[X] Close
JUST IN
  • BREAKING-NEWS சபரிமலை வழக்கில் நாளை காலை தீர்ப்பு
  • BREAKING-NEWS தமிழகத்தில் புதிய மாவட்டங்கள் பிரிக்கப்பட்டதற்கான அரசாணை வெளியீடு.
  • BREAKING-NEWS சென்னையில் பெட்ரோல் லிட்டருக்கு ரூ. 76.18 காசுகளாகவும், டீசல் லிட்டருக்கு ரூ. 69.54 காசுகளாகவும் விலை நிர்ணயம்
  • BREAKING-NEWS மகாராஷ்டிராவில் குடியரசுத் தலைவர் ஆட்சி அமல்: குரூர நகைச்சுவை என காங்கிரஸ் கண்டனம்
  • BREAKING-NEWS தென் பெண்ணை ஆற்றில் கர்நாடகா கட்டும் அணைக்கு எதிராக தமிழக அரசு தாக்கல் செய்த வழக்கு: உச்நீதிமன்றம் இன்று தீர்ப்பு
  • BREAKING-NEWS இலங்கை அதிபர் தேர்தலுக்கான பரப்புரை இன்றுடன் ஓய்கிறது

நீதிபதி வீட்டில் பணியில் இருந்த போது சிரித்துப் பேசிய காவலருக்கு 'மெமோ'

sp-sends-memo-to-police-for-laughing-while-onduty

ஈரோடு மாவட்ட நீதிபதி வீட்டில் பணியில் இருந்த போது சிரித்து பேசி நீதிபதிக்கு இடையூறாக இருந்ததாக கூறி ஆயுதப்படை காவலருக்கு விளக்கம் கேட்டு சுற்றறிக்கை அனுப்பபட்டுள்ளது.

ஈரோடு மாவட்ட நீதிபதி முருகன் வீட்டில் பாதுகாப்பு பணிக்காக ஆயுதப்படை காவலர்கள் பணியமர்த்தபட்டுள்ளனர். சுழற்சி அடிப்படையில் இந்த காவலர்கள் பாதுகாப்பில் ஈடுபட்டு வருகின்றனர். இந்நிலையில் கடந்த மாதம் 24ம் தேதி பணியில் இருந்த ஆயுதப்படை காவலர் வடிவேல் என்பவர் சக காவலர்கள் தங்கராஜூ மற்றும் நந்தீஸ்வரன் ஆகியோருடன் உரக்க சிரித்து பேசியதாக கூறப்படுகிறது. அவரின் இந்த செயல் நீதிபதிக்கு இடையூறாக இருந்தாக புகார் செய்யப்பட்டது.

இது குறித்து விசாரணை நடத்திய மாவட்ட காவல்துறை கண்காணிப்பாளர் சிவக்குமார், பாதுகாப்பு அறையில் உரக்க பேசி சிரித்து நீதிபதிக்கு இடையூறு ஏற்படுத்தியது கண்டிக்கதக்கது என கூறி ஒழுக்கம் மற்றும் மேல்முறையீடு விதிகள் 1955 பிரிவு 3-ன் கீழ் நடவடிக்கை எடுக்க முடிவு செய்துள்ளதாகவும், இது குறித்து 15 தினங்களுக்குள் கட்டாயமாக தவறுக்கான மறுப்புரை கொடுக்க வேண்டும் என்று ஆயுதப்படை காவலர் வடிவேலுக்கு சுற்றறிக்கை அனுப்பி உள்ளார். இந்நிலையில் இந்த விவகாரம் குறித்து சமூக வலைதளங்களில் வேகமாக தகவல் பரவிவருவதால் போலீசாரிடையே பரபரப்பு ஏற்பட்டுள்ளது.

Advertisement:
Advertisement:
Advertisement:
[X] Close