[X] Close
JUST IN
  • BREAKING-NEWS டிடிவி தினகரனுக்கு குக்கர் சின்னம் தர முடியாது என உச்சநீதிமன்றத்தில் தலைமை தேர்தல் ஆணையம் பிரமாணப் பத்திரம் தாக்கல்
  • BREAKING-NEWS நயன்தாரா குறித்து சர்ச்சைக்குரிய வகையில் பேசிய நடிகர் ராதாரவிக்கு தயாரிப்பாளர்கள் சங்கம் கண்டனம்
  • BREAKING-NEWS பயங்கரவாதிகளை வேரோடு, கூண்டோடு அழிக்கக்கூடிய சக்தி நரேந்திர மோடிக்குத்தான் இருக்கிறது - சென்னை ராயபுரத்தில் முதல்வர் பழனிசாமி பரப்புரை
  • BREAKING-NEWS மேற்கு வங்க முதல்வர் மம்தா பானர்ஜியுடன் மக்கள் நீதி மய்யம் கட்சி தலைவர் கமல்ஹாசன் சந்திப்பு
  • BREAKING-NEWS வேட்பு மனுவில் ஓபிஎஸ்-ஈபிஎஸ் கையெழுத்திடுவதற்கு எதிரான வழக்கில் தேதி குறிப்பிடாமல் தீர்ப்பு ஒத்திவைப்பு
  • BREAKING-NEWS சர்ச்சைக்குரிய வகையில் பேசிய நடிகர் ராதாரவியை கட்சியை விட்டு நீக்கிய மு.க.ஸ்டாலினுக்கு நயன்தாரா நன்றி
  • BREAKING-NEWS அமமுகவுக்கு குக்கர் சின்னம் கிடைக்காவிட்டால் வேறு சின்னத்தில் சுயேச்சையாக போட்டியிடுவோம் - டிடிவி தினகரன்

பசியைப் போக்கும் மாமனிதர்கள்... தமிழக - கர்நாடக எல்லையில் உணவு வழங்கும் தன்னார்வலர்கள்

tn-karnataka-border-volunteers-provide-food

காவிரி பிரச்னையால் தமிழக - கர்நாடக எல்லையான ஜூஜூவாடி பகுதியில், பசியால் வாடும் தமிழர்களுக்கும் கன்னடர்களுக்கும் தன்னார்வலர்கள் இலவசமாக உணவு வழங்கி வருகின்றனர். உணவகங்கள் அடைக்கப்பட்டுள்ள சூழலில், தன்னார்வலர்களின் இந்த மனிதாபிமானம், பலரது பாராட்டையும் பெற்றுள்ளது.

காவிரி பிரச்னையில் தமிழக - கர்நாடகா இடையே பதற்றமான சூழல் நிலவுவதால் எல்லைப்பகுதியான கிருஷ்ணகிரி மாவட்டம் ஜூஜூவாடி பகுதியில் கடைகள் அடைக்கப்பட்டுள்ளன. இதனால், தமிழகத்திலிருந்து வேலை, கல்வி மற்றும் மருத்துவ தேவைக்காக பெங்களூரு செல்பவர்கள் உணவு கிடைக்காமல் அவதிக்கு ஆளாகியுள்ளனர். இதனை கருத்தில் கொண்டு ஜூஜூவாடி பகுதி கிராம மக்கள், தங்களின் சொந்த செலவில் இலவசமாக உணவு வழங்கி சேவை செய்கின்றனர். கடந்த 6 நாட்களாக, தினமும் 200 கிலோ அரிசியில், வெஜிடபிள் பிரியாணி உட்பட விதவிதமான உணவு வகைகளை செய்து தன்னலம் கருதாது வழங்கி வருகின்றனர்.

பெங்களூரில் கடைகள் இல்லாததால் பசியுடன் வேதனை அனுபவித்து வரும் தங்களுக்கு ஜூஜூவாடி கிராம மக்கள் அளிப்பது உணவு மட்டும் அல்ல அன்பையும் சேர்த்துதான் என்கின்றனர் அங்கிருந்து வரும் தமிழர்கள். இந்த உணவை கர்நாடக மாநிலத்தைச் சேர்ந்தவர்களுக்கும் பாகுபாடு இன்றி வழங்கி சகோதரத்துவத்தை பறை சாற்றுகின்றனர் ஜூஜூவாடி பகுதி தன்னார்வலர்கள்.

காவிரி பிரச்னையில் தமிழகம் கர்நாடகா இடையே பரஸ்பர சமாதானம் ஏற்பட்டு மீண்டும் அமைதி தழைக்க வேண்டும் என்பதே எல்லைப்பகுதி மக்களின் விருப்பம். அதுவரை, சகோதரத்துவத்தின் வெளிப்பாடாக தினமும் உணவு வழங்க உள்ளதாக அவர்கள் கூறுகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close