[X] Close
JUST IN
  • BREAKING-NEWS நாங்குநேரி தொகுதி இடைத்தேர்தலை தள்ளி வைக்கக்கோரி உயர்நீதிமன்ற மதுரை கிளையில் சுயேச்சை வேட்பாளர் மனு
  • BREAKING-NEWS ராஜிவ்காந்தி குறித்து பேசியதை திரும்பப்பெற முடியாது; கைதுக்கும் நான் பயப்படப்போவதில்லை - சீமான்
  • BREAKING-NEWS பாட்னா உயர்நீதிமன்ற தலைமை நீதிபதியாக இருக்கும் அம்ரேஷ்வர் பிரதாப் சாஹியை சென்னை உயர்நீதிமன்ற தலைமை நீதிபதியாக நியமிக்க கொலிஜியம் பரிந்துரை
  • BREAKING-NEWS ஐரோப்பிய ஒன்றியத்துடன் புதிய பிரெக்ஸிட் உடன்பாடு ஏற்பட்டது - பிரிட்டன் பிரதமர் போரிஸ் ஜான்சன்
  • BREAKING-NEWS நீட் தேர்வு ஆள்மாறாட்ட வழக்கில் கைதான மாணவர் உதித் சூர்யாவுக்கு நிபந்தனை ஜாமீன்

3 தொகுதி தேர்தலை கண்காணிக்க தலைமைச் செயலகத்தில் பிரத்யேக ஏற்பாடுகள்..

special-arrangement-in-secretariate-to-monitor-3-constituency-election

தமிழகத்தில் 3 தொகுதிகளிலும் பதிவாகும் வாக்குகள் அனைத்தும் ஒட்டுமொத்தமாக சென்னை தலைமைச் செயலகத்தில் இருந்து கண்காணிக்கப்பட்டு வருகிறது.

தஞ்சாவூர், திருப்பரங்குன்றம், அரவக்குறிச்சி தொகுதிகளில் காலை 7 மணி முதல் விறுவிறுப்பாக வாக்குப்பதிவு நடைபெற்று வரும் நிலையில், ஒட்டுமொத்தமாக வாக்குப்பதிவை கண்காணிக்க சென்னை தலைமைச் செயலகத்தில் தேர்தல் ஆணையம் சிறப்பு ஏற்பாடுகளை செய்துள்ளது.

இதன் ஒருபகுதியாக தலைமைச் செயலகத்தில் கட்டுப்பாட்டு அறை அமைக்கப்பட்டுள்ளது. இதில் இருந்து கொண்டே வாக்குப்பதிவு மையங்களில் பதிவாகும் வாக்குகள் அதிகாரிகளால் கண்காணிக்கப்பட்டு வருகிறது. வாக்குச்சாவடிகளில் பிரச்னைகள் ஏற்படுகிறதா? அவ்வாறு பிரச்னை ஏற்பட்டால் அதனை எவ்வாறெல்லாம் நடவடிக்கை எடுத்து களைவது என்பது குறித்தும் அதிகாரிகள் ஆலோசித்துள்ளனர்.

3 தொகுதிகளிலும் மொத்தமாக 812 வாக்குச்சாவடிகள் அமைக்கப்பட்டுள்ளன. இதில் 625 வாக்குச்சாவடிகளில் வெப் கேமராக்கள் பொருத்தப்பட்டு நேரிடையாக கண்காணிக்ப்படுகிறது. மீதமுள்ள வாக்குச்சாவடிகளில் பதிவாகும் வாக்குகள் முழுவதும் வீடியோக பதிவு செய்யப்படுகிறது. குறிப்பாக ஒவ்வொரு இரண்டு மணி நேரத்திற்கும் ஒருமுறை வாக்குப்பதிவு சதவிகிதமும் அறிவிக்கப்படு வருகிறது.

தேர்தல் பார்வையாளர்களை பொறுத்தவரை பொதுப்பார்வையாளர்கள், காவல்துறை பார்வையாளர்கள், செலவினப் பார்வையாளர்கள் என மூன்று பிரிவுகளாக பிரிந்து தங்களது பணிகளை மேற்கொண்டுள்ளனர். 3 தொகுதிகளிலும் மொத்தமாக 39 பார்வையாளர்கள் இந்த பணியை செய்து வருகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close