[X] Close
JUST IN
  • BREAKING-NEWS தமிழகத்தின் 3 இடங்கள் உட்பட நாட்டின் 32 இடங்களில் ஹைட்ரோ கார்பன் எடுக்கும் திட்டத்திற்கு ஒப்பந்தம்
  • BREAKING-NEWS கொடைக்கானலில் ரூ.20 கோடியில் அடுக்குமாடி வாகன நிறுத்துமிடம் அமைக்கப்படும் அரசு போக்குவரத்துக் கழகங்களில் சோதனை முறையில் பொது இயக்கப்பயண அட்டை அறிமுகப்படுத்தப்படும் - போக்குவரத்துத்துறையில் புதிய அறிவிப்புகளை பேரவையில் அமைச்சர் எம்.ஆர். விஜயபாஸ்கர் வெளியிட்டார்
  • BREAKING-NEWS தமிழகம், புதுச்சேரியில் குறைந்த காற்றழுத்த தாழ்வு நிலையால் 3 நாட்களுக்கு மழை பெய்யும் - சென்னை வானிலை ஆய்வு மையம்
  • BREAKING-NEWS தமிழ் உள்ளிட்ட அனைத்து பிராந்திய மொழிகளிலும் அஞ்சல் துறை தேர்வுகள் நடத்தப்படும் - மாநிலங்களவையில் ரவிசங்கர் பிரசாத் அறிவிப்பு

தமிழகத்திற்கு 2.5 டி.எம்.சி நீர் தர ஆந்திர அரசு ஒப்புதல்

andhra-2-5-tmc-water-approval-to-tamilnadu

சென்னையின் குடிநீர் தேவைக்காக கிருஷ்ணா நதியில் 2 புள்ளி 5 டிஎம்.சி தண்ணீர் வழங்க ஆந்திர அரசு ஒப்புதல் அளித்துள்ளது. எனினும், 5 டிஎம்சி தண்ணீர் திறந்து விட வேண்டும் என்று தமிழகம் தரப்பில் கோரிக்கை விடுக்கப்பட்டுள்ளது.

கிருஷ்ணாநதி நீரை தமிழகத்திற்கு கூடுதலாக திறந்து விடுவது குறித்து, ஆந்திர மாநில முதலமைச்சர் சந்திரபாபு நாயுடுவை, முதலமைச்சர் ஓ.பன்னீர்செல்வம் நேரில் சந்தித்து பேச்சுவார்த்தை நடத்தினார். ஒரு மணி நேரம் நீடித்த இந்த சந்திப்பின் போது, 2 பக்க உரையை முதலமைச்சர் ஓ.பன்னீர்செல்வம் அளித்தார். பேச்சுவார்த்தைக்குப்பின்னர், கிருஷ்ணா நதியிலிருந்து, 2 புள்ளி 5 டி.எம்.சி தண்ணீரை கூடுதலாக திறந்து விட ஆந்திர அரசு ஒப்புதல் ‌அளித்ததாக அதிகாரிகள் மட்டத்திலான தகவல்கள் தெரிவிக்கின்றன. இந்நிலையில்,‌கிருஷ்ணா நதியில் 5 டிஎம்சி தண்ணீர் திறக்க வேண்டும் என்று தமிழகம் தரப்பில் கோரிக்கை விடுக்கப்பட்டுள்ளது. இதுப்ற்றி பரிசீலித்து நல்ல முடிவு எடுக்கப்படும் என்று ஆந்திர முதலமைச்சர் தெரிவித்துள்ளார்.

இதற்கிடையே கிருஷ்ணா நதியிலிருந்து தமிழகத்திற்கு எப்போது தண்ணீரைத் திறந்து விடுவது உள்ளிட்ட சில அம்சங்கள் குறித்து இரு மாநில அதிகாரிகள் மட்டத்திலான பேச்சுவார்த்தை அடுத்த வாரம் திருப்பதியில் நடைபெறும் என முடிவெடுக்கப்பட்டது.

Advertisement:
இது தொடர்பான செய்திகள் :
Advertisement:
Advertisement:
[X] Close