[X] Close
JUST IN
  • BREAKING-NEWS ராஜீவ்காந்தி கொலை குறித்து சீமான் பேசியது தொடர்பாக மாவட்ட தேர்தல் அதிகாரியிடம் விரிவான அறிக்கை கேட்டுள்ளார் தமிழக தலைமை தேர்தல் அதிகாரி சத்யபிரதா சாஹூ
  • BREAKING-NEWS நீட் ஆள்மாறாட்ட வழக்கில் மாணவர் இர்பானின் காவலை அக்டோபர் 25 வரை நீட்டித்தது தேனி நீதிமன்றம்
  • BREAKING-NEWS நாளை முதல் காலவரையற்ற வேலைநிறுத்தம்: ஆவின் பால் டேங்கர் லாரி ஒப்பந்த உரிமையாளர்கள் அறிவிப்பு
  • BREAKING-NEWS இன்று முதல் 4 நாட்களுக்கு தமிழகத்தில் கனமழைக்கு வாய்ப்புள்ளதாக வானிலை மையம் அறிவிப்பு

திடீர் விசுவாச அரசியல் ஏன்?.. ஓபிஎஸுக்கு ஸ்டாலின் கேள்வி

why-the-sudden-political-loyalty-stalin-questioned-ops

முதலமைச்சராக இருந்தபோது ஜெயலலிதாவின் மரணம் தொடர்பான மர்மம் குறித்து பேசாத ஓ.பன்னீர்செல்வம், தற்போது திடீரென விசுவாச அரசியல் காட்டுவது ஏன் என திமுக செயல் தலைவர் ஸ்டாலின் கேள்வி எழுப்பியுள்ளார்.

சொத்துக்குவிப்பு வழக்கின் தீர்ப்பைத் தொடர்ந்து அரசு அலுவலகங்களில் ஜெயலலிதாவின் படத்தை அகற்ற வேண்டும் என வலியுறுத்திய ஸ்டாலினுக்கு ஓ.பன்னீர்செல்வம் கடும் கண்டனம் தெரிவித்து விமர்சித்திருந்தார். இதற்கு பதில் அளித்து அறிக்கை வெளியிட்டுள்ள ஸ்டாலின், அரசின் சார்பில் ஜெயலலிதாவின் பெயரும், படமும் இடம்பெறுவது சட்ட விரோதமானது‌ என்று குறிப்பிட்டுள்ளார். பதவி பறிக்கப்பட்டவுடன் ஜெயலலிதாவின் மரணம் தொடர்பான மர்மம் குறித்து பேசும் ஓ.பன்னீர்செல்வம், முதலமைச்சராக இருந்தபோது அதுபற்றி விசாரிக்க செய்த ஏற்பாடுகள் என்ன என்று கேள்வி எழுப்பியுள்ளார். பதவி கிடைக்கும் என்றால் ஜெயலலிதாவை மறந்துவிடுவதும், பதவி போன பிறகு அரசியல் செய்ய எதுவும் கிடைக்காவிட்டால், மீண்டும் அவரது படத்தையும், சமாதியையும் திடீரென பயன்படுத்துவதும் பன்னீர்செல்வம் போன்ற அதிமுக நிர்வாகிகளுக்கு வழக்கமாகிவிட்டதாக விமர்சித்துள்ளார். பதவி சுயநலத்திற்காக ஜெயலலிதாவின் மரணம் தொடர்பான மர்மங்களை மறைத்தவர்கள், இப்போது திடீரென விசுவாசம் காட்டும் விநோதம் குறித்த உண்மை மக்களுக்குத் தெரியும் என்றும் திமுக செயல்தலைவர் ஸ்டாலின் தெரிவித்துள்ளார்.

Advertisement:
Advertisement:
Advertisement:
[X] Close