[X] Close
JUST IN
  • BREAKING-NEWS நாங்குநேரி தொகுதி இடைத்தேர்தலை தள்ளி வைக்கக்கோரி உயர்நீதிமன்ற மதுரை கிளையில் சுயேச்சை வேட்பாளர் மனு
  • BREAKING-NEWS ராஜிவ்காந்தி குறித்து பேசியதை திரும்பப்பெற முடியாது; கைதுக்கும் நான் பயப்படப்போவதில்லை - சீமான்
  • BREAKING-NEWS பாட்னா உயர்நீதிமன்ற தலைமை நீதிபதியாக இருக்கும் அம்ரேஷ்வர் பிரதாப் சாஹியை சென்னை உயர்நீதிமன்ற தலைமை நீதிபதியாக நியமிக்க கொலிஜியம் பரிந்துரை
  • BREAKING-NEWS ஐரோப்பிய ஒன்றியத்துடன் புதிய பிரெக்ஸிட் உடன்பாடு ஏற்பட்டது - பிரிட்டன் பிரதமர் போரிஸ் ஜான்சன்
  • BREAKING-NEWS நீட் தேர்வு ஆள்மாறாட்ட வழக்கில் கைதான மாணவர் உதித் சூர்யாவுக்கு நிபந்தனை ஜாமீன்

ஆஷஸ் டெஸ்ட்: கடைசி போட்டியில் வென்று தொடரை சமன் செய்தது இங்கிலாந்து

broad-and-leach-secure-series-levelling-win

ஆஸ்திரேலியாவுக்கு எதிரான கடைசி ஆஷஸ் டெஸ்ட் போட்டியில் வெற்றி பெற்று இங்கிலாந்து அணி, தொடரை சமன் செய்துள்ளது.

ஆஸ்திரேலியா கிரிக்கெட் அணி இங்கிலாந்தில் சுற்றுப்பயணம் மேற்கொண்டு ஆஷஸ் டெஸ்ட் தொடரில் விளையாடியது. 5 போட்டிகள் கொண்ட தொடரில் ஆஸ்திரேலியா 2-க்கு 1 என்ற கணக்கில் முன்னிலையில் இருந்த நிலையில் கடைசி போட்டி லண்டன் ஓவல் மைதானத்தில் நடைபெற்றது. முதல் இன்னிங்சில் இங்கிலாந்து 294 ரன்களும், ஆஸ்திரேலியா 225 ரன்களும் எடுத்தன. 2-வது இன்னிங்சில் 329 ரன்கள் குவித்த இங்கிலாந்து, ஆஸ்திரேலியாவுக்கு வெற்றி இலக்காக 399 ரன்களை நிர்ணயித்தது. 

நேற்று நடைபெற்ற 4-வது நாள் ஆட்டத்தில், இங்கிலாந்து பந்துவீச்சை சமாளிக்க முடியாமல் ஆஸ்திரேலியா 263 ரன்களுக்கு ஆல் அவுட் ஆனது. அந்த அணியின் வேட் 117 ரன்கள் எடுத்தார்.

இதன்மூலம் 135 ரன்கள் வித்தியாசத்தில் வென்ற இங்கிலாந்து அணி, தொடரை 2- 2 என்ற கணக்கில் சமன் செய்தது. இங்கிலாந்து வீரர்கள் ஸ்டீவர்ட் பிராட், ஜேக் லீச் ஆகியோர் தலா 4 விக்கெட்களை வீழ்த்தினர். தொடர் நாயகன் விருது ஸ்மித்துக்கு வழங்கப்பட்டது.

ஆஷஸ் தொடர் 1972 ஆம் ஆண்டுக்கு பிறகு டிரா ஆகியுள்ள நிலையில், கடந்த முறை சாம்பியன் என்ற முறையில் ஆஸ்தி ரேலியாவுக்கு கோப்பை வழங்கப்பட்டது.

Advertisement:
இது தொடர்பான செய்திகள் :
Advertisement:
Advertisement:
[X] Close