[X] Close
JUST IN
  • BREAKING-NEWS நாங்குநேரி தொகுதி இடைத்தேர்தலை தள்ளி வைக்கக்கோரி உயர்நீதிமன்ற மதுரை கிளையில் சுயேச்சை வேட்பாளர் மனு
  • BREAKING-NEWS ராஜிவ்காந்தி குறித்து பேசியதை திரும்பப்பெற முடியாது; கைதுக்கும் நான் பயப்படப்போவதில்லை - சீமான்
  • BREAKING-NEWS பாட்னா உயர்நீதிமன்ற தலைமை நீதிபதியாக இருக்கும் அம்ரேஷ்வர் பிரதாப் சாஹியை சென்னை உயர்நீதிமன்ற தலைமை நீதிபதியாக நியமிக்க கொலிஜியம் பரிந்துரை
  • BREAKING-NEWS ஐரோப்பிய ஒன்றியத்துடன் புதிய பிரெக்ஸிட் உடன்பாடு ஏற்பட்டது - பிரிட்டன் பிரதமர் போரிஸ் ஜான்சன்
  • BREAKING-NEWS நீட் தேர்வு ஆள்மாறாட்ட வழக்கில் கைதான மாணவர் உதித் சூர்யாவுக்கு நிபந்தனை ஜாமீன்

அசத்தியது இலங்கை இளம் அணி: கடைசி டி-20 போட்டியிலும் பாக். தோல்வி

srilanka-sweep-t20i-series-3-0-with-13-run-win

பாகிஸ்தானுக்கு எதிரான கடைசி டி-20 போட்டியிலும் இலங்கை அணி வெற்றி பெற்றது.

இலங்கை கிரிக்கெட் அணி, பாகிஸ்தானில் சுற்றுப்பயணம் செய்து கிரிக்கெட் விளையாடி வருகிறது. இரு அணிகளுக்கு இடையே, மூன்று டி20 போட்டிகள் கொண்ட தொடர் நடைபெற்று வந்தது. முதல் இரண்டு போட்டிகளை வென்று இலங்கை அணி, தொடரை ஏற்கனவே கைப்பற்றிய நிலையில் மூன்றாவது மற்றும் கடைசி டி-20 போட்டி, லாகூரில் நேற்று நடந்தது.

முதலில் பேட்டிங் செய்த இலங்கை அணி, 20 ஓவர்கள் முடிவில் 7 விக்கெட் இழப்புக்கு 147 ரன்கள் எடுத்திருந்தது. ஒஷாடா பெர்னாண்டோ அபாரமாக ஆடி 48 பந்துகளில் 78 ரன்கள் விளாசினார். பாகிஸ்தான் தரப்பில் முகமது ஆமிர் 3 விக்கெட்டுகளை சாய்த்தார்.

பின்னர் ஆடிய பாகிஸ்தான் அணியால், 20 ஓவர் முடிவில் 6 விக்கெட் இழப்புக்கு 134 ரன்கள் மட்டுமே எடுக்க முடிந்தது. இதனால் அந்த அணி 13 ரன்கள் வித்தியாசத்தில் தோல்வியைத் தழுவியது. அதிகப்பட்சமாக ஹரிஸ் சோகைல் 52 ரன்கள் எடுத்து ஆட்டமிழந்தார். இலங்கை தரப்பில் ஹசரங்கா டி சில்வா 3 விக்கெட் எடுத்தார். அவருக்கு ஆட்ட நாயகன் விருதும் தொடர் நாயகன் விருதும் வழங்கப்பட்டது.

அனுபவம் குறைந்த இளம் இலங்கை அணி, டி-20 தரவரிசையில் முதலிடத்தில் இருக்கும் பாகிஸ்தானை வீழ்த்தி தொடரை கைப்பற்றியது குறிப்பிடத்தக்கது. 
 

Advertisement:
இது தொடர்பான செய்திகள் :
Advertisement:
Advertisement:
[X] Close