[X] Close
JUST IN
  • BREAKING-NEWS புவி வட்டப்பாதையில் இருந்து விலகிய சந்திரயான் -2, நிலவின் வட்டப் பாதையைச் சுற்றத் தொடங்கியது
  • BREAKING-NEWS பால் உற்பத்தியாளர்கள்-மக்கள் இடையே பிளவை ஏற்படுத்த முதல்வர் பழனிசாமி முயற்சிக்கிறார் - மு.க.ஸ்டாலின்
  • BREAKING-NEWS பரோலை மேலும் ஒரு மாதம் நீட்டிக்கக்கோரி சென்னை உயர்நீதிமன்றத்தில் நளினி வழக்கு. கோரிக்கை குறித்து சிறைத்துறை பதிலளிக்க உத்தரவு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

இன்று 2-வது ஒரு நாள் போட்டி: இந்திய அணியின் சாதனை தொடருமா?

ind-vs-wi-2nd-odi-shreyas-iyer-s-day-of-reckoning-as-india-pray-for-full-game

வெஸ்ட் இண்டீஸ் அணிக்கு எதிரான 2 வது ஒரு நாள் போட்டி இன்று நடக்கிறது. இதில் ஸ்ரேயாஸ் ஐயருக்கு வாய்ப்பு வழங்கப்படும் என்று தெரிகிறது.

இந்திய கிரிக்கெட் அணி, வெஸ்ட் இண்டீசில் சுற்றுப்பயணம் செய்து விளையாடி வருகிறது. இரு அணிகள் இடையிலான 3 ஆட்டங்கள் கொண்ட டி-20 தொடரை இந்திய அணி கைப்பற்றியது. இதையடுத்து 3 போட்டிகள் கொண்ட ஒருநாள் தொடர் நடந்து வருகிறது. கயானாவில் நடந்த முதலாவது போட்டி, மழை காரணமாக ரத்து செய்யப்பட்டது. 2-வது ஒருநாள் போட்டி போர்ட் ஆப் ஸ்பெயினில் இன்று நடக்கிறது.

2006-ம் ஆண்டுக்கு பிறகு வெஸ்ட் இண்டீசுக்கு எதிரான ஒரு நாள் தொடரை இந்திய அணி இழந்ததில்லை. அந்த சாதனையை தக்க வைக்கும் முயற்சியில் இந்திய அணி இன்று களமிறங்கும். தொடக்க ஆட்டக்காரர், தவான் டி20 தொடரில் சரியாக ஆடவில்லை. இன்றைய போட்டியில் அவர் சிறப்பாக ஆடுவார் என்று எதிர்பார்க்கலாம். மிடில் ஆர்டரில் ஸ்ரேயாஸ் ஐயருக்கு இன்று வாய்ப்பு கிடைக்கும் என்று கூறப்படுகிறது. அவர் நான்காவது வரிசையில் இறங்கலாம். விக்கெட் கீப்பர் ரிஷாப் பன்ட் தன்னை நிரூபிக்கும் கட்டாயத்தில் இருக்கிறார்.

அதே நேரம், டி-20 தொடரில் சந்தித்த தோல்விக்கு இதில் பதிலடி கொடுக்க வெஸ்ட் இண்டீஸ் அணி முயற்சிக்கும். இன்றைய போட்டி, வெஸ்ட் இண்டீஸ் வீரர் கிறிஸ் கெய்லுக்கு 300-வது போட்டி. இதன் மூலம் வெஸ்ட் இண்டீஸ் வீரர்களில், அதிக ஒரு நாள் போட்டிகளில் ஆடியுள்ள லாராவை அவர் முந்துகிறார்.

இரு அணிகளும் இதுவரை 128 ஒருநாள் போட்டியில் மோதியுள்ளன.  இந்திய அணி 60 போட்டியிலும் வெஸ்ட் இண்டீஸ் அணி 62 போட்டியிலும் வெற்றி பெற்றுள்ளன. 2 போட்டி சமனில் முடிந்துள்ளது. 4 போட்டிகளில் முடிவில்லை.

இந்திய நேரப்படி இன்று இரவு 7 மணிக்கு போட்டி தொடங்குகிறது.

Advertisement:
Advertisement:
Advertisement:
[X] Close