கண்டனம்
  • BREAKING-NEWS தென் பெண்ணை ஆற்றில் கர்நாடகா கட்டும் அணைக்கு எதிராக தமிழக அரசு தாக்கல் செய்த வழக்கு: உச்நீதிமன்றம் இன்று தீர்ப்பு
  • BREAKING-NEWS இலங்கை அதிபர் தேர்தலுக்கான பரப்புரை இன்றுடன் ஓய்கிறது

ஓடும் பஸ்சில் காதல் மனைவி கொலை: கணவன் எஸ்கேப்!

murder-in-mettupalayam

ஓடும் பேருந்தில் இளம் பெண் குத்திக் கொன்றுவிட்டு தப்பி ஓடிய கணவனை போலீசார் தேடி வருகிறனர்.

கோவைமாவட்டம் மேட்டுப்பாளையத்தில் உள்ள சங்கர் நகர் பகுதியை சேர்ந்தவர் கூலி தொழிலாளி உதயா. இவர் மனைவி ஆனந்தி. இருவரும் காதலித்து கடந்த 6 மாதங்களுக்கு முன்பு பெற்றோர் எதிர்ப்பை மீறி திருமணம் செய்துகொண்டனர். இதனிடையே உதயா அடிக்கடி குடித்து விட்டு வந்து ஆனந்தியிடன் தகராறு செய்து வந்துள்ளார். பின்னர் இவர்களுக்குள் கருத்து வேறுபாடு காரணமாக கடந்த இரண்டு வார காலமாக பிரிந்து வாழ்ந்துள்ளனர். ஆனந்தி அவரது தாயாருடன் சிறுமுகை அருகே வெள்ளிகுப்பம்பாளையம் என்ற கிராமத்தில் வசித்து வந்துள்ளார். உடல் நலம் பாதிக்கப்பட்ட நிலையில் மருத்துவமனைக்கு தனது தாயாருடன் வெள்ளிக்குப்பம்பாளையத்தில் இருந்து மேட்டுப்பாளையத்திற்கு நகர பேருந்து மூலம் சென்று கொண்டிருந்தார். அப்போது அதே பேருந்தின் பின் பக்கத்தில் பயணம் செய்து வந்த உதயா, திடீரென தான் மறைத்து வைத்திருந்த கத்தியால் ஆனந்தியின் நெஞ்சில் குத்திவிட்டு, பேருந்தில் இருந்து இறங்கி தப்பி ஓடினார்.

ரத்த வெள்ளத்தில் துடித்த ஆனந்தியை, மேட்டுப்பாளையம் அரசு மருத்துவமனைக்கு கொண்டுச் சென்றனர். அங்கு சிகிச்சை பலன் இன்றி ஆனந்தி பரிதாபமாக உயிரிழந்தார்.

இதுகுறித்து வழக்குப்பதிவு செய்த மேட்டுப்பாளையம் போலீசார் உதயாவை தேடி வருகின்றனர். ஓடும் பேருந்தில் இளம் பெண் படுகொலை செய்யப்பட்ட சம்பவம் மேட்டுப்பாளையத்தில் பரபரப்பை ஏற்படுத்தியுள்ளது.

Advertisement:
இது தொடர்பான செய்திகள் :
Related Tags : Coimbatore murdercoimbatore murder
Advertisement:
Advertisement:
[X] Close