[X] Close
JUST IN
  • BREAKING-NEWS இரண்டாவது டி20 போட்டியில், 8 விக்கெட் வித்தியாசத்தில் இந்திய அணியை வீழ்த்தி வெஸ்ட் இண்டீஸ் அணி வெற்றி பெற்றது
  • BREAKING-NEWS தமிழகத்தில் வெங்காய விளைச்சல் நன்றாக உள்ளதால் 20 நாட்களில் விலை குறையும் - முதல்வர் பழனிசாமி
  • BREAKING-NEWS உள்ளாட்சித் தேர்தல் தொடர்பாக நீதிமன்றத்தை நாட திமுக மாவட்ட செயலாளர்கள் கூட்டத்தில் தீர்மானம்
  • BREAKING-NEWS உள்ளாட்சித் தேர்தலில் மக்கள் நீதி மய்யம் போட்டியிடவில்லை - கமல்ஹாசன்
  • BREAKING-NEWS தமிழகத்தில் மேலும் 4 மருத்துவக் கல்லூரிகள் அமைக்க அனுமதி கோரி மத்திய அரசுக்கு தமிழக அரசு கடிதம் - அமைச்சர் விஜயபாஸ்கர்
  • BREAKING-NEWS உள்ளாட்சித் தேர்தலில் யாருக்கும் ரஜினி ஆதரவில்லை- ரஜினி மக்கள் மன்றம் அறிக்கை
  • BREAKING-NEWS கடலோர மாவட்டங்களில் இன்று மிதமான மழைக்கு வாய்ப்பு: வானிலை ஆய்வு மையம் தகவல்

‘அடுத்த உலகக் கோப்பையும் போச்சா !’ ரவிசாஸ்திரி தேர்வை கலாய்க்கும் நெட்டிசன்கள்

twitter-not-impressed-with-shastri-s-reappointment-as-india-coach

இந்திய கிரிக்கெட் அணியின் தலைமை பயிற்சியாளராக ரவிசாஸ்திரி மீண்டும் தேர்வு செய்யப்பட்டுள்ளது குறித்து நெட்டிசன்கள் சிலர் தங்களது அதிருப்தியை வெளிப்படுத்தி வருகின்றனர்.

ரவிசாஸ்திரி மீண்டும் தலைமைப் பயிற்சியாளராக தேர்வு செய்யப்பட்டுள்ளார் என்பது அவ்வளவு அதிர்ச்சிகரமான செய்தி இல்லைதான். ஏனெனில், விராட் கோலியே ரவி சாஸ்திரி மீண்டும் பயிற்சியாளராக வரவேண்டும் என தன்னுடைய விருப்பத்தை வெளிப்படையாக தெரிவித்து இருந்தார். இருவருக்கும் இடையே நல்ல புரிதல் இருக்கிறது. இதனைவிட வேறு அறிகுறி என்ன வேண்டும். 

          

ஆனால் ரவிசாஸ்திரி தலைமைப் பயிற்சியாளராக மீண்டும் தேர்வு செய்யப்பட்டது குறித்து சமூக வலைதளங்களில் விமர்சனங்கள் எழுந்துள்ளது. ‘எதுக்கு இப்படி விண்ணப்பங்கள் பெற்று, தேர்வுக்குழு அவர்களை நேர்காணல் செய்து ஒருவரை அறிவிப்பது போல் ஒரு நாடகத்தை நடத்த வேண்டும்’ என நெட்டிசன்கள் சிலர் கேள்விகளை முன் வைக்கிறார்கள். 

                          

ரவி சாஸ்திரி தலைமையில் இந்திய அணி இதுவரை ஒரு ஐசிசி கோப்பையை கூட வெற்றி பெறவில்லை. அதனால், இந்திய அணி அடுத்த டி20 கோப்பை, உலகக் கோப்பையை இழந்துவிட்டது என சில நெட்டிசன்கள் இப்பொழுதே ஆரூடம் கூறுகிறார்கள். அடுத்த உலகக் கோப்பையில் இனி கவனம் செலுத்துவோம், இரண்டு வருடங்களை மறந்துவிடலாம் எனவும் அவர்கள் கிண்டல் செய்துள்ளனர்.

               

கேப்டன் விராட் கோலிக்கும், துணை கேப்டன் ரோகித் சர்மாவுக்கும் இடையே சிக்கல் நிலவுவதற்கும் ரவிசாஸ்திரிதான் காரணம் என்று கூறப்பட்டு வருகிறது. ரவிசாஸ்திரி தலைமைப் பயிற்சியாளராக நியமிக்கப்பட்டுள்ளதால், கோலி-ரோகித் இடையிலான சிக்கலும் தொடரும் என்றே கூறப்படுகிறது.

          

ரவிசாஸ்திரி தலைமையில் இந்திய அணி மிகவும் வலிமையாக உள்ளது என்பது எவ்வித சந்தேகமும் இல்லை. ஆனால், சில முக்கியமான பிரச்னைகள் களையப்படாமல் இருப்பதுதான் இத்தகைய விமர்சனங்களுக்கு காரணமாக உள்ளது என விமர்சகர்கள் தெரிவிக்கின்றனர். அந்த பிரச்னைகளில் உலகக் கோப்பைக்கான அணித் தேர்வில் கோட்டை விட்டது, தோனி எத்தனையாவது இடத்தில் களமிறங்குவது என்பன குறித்த சர்ச்சைகள் முக்கியமானவை.


 

Advertisement:
இது தொடர்பான செய்திகள் :
Advertisement:
Advertisement:
[X] Close