புதிதாக அறிவிக்கப்பட்டிருக்கும் சிறப்பு ரயில்கள் பற்றிய விவரங்கள்

தெற்கு ரயில்வேயின் சார்பில் இன்று வெளியிடப்பட்டுள்ள புதிய அட்டவணையில் சில ரயில்களின் பயண தூரம் நீட்டிக்கப்பட்டுள்ளதுடன், சில ரயில்கள் புறப்படும் நேரங்களிலும் மாற்றங்கள் செய்யப்பட்டுள்ளன. இவற்றில் புதிதாக இயக்கப்படும் ஆறு புதிய ரயில்களின் விவரங்கள் பின்வருமாறு...

* சென்னை -அகமதாபாத் இடையே புதன்கிழமை தோறும் ஹம்சபர் விரைவு ரயில்

* அகமதாபாத்-சென்னைக்கு ஒவ்வொரு திங்கட்கிழமையும் குளிரூட்டப்பட்ட பெட்டிகள் கொண்ட ஹம்சஃபர் விரைவு

* திருச்சி - ஸ்ரீகங்காநகர் இடையே வியாழக்கிழமை தோறும் ஹம்சபர் விரைவு ரயில்

* கோவை - பெங்களூரு இடையே டபுள் டக்கர் உதய் விரைவு ரயில் வாரத்தில் 6 நாட்கள் இயக்கப்படும்

* சென்னை - சந்திரகாஜி இடையே புதன்கிழமைகளில் அந்யோத்யா விரைவு ரயில்

* எர்ணாகுளத்திலிருந்து - ஹவுரா‌வுக்கு கோவை, ஈரோடு,‌ சேலம் ஜோலார்பேட்டை வழியாக செவ்வாய்கிழமைதோறும் அந்யோத்யா விரைவு ரயில்

* எர்ணாகுளத்திலிருந்து கோவை, சேலம், காட்பாடி வழியாக ஹட்டியா வரையில் திங்க‌ட்கிழமை தோறும் அதிவிரைவு ரயில்

* காக்கிநாடா - எழும்பூர் சிர்கார் விரைவு ரயில், காச்சிகுடா - எழும்பூர் விரைவு ரயில் ஆகியவை செங்கல்பட்டு வரை நீட்டிப்பு

ஏற்கனவே இயக்கப்படும் 8 ரயில்கள் அதிவிரைவு ரயில்களாக ‌தரம் உயர்த்தப்பட்டுள்ளன. ரயில்வே கால அட்டவணை இன்று நள்ளிரவு முதல் அமலுக்கு வரும் என தெற்கு ரயில்வே தலைமை செயல் அதிகாரி அனந்த ராமன் தெரிவித்தார்‌.