[X] Close
JUST IN

உலக சாம்பியன்ஷிப் போட்டியில் 8வது பதக்கத்தை உறுதி செய்தார் மேரி கோம் 

mary-kom-secures-eighth-medal-in-world-championship-boxing-tournament

உலக சாம்பியன்ஷிப் குத்துச் சண்டை போட்டிகளில் தனது 8வது பதக்கத்தை மேரி கோம் உறுதி செய்துள்ளார்.

உலக சாம்பியன்ஷிப் குத்துச் சண்டை போட்டிகள் தற்போது ரஷ்யாவின் உலான்-உடே (Ulan-Ude) பகுதியில் நடைபெற்று வருகின்றன. இதில் மகளிருக்கான 51 கிலோ எடைப் பிரிவில் இந்தியாவின் எம்.சி.மேரி கோம் பங்கேற்றுள்ளார். இந்தத் தொடரின் முதல் சுற்றில் அவருக்கு ‘பை’ அளிக்கப்பட்டது. 

இதனைத் தொடர்ந்து இரண்டாவது சுற்றில் மேரி கோம் தாய்லாந்து நாட்டின் ஜூடாமஸ் ஜிட்போங்கை 5-0 என்ற கணக்கில் வீழ்த்தினார்.

இந்நிலையில் இன்று நடைபெற்ற கால் இறுதிப் போட்டியில் கொலம்பியா நாட்டின் வெலன்சியா விக்டோரியாவை 5-0 என்ற கணக்கில் மேரி கோம் வீழ்த்தினார். இதன்மூலம் அவர் அரையிறுதிப் போட்டிக்கு நுழைந்துள்ளார். அத்துடன் பதக்கம் வெல்வதை உறுதி செய்துள்ளார். உலக சாம்பியன்ஷிப் குத்துச் சண்டை போட்டிகளில் இது மேரி கோம் பெறவிருக்கும் 8ஆவது பதக்கமாகும். ஏற்கெனவே இவர் 6 தங்கம் மற்றும் ஒரு வெள்ளி என 7 பதக்கங்களை வென்றுள்ளது குறிப்பிடத்தக்கது. 

Advertisement:
இது தொடர்பான செய்திகள் :
Advertisement:
Advertisement:
[X] Close