[X] Close
JUST IN
  • BREAKING-NEWS இ-சிகரெட் விற்பனை, உற்பத்தி, ஏற்றுமதி இறக்குமதிக்கு தடை - மத்திய அமைச்சரவைக் கூட்டத்தில் முடிவு
  • BREAKING-NEWS தாய்மொழிக்கு பதிலாக இந்தியை கற்க வேண்டும் என கூறவில்லை - மத்திய உள்துறை அமைச்சர் அமித் ஷா
  • BREAKING-NEWS இந்தி திணிப்புக்கு எதிராக நாளை திமுக நடத்தவிருந்த போராட்டம் ஒத்திவைப்பு. ஆளுநரின் உறுதிமொழியை ஏற்று முடிவு எடுக்கப்பட்டதாக ஸ்டாலின் அறிவிப்பு
  • BREAKING-NEWS சென்னை உள்பட மாநிலத்தின் பல்வேறு பகுதிகளில் இடிமின்னலுடன் கனமழை. வளிமண்டல மேலடுக்குச் சுழற்சி காரணமாக மழை நீடிக்கும் எனத் தகவல்

பட்ஜெட் ஏமாற்றம் அளிக்கிறது: அரசியல் தலைவர்கள்

political-party-leaders-opposes-budjet

2017- 2018 ஆம் ஆண்டிற்கான மத்திய பட்ஜெட் ஏமாற்றம் அளிக்கிறது என பல்வேறு கட்சித் தலைவர்கள் தங்கள் கருத்துக்களை தெரிவித்து வருகின்றனர்.

திமுக மாநிலங்களவை உறுப்பினர் கனிமொழி கூறுகையில், மத்திய பட்ஜெட்டில் தமிழகத்திற்கு பெரிய அளவில் திட்டம் இல்லாதது ஏமாற்றம் அளிக்கிறது என கூறியுள்ளார்.

மத்திய அரசின் நிதிநிலை அறிக்கை தேர்தல் அறிக்கை போல் உள்ளது என்றும் இந்த பட்ஜெட் ஏமாற்றம் அளிக்கும் விதமாக இருப்பதாகவும் திமுக எம்பி திருச்சி சிவா விமர்சித்துள்ளார்.

மத்திய அரசின் நிதி நி‌‌லை அறிக்கையில் தொலைநோக்கு பார்வை இல்லை என இந்திய கம்யூனிஸ்ட் தேசிய செயலாளர் டி.ராஜா கருத்துத் தெரிவித்துள்ளார்.

மத்திய பட்ஜெட்டில் முறைசாரா தொழிலாளர்களுக்கு எந்த திட்டமும் இல்லை என மார்க்சிஸ்ட் கம்யூனிஸ்ட் கட்சியின் மாநிலச் செயலாளர் ஜி.ராமகிருஷ்ணன் தெரிவித்துள்ளார். வறட்சி நிலவும் நிலையில் 100 நாள் வேலைத்திட்டத்திற்கு பட்ஜெட்டில் போதுமான நிதி ஒதுக்கவில்லை என்றும் அவர் தெரிவித்துள்ளார்.

பட்ஜெட்டில் புதிய வரி விதிப்புகள் எதுவும் அறிவிக்கப்படாத நிலையில் ஜிஎஸ்டி மூலம் பெரும் வரிச் சுமை மக்கள் மீது சுமத்தப்படும் என மார்க்சிஸ்ட் கம்யூனிஸ்ட் கட்சியின் மூத்த உறுப்பினரும் மாநிலங்களவை எம்பியுமான டி.கே. ரங்கராஜன் கூறியுள்ளார்.

இதே போல் ஏஐசிசிடியு தொழிற்சங்க மாநிலச் செயலாளர் ஏ.எஸ்.குமார் கூறுகையில், விவசாயத்தைப் பாதுகாக்க நீராதாரத்தை வலுப்படுத்தல், இடு பொருட்கள் உள்ளிட்டவற்றிற்கு பொது முதலீடு ஒதுக்க வேண்டும் என தொழிற்சங்கங்கள் நீண்ட காலமாக கோரிக்கை விடுத்து வருவதாகவும், அது குறித்து பட்ஜெட்டில் அறிவிப்பு எதுவும் இல்லை எனவும் தெரிவித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close