[X] Close
JUST IN
  • BREAKING-NEWS மத்திய அரசு நல்லது செய்தால் அதை ஆதரிப்போம்; மக்களுக்கு எதிராக எது இருந்தாலும் அதை எதிர்ப்போம் - அமைச்சர் காமராஜ்
  • BREAKING-NEWS மேற்குவங்கத்தில் குடியுரிமை திருத்த சட்டம், குடிமக்கள் பதிவேடு முறை அமல்படுத்தப்படாது; இதற்கு எதிராக யாரும் வன்முறையில் ஈடுபட வேண்டாம் - முதல்வர் மம்தா பானர்ஜி
  • BREAKING-NEWS மு.க.ஸ்டாலினை சந்தித்து தனக்கு வழங்கப்பட்ட சிறந்த நாடாளுமன்ற மாநிலங்களவை உறுப்பினருக்கான விருதை காண்பித்து வாழ்த்துப்பெற்றார் திருச்சி சிவா
  • BREAKING-NEWS எனது விளக்கத்தை ஏற்று என்னை அன்புடன் நலம் விசாரித்து வழியனுப்பிய கமலுக்கு நன்றி - ராகவா லாரன்ஸ்
  • BREAKING-NEWS என் பெயர் ராகுல் காந்தி; ராகுல் சவார்கர் அல்ல; உண்மையை பேசியதற்காக நான் ஒருபோதும் மன்னிப்பு கேட்க மாட்டேன் - ராகுல் காந்தி
  • BREAKING-NEWS நாட்டுக்காக மக்கள் குரல் எழுப்பாமல் அமைதியாக இருந்தால் அரசியலமைப்பு அழிக்கப்படும் - பிரியங்கா காந்தி
  • BREAKING-NEWS வளிமண்டல மேலடுக்கு சுழற்சியால் 20ஆம் தேதிக்கு பின் கனமழை பெய்ய வாய்ப்பு - வானிலை ஆய்வு மையம்

தமிழகத்தில் கொடுங்கோல் ஆட்சி: மு.க.ஸ்டாலின்

mk-stalin-condemn-for-lathicharge-on-jallikattu-supporters

ஜல்லிக்கட்டுக்காக போராடுகின்ற மாணவர்கள், இளைஞர்கள் மீது தடியடி நடத்தியதும், அவர்களுக்குச் செல்லும் உணவு, குடிநீரை தடுத்ததும், தமிழகத்தில் கொடுங்கோல் ஆட்சி நடப்பதை எடுத்துக் காட்டுவதாக திமுக செயல்தலைவர் மு.க.ஸ்டாலின் குற்றஞ்சாட்டியுள்ளார்.

இதுதொடர்பாக அவர் வெளியிட்டுள்ள அறிக்கையில், 21 மணி நேரத்திற்கும் மேலாக விடிய விடிய போராடியவர்களை குண்டுக்கட்டாக தூக்கிச் சென்றும், இழுத்துச் சென்றும் கைது செய்தது 'அதிகாலை அராஜகம்' எனச் சாடியுள்ளார். இது தமிழக இளைஞர்களின் உரிமைக்குரல் மீதும், தமிழர்களின் பண்பாடு மற்றும் கலாசாரத்தின் மீதும் தொடுக்கப்பட்ட தாக்குதல் என்றும் அவர் குறிப்பிட்டிருக்கிறார்.

ஜல்லிக்கட்டிற்காக போராடியவர்களுக்கு தண்ணீர் கொடுக்கும் அலங்காநல்லூர் மக்களைக் கூட தடுத்தது மனித நேயமற்ற செயல் எனவும் அவர் சாடியுள்ளார். விலங்குகள் வதையைத் தடுக்கிறோம் என்று கூறி அலங்காநல்லூர் மக்களுக்கும், அங்கு போராடிய இளைஞர்களுக்கும் காவல்துறை செய்த “வதை” மிக மோசமானது என ஸ்டாலின்குற்றஞ்சாட்டியுள்ளார்.

விலங்குகள் வதைக்கு குறைந்தபட்ச தண்டனை 10 ரூபாயும், அதிகபட்சமாக 50 ரூபாயும் அபராதம் விதிக்கப்படுகிறது என குறிப்பிட்டுள்ள மு.க.ஸ்டாலின், ஆனால் இன்றைக்கு ஜல்லிக்கட்டுக்காக போராடுகின்ற இளைஞர்களை கொடுங்குற்றம் புரிந்தவர்கள் போல் சித்தரித்து குண்டுக்கட்டாக கைது செய்ததுதும், தடியடி நடத்தியதும், அவர்களின் பசிக்குச் செல்லும் உணவு, குடிநீரை தடுத்ததும் தமிழர்களின் கலாச்சார பெருமையை தடுக்கும் எனவும் கொடுங்கோல் ஆட்சி தமிழகத்தில் நடப்பதை எடுத்துக் காட்டுவதாகவும் தெரிவித்துள்ளார்.

அலங்காநல்லூரில் கைது செய்யப்பட்ட இளைஞர்களை உடனே விடுதலை செய்ய வேண்டும் என்றும், அங்கு மக்களை சுற்றி வளைத்திருக்கும் காவல்துறையினரை உடனே திரும்பப் பெற வேண்டும் எனவும் ஸ்டாலின் தனது அறிக்கையில் வலியுறுத்தியுள்ளார்.

Advertisement:
Advertisement:
Advertisement:
[X] Close