[X] Close
JUST IN
  • BREAKING-NEWS அமலாக்கத்துறை, சிபிஐ மூலம் ப.சிதம்பரத்தின் நற்பெயரை கெடுக்க மோடி அரசு முயற்சிக்கிறது - ராகுல் காந்தி
  • BREAKING-NEWS முன்ஜாமீன் கோரும் ப.சிதம்பரம் மனுவை நீதிபதி அருண் மிஸ்ரா அமர்வுக்கு தலைமை நீதிபதி பரிந்துரைக்க இருப்பதாக தகவல்
  • BREAKING-NEWS புதுச்சேரி அரசின் அன்றாட நடவடிக்கைகளில் கிரண்பேடி தலையிட கூடாது என்ற உத்தரவு தொடரும்; தனி நீதிபதி உத்தரவுக்கு எதிரான மத்திய உள்துறை அமைச்சகத்தின் மேல்முறையீடு வழக்கில் சென்னை உயர்நீதிமன்றம் உத்தரவு
  • BREAKING-NEWS இன்று முதல் தண்ணீர் லாரி உரிமையாளர்கள் தமிழகம் முழுவதும் வேலைநிறுத்தம்
  • BREAKING-NEWS ரியோ பராலிம்பிக் போட்டியில் வெள்ளி வென்ற தீபா மாலிக் உள்ளிட்ட இருவருக்கு கேல் ரத்னா விருது அறிவிப்பு. ரவீந்திர ஜடேஜா உள்ளிட்ட 17 பேர் அர்ஜூனா விருதுக்கு தேர்வு

வி.கே.சசிகலாவை தேர்ந்தெடுக்க தடை கோரும் வழக்கு... உயர்நீதிமன்றம் ஒத்திவைப்பு

chennai-highcourt-adjourned-sasikala-case

அதிமுக பொது செயலாளராக வி.கே.சசிகலாவை தேர்ந்தெடுக்க தடைவிதிக்கக்கோரும் வழக்கு தொடர்பான விசாரணையை தேதி குறிப்பிடாமல் சென்னை உயர்நீதிமன்ற‌ம் ஒத்திவைத்தது.

அதிமுக பொது செயலாளராக வி.கே.சசிகலாவை தேர்ந்தெடுக்க தடைவிதிக்க கோரி, மாநிலங்களவை உறுப்பினர் சசிகலா புஷ்பா வழக்கு தொடர்ந்திருந்தார். இந்த வழக்கை நிராகரிக்கக் கோரி அதிமுக அவைத்தலைவர் மதுசூதனன் தாக்கல் செய்த மனு, உயர்நீதிமன்றத்தில் நீதிபதி கல்யாண சுந்தரம் முன்னிலையில் நேற்று விசாரணைக்கு வந்தது.

அப்போது அதிமுக சார்பில் வாதாடிய ஆர்.கிருஷ்ணமூர்த்தி, சசிகலா புஷ்பா கடந்த செப்டம்பர் மாதமே கட்சியிலிருந்து நீக்கப்பட்டார் என்றும், அவருக்கு கட்சி விவகாரங்களில் தலையிடும் உரிமையில்லை என்றும் தெரிவித்தார். மேலும் சசிகலா புஷ்பாவும், லிங்கேஸ்வர திலகமும் தொடர்ந்த வழக்குகளை நிராகரிக்க வேண்டும் என்றும் வாதிட்டார்.

இதனிடையே, அதிமுகவை நிர்வகிப்பதில் தற்போதைய நடைமுறையே தொடர வேண்டும் என்றும், வி.கே சசிகலா அதிமுகவில் இருந்து நீக்கப்பட்டவர் என்பதால், அவரை பொதுச்செயலாளராக அறிவிக்கக்கூடாது என்றும் சசிகலா புஷ்பா தரப்பு வழக்கறிஞர் வாதிட்டார்.

இதற்கு பதில் அளித்த அதிமுக தரப்பு வழக்கறிஞர் அதிமுக துணை விதிகளில் மாற்றம் செய்யப்படமாட்டாது என்றும், பொதுக்குழு சட்ட விதிகளுக்கு உட்பட்டு நடைபெறும் எனக் கூறினார். அனைத்துத் தரப்பு வாதங்களையும் கேட்ட நீதிபதி வழக்கு விசாரணையை தேதி குறிப்பிடாமல் ஒத்திவைத்தார்.

Advertisement:
இது தொடர்பான செய்திகள் :
Advertisement:
Advertisement:
[X] Close