[X] Close
JUST IN
  • BREAKING-NEWS ஆந்திரா: தேவிபட்டணம் பகுதியில் கோதாவரி ஆற்றில் சுற்றுலா படகு கவிழ்ந்ததில் 33 பேர் நீரில் மூழ்கியதாக தகவல்; தேடும் பணி தீவிரம்
  • BREAKING-NEWS 10 ஆம் வகுப்பு மொழிப்பாடத் தேர்வை ஒரே தாளாக்கியதற்கு ஆசிரியர்கள் எதிர்ப்பு
  • BREAKING-NEWS ஆஷஸ் டெஸ்ட்: இங்கிலாந்து அணி 382 ரன்கள் முன்னிலை
  • BREAKING-NEWS “மிகமிக மோசமான அதிகாரிக்கு அண்ணா விருதா?” - பொன்.மாணிக்கவேல் கடிதம்
  • BREAKING-NEWS உயர்நீதிமன்ற இணையதளத்திலிருந்து நீதிபதி தஹில் ரமாணி புகைப்படம் நீக்கம்

சென்னை வன்முறை: தமிழக அரசு பதிலளிக்க உயர்நீதிமன்றம் உத்தரவு

chennai-violence-madras-hc-summons-tn-government

மாணவர் போராட்டத்திற்குப் பின்னரான வன்முறை தொடர்பாக பதிலளிக்குமாறு தமிழக அரசுக்கு சென்னை உயர் நீதிமன்றம் உத்தரவிட்டுள்ளது.

மெரினாவில் அறவழிப் போராட்டத்தில் ஈடுபட்டுள்ளவர்கள் மீது அடக்குமுறையை பயன்படுத்தக் கூடாது என்று பாவேந்தன், செந்தில்குமார் ஆகியோர் வழக்குத் தொடர்ந்திருந்தனர். போராட்டம் முடிந்த நிலையில் வழக்கினை உயர்நீதிமன்றம் முடித்து வைத்தது. அமைதிவழியில் போராட்டம் நடத்துவோர் மீது ஒருபோதும் பலப் பிரயோகம் நடத்தப்படாது என்று தமிழக அரசு உறுதிமொழி அளித்திருந்தது.

இந்த வழக்கு விசாரணையின் போது, மெரினா போராட்டத்தின் இறுதியில் கைதாகி சிறையில் அடைக்கப்பட்டுள்ளோருக்கு உரிய சிகிச்சை அளிக்க வேண்டும் என்று வழக்கறிஞர் பிரசாத் முறையிட்டார். போராட்டக்காரர்களுக்கு உதவி செய்த ஒரே காரணத்திற்காக அப்பாவி பொதுமக்கள் மீது காவல்துறை தாக்குதல் நடத்தியதாகவும், அவர்களுக்கு ரூ.25 லட்சம் இழப்பீடு வழங்க வேண்டும் என்று திருமூர்த்தி என்ற வழக்கறிஞர் முறையிட்டார்.

வன்முறையில் காயமடைந்தோர் அரசு மருத்துவமனையில் சிகிச்சை பெறுவதை காவல்துறையினர் தடுப்பதாகவும், அவர்கள் தகுந்த சிகிச்சை பெற வசதியாக சிறப்பு மருத்துவக் குழுக்களை அமைக்க வேண்டும் என்று வழக்கறிஞர் சுரேஷ் முறையிட்டார். அவர்களது கோரிக்கைகளை தனித்தனி மனுக்களாக தாக்கல் செய்யுமாறு கேட்டுக்கொண்ட நீதிபதி மகாதேவன், அதுதொடர்பாக தமிழக அரசு பதிலளிக்க உத்தரவிட்டதுடன், விசாரணையை வரும் 30ம் தேதிக்கு ஒத்திவைத்தார்.

Advertisement:
Advertisement:
Advertisement:
[X] Close