[X] Close
JUST IN
  • BREAKING-NEWS நிலவின் சுற்றுவட்டப்பாதையை நெருங்குகிறது சந்திரயான் விண்கலம். காலை ஒன்பதரை மணியளவில் நிலவை சுற்றத் தொடங்கும் என இஸ்ரோ தகவல்
  • BREAKING-NEWS முன்னாள் நிதியமைச்சர் ப.சிதம்பரம் 23ஆம் தேதி விசாரணைக்கு ஆஜராக அமலாக்கத்துறை சம்மன். ஐஎன்எக்ஸ் மீடியா வழக்கில் முன் ஜாமீன் கோரிய மனு மீது டெல்லி உயர்நீதிமன்றம் இன்று தீர்ப்பு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

பெண்ணின் கண்ணியம் மிதிக்கப்படுவதை பொறுக்க முடியாது: மு.க.ஸ்டாலின்

mk-stalin-statement-against-police-lathicharge-on-tasmac-protester

பினாமி ஆட்சியில் காவல்துறை அதிகாரிகளால் மனித உரிமைகளும், பெண்களின் கண்ணியமும் காலில் போட்டு மிதிக்கப்படுவதை பொறுத்துக் கொள்ள முடியாது என திமுக செயல் தலைவர் மு.க.ஸ்டாலின் தெரிவித்துள்ளார்.

இதுதொடர்பாக அவர் வெளியிட்டுள்ள அறிக்கையில், திருப்பூர் மாவட்டத்தில் உள்ள சாமளாபுரத்தில் டாஸ்மாக் கடைக்கு எதிர்ப்பு தெரிவித்து தொடர் போராட்டத்தில் ஈடுபட்ட பெண்கள் மீதும், பொது மக்கள் மீதும் கண்மூடித்தனமாக தடியடி நடத்திய காவல்துறைக்கு கடும் கண்டனத்தை தெரிவித்துள்ளார்.

மதுக்கடைகளை படிப்படியாக மூடுவோம் என்று தேர்தலில் வாக்குறுதி கொடுத்து விட்டு மக்கள் நடமாட்டம் உள்ள பகுதிகளில் திறக்கப்படும் மதுக்கடைகளை எதிர்த்தால் காவல்துறையை வைத்து அராஜகத்தை கட்டவிழ்த்து விடும் அதிமுக அரசின் இரட்டை வேடம் வேதனைக்குரியது என குறிப்பட்டுள்ளார்.

மதுபானக் கடைகள் திறக்கப்படுவதை எதிர்க்கும் மக்கள் மீது காவல்துறையினர் கடுமையாக தாக்குவதும், அராஜகத்தின் உச்சிக்குச் சென்று பெண்களையே காவல்துறை அதிகாரியே கை நீட்டி தாக்குவதும் காட்டுமிராண்டி சமுதாயத்தில் வாழ்கிறோமா என்ற அச்சத்தையே ஏற்படுத்தியிருக்கிறது என கூறியுள்ளார்.

மனித உரிமைகளும், பெண்ணின் கண்ணியமும், சட்டத்தின் ஆட்சியும் பினாமி ஆட்சியில் காவல்துறை அதிகாரிகளால் காலில் போட்டு மிதிக்கப்படுவதை பொறுத்துக் கொள்ள முடியாது என தெரிவித்துள்ளார். மதுக் கடைக்கு எதிராக போராடிய பெண்ணை பொது இடத்தில் கை நீட்டி அடித்த காவல்துறை கூடுதல் டி.எஸ்.பி. பாண்டியராஜனை உடனடியாக தற்காலிக பணி நீக்கம் செய்ய வேண்டும் என வலியுறுத்தியுள்ளார்.

மக்களின் உணர்வுகளுக்கும், ஜனநாயக ரீதியான போராட்டங்களுக்கும் மதிப்பளித்து பொது இடங்களில் மதுக்கடைகளை திறப்பதை முதலமைச்சர் எடப்பாடி பழனிச்சாமி உடனடியாக கைவிட வேண்டும் என்றும் மு.க.ஸ்டாலின் கேட்டுக்கொண்டுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close