[X] Close
JUST IN
  • BREAKING-NEWS கவுரவ டாக்டர் பட்டம் பெற்றார் முதலமைச்சர் பழனிசாமி
  • BREAKING-NEWS நாங்குநேரி இடைத்தேர்தல் பணப்பட்டுவாடா விவகாரம்: திமுக எம்எல்ஏ சரவணகுமார் மீது மேலும் ஒரு வழக்குப்பதிவு
  • BREAKING-NEWS தொடர் மழை: ஓராண்டுக்குப் பிறகு 100 அடியை எட்டியது பவானி சாகர் அணை
  • BREAKING-NEWS தமிழகத்தில் மேலும் நான்கு நாட்களுக்கு மழை நீடிக்கும் என வானிலை மையம் தகவல்
  • BREAKING-NEWS புரோ‌ கபடி லீக் தொடரில் பெங்கால் ‌வாரியர்ஸ் அணி ‌முதல் முறையாக சாம்பியன்‌. இறுதிப்போட்டியில் தபாங் டெல்லியை வீழ்த்தியது.

“எனக்கு சிஎஸ்கேவை பிடிக்கவே பிடிக்காது” - காரணத்தை போட்டுடைத்த ஸ்ரீசாந்த்

s-sreesanth-discloses-why-he-hates-chennai-super-kings

இந்திய அணியில் வேகப்பந்து வீச்சாளராக வலம் வந்தவர் ஸ்ரீசாந்த். 2013 ஆம் ஆண்டு ஐபிஎல் தொடரின் போது சூதாட்ட புகாரில் சிக்கினார். இந்தப் புகாரில் திகார் சிறைக்கு சென்றதுடன் அவருக்கு வாழ்நாள் தடையும் விதிக்கப்பட்டது. சமீபத்தில் அவர் மீதான தடைக்காலத்தை உச்சநீதிமன்றம் குறைத்த நிலையில், மீண்டும் அடுத்த ஆண்டு முதல் இந்திய அணியில் விளையாட வேண்டும் என்ற எண்ணத்தில் இருக்கிறார். 

        

இண்டியன் எக்ஸ்பிரசுக்கு அளித்த பேட்டியில் ராஜஸ்தான் ராயல்ஸ் அணியின் பயிற்சியாளர் பேடி உப்டன் உடனான சர்ச்சை குறித்து சிஎஸ்கே மீதான வெறுப்பு குறித்தும் விரிவாக பேசியுள்ளார். சிஎஸ்கேவுக்கு எதிரான போட்டியில் சேர்க்காததால் தன்னை கடுமையாக தாக்கிப் பேசியதாக பேடி தன்னுடைய சுயசரிதை புத்தகத்தில் குறிப்பிட்டுள்ளார். 

ஸ்ரீசாந்த் தன்னுடைய பேட்டியில், “பேடி உப்டன், உங்கள் இதயத்தை தொட்டு, உங்கள் குழந்தைகளின் தலையில் கை வைத்து சொல்லுங்கள்.. இந்திய அணியில் இருக்கும் போதோ அல்லது ஐபிஎல் தொடரின் போதோ உங்களை எப்போதாவது திட்டி இருக்கின்றேனா என்று? நான் அவருடன் சண்டையிட்டேனா என்பதை நான் மதிக்கும் டிராவிட் சொல்ல வேண்டும் என விரும்புகிறேன். 

   

சிஎஸ்கேவுக்கு எதிரான போட்டியில் தன்னை விளையாட அனுமதிக்குமாறு நான் பலமுறை வலியுறுத்தி கேட்டேன். அதற்கு காரணம் அந்த அணி உடனான பழைய போட்டிகள்தான். சிஎஸ்கேவை தோற்கடிக்க வேண்டும் என விரும்பினேன். ஆனால், அவர் அதனை வேறுமாதிரியாக புரிந்து கொண்டார். சூதாட்டம் செய்யப் போவதாக அவர் புரிந்து கொண்டார். எல்லோருக்கும் தெரியும் நான் சிஎஸ்கே அணியை எவ்வளவு தூரம் வெறுக்கிறேன் என்று. அதை நான் சொல்லவே தேவையில்லை. 

              

தோனி அல்லது ஸ்ரீனிவாசன் ஆகியோர்தான் நான் சிஎஸ்கேவை வெறுக்க காரணம் என்று பலரும் சொல்வார்கள். ஆனால், அதுவெல்லாம் உண்மையில்லை. அந்த மஞ்சள் நிறத்தை மட்டுமே நான் வெறுக்கிறேன். மஞ்சள் நிறை ஜெர்ஸிக்காகதான் நான் ஆஸ்திரேலிய அணியையும் வெறுத்தேன். சிஎஸ்கேவுக்கு எதிராக நான் சிறப்பாக விளையாடியிருக்கிறேன். அதனால்தான் அந்த அணியுடன் விளையாட விரும்பினேன்” என்று கூறியுள்ளார்.

Advertisement:
Advertisement:
Advertisement:
[X] Close