[X] Close
JUST IN
  • BREAKING-NEWS மழையால் புதுக்கோட்டை மாவட்ட பள்ளிகளுக்கு இன்று விடுமுறை அறிவிப்பு
  • BREAKING-NEWS பாகிஸ்தானுக்கு இனி இந்திய தண்ணீர் கிடையாது: ஹரியானா தேர்தல் பரப்புரையில் பிரதமர் மோடி திட்டவட்டம்
  • BREAKING-NEWS உச்சநீதிமன்றத்தில் நடைபெற்று வரும் அயோத்தி வழக்கின் விசாரணை இன்றுடன் நிறைவு
  • BREAKING-NEWS கீழடியில் 5-ம் கட்ட ஆய்வுக்காக தோண்டப்பட்ட 54 குழிகள் இன்று மூடப்படுகின்றன
  • BREAKING-NEWS டாக்டர் எம்.ஜி.ஆர் நிகர்நிலை பல்கலைக்கழகம் சார்பில் முதல்வர் பழனிசாமிக்கு அக்டோபர் 20ம் தேதி கௌரவ டாக்டர் பட்டம் வழங்கப்படுகிறது
  • BREAKING-NEWS பொதுத்துறை ஊழியர்களுக்கு தீபாவளி போனஸ் 8.33%, கருணைத் தொகை 11.37% வழங்கப்படும் - தமிழக அரசு

7 மாத கர்ப்பிணியை பெற்றோரே அடித்து கொன்றது அம்பலம்

pregnant-women-murdered-by-parents

அரியலூர் மாவட்டம் செந்துறை அருகே 7 மாத கர்ப்பிணியை அவரது பெற்றோரே அடித்துக் கொன்ற சம்பவம் அதிர்ச்சியை ஏற்படுத்தியுள்ளது.

பொன்பரப்பி‌ என்ற பகுதியைச் சேர்ந்த தங்கராசு-பவானி தம்பதியின் மகள் சர்மிளா. இவர் தூக்கிட்டு தற்கொலை செய்து கொண்டதாக கூறப்பட்டது. இது குறித்து போலீசார் நடத்திய விசாரணையில், சர்மிளாவின் பெற்றோரே அவரைக் கொலை செய்ததாகத் தெரியவந்துள்ளது.

சர்மிளா பெற்றோர் எதிர்ப்பை மீறி கலைராஜன் என்பவரைக் காதலித்து வந்திருக்கிறார். 2008 ஆம் ஆண்டு கலைராஜனுடன் தலைமறைவான சர்மிளாவை மீண்டும் அழைத்து வந்த பெற்றோர், உறவினரான அன்புமணிக்கு 2009 ஆம் ஆண்டில் திருமணம் செய்துவைத்தனர். அன்புமணி மூலம் பெண் குழந்தைக்கு தாயான சர்மிளா, கணவருடன் வாழப் பிடிக்காமல் வீட்டிலிருந்து வெளியேறி கடந்த 4 ஆண்டுகளாக காதலனுடன் குடும்பம் நடத்தியுள்ளார். மேலும், காதலன் கலை‌ராஜனை கடந்த பிப்ரவரி மாதம் திருமணம் செய்து கொண்டார்.

7 மாத கர்ப்பிணியாக இருந்த சர்மிளாவை சமாதானமாக செல்வதாக கூறி வீட்டிற்கு பெற்றோர் அழைத்து வந்துள்ளனர். வீட்டிற்கு வந்ததும், கர்ப்பத்தை கலைக்குமாறு பெற்றோர் கட்டாயப்படுத்தியதாகவும், அதற்கு சர்மிளா மறுத்ததாகவும் கூறப்படுகிறது. இதனால் ஆத்திரமடைந்த பெற்றோர், கர்ப்பிணி சர்மிளாவை செந்துறையிலுள்ள உறவினர் வீட்டில் அடித்துகொலை செய்துவிட்டு பின்னர் தூக்கிட்டு தற்கொலை செய்தது போன்று நாடகமாடியது காவல்துறை விசாரணையில் தெரியவந்துள்ளது. இந்த கொலைச் சம்பவம் குறித்து காவல்துறையினர் வழக்குப் பதிவு செய்து பெற்றோரை கைது செய்தனர்.

Advertisement:
Advertisement:
Advertisement:
[X] Close