[X] Close
JUST IN
  • BREAKING-NEWS அதிமுகவை அழித்து அமமுக வளர்ச்சி பெறுவது என்பது முடியாதது- தங்க தமிழ்ச்செல்வன்
  • BREAKING-NEWS தமிழகத்தில் காலியாக உள்ள 6 இடங்களுக்கு ஜூலை 18ம் தேதி மாநிலங்களவை தேர்தல் நடைபெறும் - தேர்தல் ஆணையம்
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

தலாக் என்பது தாய்க்குலத்தின் தற்காப்பு கவசம்.. தவ்ஹீத் ஜமா அத் தீர்மானம்

resolution-for-favouring-triple-talaq

‘தலாக் என்பது தாய்க்குலத்தின் தற்காப்பு கவசம்’ என திருச்சியில் நடைபெற்ற தவ்ஹீத் ஜமா அத் அமைப்பு சார்பில் நடைபெற கண்டன பொதுக்கூட்டத்தில் தீர்மானம் நிறைவேற்றப்பட்டுள்ளது.

முஸ்லீம் மதத்தில் பின்பற்றப்படும், மூன்று முறை, ‘தலாக்’ கூறி விவாகரத்து பெறும் நடைமுறைக்கு எதிராக மத்திய அரசு பொது சிவில் சட்டம் கொண்டு வரும் முயற்சியில் ஈடுபட்டுள்ளது.

இந்நிலையில், பொது சிவில் சட்டத்திற்கு எதிர்ப்பு தெரிவித்து திருச்சியில் தவ்ஹீத் ஜமா அத் அமைப்பு‌ சார்பில், மாநிலம் தழுவிய கண்டன பொதுக்கூட்டம் நடைபெற்றது. திருச்சி தென்னூர் உழவர் சந்தை மைதானத்தில் நடைபெற்ற இந்த கண்டன பொதுக் கூட்டத்தில், தமிழகம் முழுவதிலும் இருந்து பெண்கள், குழந்தைகள் என 30 ஆயிரத்திற்கும் மேற்பட்ட இஸ்லாமியர்கள் பங்கேற்றனர்.

இந்து, கிறிஸ்தவர்கள், இஸ்லாமியர்கள் என பல்வேறு மதங்களைப் பின்பற்றுபவர்களுக்கும் ஒரே சட்டம் கொண்டுவர முயலும் மத்திய அரசின் நடவடிக்கைக்கு எதிர்ப்பு தெரிவித்து இந்த பொதுக்கூட்டத்தில் முழக்கங்கள் எழுப்பப்பட்டன. மேலும், மத்திய அரசு பொது சிவில் சட்டம் கொண்டு வரும் முயற்சியைக் கைவிட வேண்டும் என்றும் வலியுறுத்தி கூட்டத்தில் பங்கேற்றவர்கள் முழக்கங்களை எழுப்பினர்.

இதில் பல்வேறு தீர்மானங்கள் நிறைவேற்றப்பட்டுள்ளன. முதல் தீர்மானத்தில், தலாக் என்பது தாய்க்குலத்தின் தற்காப்பு கவசம் என்று கூறப்பட்டுள்ளது.

இஸ்லாம் ஆண்களுக்கு விவாகரத்து உரிமை வழங்கியுள்ளதுபோல், பெண்களுக்கும் வழங்கியுள்ளதால் இஸ்லாம், பெண்களுக்கு அநீதி இழைக்கவில்லை என்றும் தெரிவிக்கப்பட்டுள்ளது.

விவாகரத்து பெறுவதற்காக ஒருவர் மீது ஒருவர் பழிசுமத்துதல் இஸ்லாமிய விவாகரத்து முறையினால் தவிர்க்கப்படுவதாக இரண்டாவது தீர்மானத்தில் கூறப்பட்டுள்ளது. விபச்சாரம் செய்வது கடுமையான தண்டனைக்குரிய குற்றமாக அறிவித்து குடும்பப் பெண்களைக் காப்பாற்ற வேண்டும் என்றும் தீர்மானம் நிறைவேற்றப்பட்டுள்ளது.

பல்வேறு மத, இன,பண்பாடு, கலாச்சாரம் கொண்ட இந்திய மக்கள் அனைவருக்கும் ஒரே மாதிரியான சிவில் சட்டம் என்பது நடைமுறைச் சாத்தியமற்றது என்றும் மற்றொரு தீர்மானம் வலியுறுத்துகிறது. இது போன்ற பல்வேறு தீர்மானங்கள் நிறைவேற்றப்பட்டுள்ளன.

Advertisement:
இது தொடர்பான செய்திகள் :
Advertisement:
Advertisement:

[X] Close