[X] Close
JUST IN
  • BREAKING-NEWS சிலை கடத்தல் தடுப்பு பிரிவு சிறப்பு அதிகாரி பதவியை நீட்டிக்கக்கோரி பொன்.மாணிக்கவேல் உயர்நீதிமன்றத்தில் மனு
  • BREAKING-NEWS சென்னை ஐஐடி மாணவி பாத்திமா தற்கொலை வழக்கை சிபிஐ விசாரிக்கக்கோரி சென்னை உயர்நீதிமன்றத்தில் மனு
  • BREAKING-NEWS எங்கள் குடும்பத்தினருக்கான எஸ்பிஜி பாதுகாப்பை நீக்கியதும் அரசியலில் ஒரு அங்கம் தான் - பிரியங்கா காந்தி
  • BREAKING-NEWS மக்கள் அதிமுக பக்கம் இருப்பதால் ரஜினி கூறும் அதிசயம், அற்புதம் எங்களுக்கு சாதகமாகவே அமையும் - அமைச்சர் ஜெயக்குமார்
  • BREAKING-NEWS கூடங்குளம் போராட்டக்காரர்கள் மீதான வழக்குகளை அரசு உடனடியாக திரும்ப பெற வேண்டும் - மு.க.ஸ்டாலின்
  • BREAKING-NEWS மறைமுகத் தேர்தல் முறை அதிகார துஷ்பிரயோகத்திற்கும், குதிரை பேரத்திற்கும் வழிவகுக்கும் - திருமாவளவன் எம்.பி.
  • BREAKING-NEWS 2021 ஆம் ஆண்டில் அதிமுக அரசு மலரும் என்பதையே அதிசயம் நிகழும் என்று ரஜினி கூறியிருக்கலாம் - முதல்வர் பழனிசாமி

வைகோவின் முரண்பட்ட கருத்து... மக்கள் நலக் கூட்டணியில் முற்றும் மோதல்

clash-in-people-welfare-alliance

சட்டப்பேரவைத் தேர்தலின் போது, தேமுதிக தலைவர் விஜயகாந்தை கூட்டணிக்கு இழுத்ததில் வெற்றி பெற்றதாக பெருமைப்பட்டுக் கொண்ட வைகோ, தற்போது, அந்த முடிவு குறித்து சுயவிமர்சனம் செய்திருக்கிறார். அன்று மக்கள்நலக் கூட்டணியின் சாதனையாகப் பார்க்கப்பட்ட ஒரு நிகழ்வே, இன்று அக்கூட்டணியின் பின்னடைவுக்கு காரணமாக அமைந்திருக்கிறது என்று சொன்னால் அது மிகையில்லை.

சட்டப்பேரவைத் தேர்தல் தோல்விக்குப் பின் அமைதியாக இருந்த மக்கள்நலக் கூட்டணிக்குள் சலசலப்பு ஏற்பட வித்திட்டது, திமுகவின் அனைத்துக் கட்சி கூட்ட அழைப்பு. திமுகவின் கூட்டத்தில் பங்கேற்க தேவையில்லை என வைகோவும் இடதுசாரிகளும் முடிவெடுக்க, அதற்கு எதிரான நிலைப்பாட்டை எடுத்தார் திருமாவளவன். இருப்பினும், கூட்டணிக் கட்சிகளின் எதிர்ப்பால், காவிரி தொடர்பான திமுக-வின் கூட்டத்தை புறக்கணிக்கும் முடிவை அவர் எடுக்க நேர்ந்தது.

இந்த சலசலப்பு அடங்குவதற்குள், ‘தேர்தல்தான் முடிந்துவிட்டதே, இனி ஒருங்கிணைப்பாளர் பதவி எதற்கு என வைகோவுக்கு எதிராக குரல் கொடுத்த்து மார்க்சிஸ்ட் கம்யூனிஸ்ட். ஆனால், மக்கள்நலக் கூட்டணி ஒருங்கிணைப்பாளராக வைகோ நீடிப்பதாக திருமாவளவன் கூறினார். கூட்டணிக்கு நான்தான் ஒருங்கிணைப்பாளர் என வைகோவும் திட்டவட்டமாக தெரிவித்தார்.

இந்நிலையில், 3 தொகுதி தேர்தலில் தேமுதிகவுக்கு ஆதரவில்லை என வைகோ கூற, தேமுதிக ஆதரவு கேட்டால் பரிசீலிப்போம் என கூறியுள்ளன இடதுசாரிக் கட்சிகள்.

இப்படி கருத்துவேறுபாடு நாளுக்குநாள் முற்றிய சூழலில் தேமுதிக தலைவர் விஜயகாந்தை, சட்டப்பேரவைத் தேர்தலில் முதலமைச்சர் வேட்பாளராக முன்னிறுத்தியது தவறுதான் என வார இதழுக்கு பேட்டியளித்தார் வைகோ. அதேநேரத்தில், முதலமைச்சர் வேட்பாளராக விஜயகாந்தை முன்னிறுத்தியதில் தவறில்லை என்றது மார்க்சிஸ்ட் கம்யூனிஸ்ட் கட்சி. இவையெல்லாம், வைகோவின் அரசியல் நிலைப்பாட்டையே கேள்விக்குரியதாக்கியுள்ளது. வைகோவின் இந்த முரண்பட்ட நிலைபாட்டை கடுமையாக விமர்சித்திருக்கிறார் தேமுதிகவின் பிரேமலதா விஜயகாந்த்.

திமுக, அதிமுகவுக்கு மாற்று எனக் கூறி உருவான மக்கள்நலக் கூட்டணியின் தலைவர்களிடையே அதிகரித்துவரும் கருத்துவேறுபாடுகள், முன்னுக்குப் பின் முரணான பேச்சுகள், அக்கூட்டணியை வலுவிழக்கச் செய்யும் என்பதே அரசியல் விமர்சகர்களின் கணிப்பாக உள்ளது.

Advertisement:
Advertisement:
Advertisement:
[X] Close