[X] Close
JUST IN
  • BREAKING-NEWS புவி வட்டப்பாதையில் இருந்து விலகிய சந்திரயான் -2, நிலவின் வட்டப் பாதையைச் சுற்றத் தொடங்கியது
  • BREAKING-NEWS பால் உற்பத்தியாளர்கள்-மக்கள் இடையே பிளவை ஏற்படுத்த முதல்வர் பழனிசாமி முயற்சிக்கிறார் - மு.க.ஸ்டாலின்
  • BREAKING-NEWS பரோலை மேலும் ஒரு மாதம் நீட்டிக்கக்கோரி சென்னை உயர்நீதிமன்றத்தில் நளினி வழக்கு. கோரிக்கை குறித்து சிறைத்துறை பதிலளிக்க உத்தரவு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

நம்பர் 4 எனக்கு பிடித்த இடம்: ரஹானே கிண்டல்

no-4-is-my-favourite-position-quips-ajinkya-rahane

’எப்போதும் ராகுல் டிராவிட்டையே பின்பற்றுகிறேன், அவர் என் ரோல் மாடல்’ என்று ரஹானே தெரிவித்தார்.

இந்திய ஒரு நாள் அணியில், நான்காவது வரிசை வீரர் பற்றி கடுமையாகப் பேசப்பட்டு வந்த நிலையில், சத்தமில்லாமல் கவுண்டி கிரிக்கெட்டில் விளையாடிவிட்டு வந்திருக்கிறார் ரஹானே. உலகக் கோப்பைத் தொடரில் கண்டுகொள்ளாமல் விடப்பட்ட ரஹானே, அடுத்து வெஸ்ட் இண்டீஸ் அணிக்கு எதிரான டெஸ்ட் தொடருக்கு சேர்க்கப்பட்டுள்ளார்.

இந்நிலையில் கொல்கத்தாவில் நடந்த பெங்கால் கிரிக்கெட் சங்க விழாவுக்கு அழைக்கப்பட்டிருந்தார் ரஹானே. அப்போது, மேடையில் பேசும்போது, ‘’இந்த விழாவில் 4-வது ஆளாக என்னை மேடைக்கு அழைத்திருக்கிறார்கள். எனக்குப் பிடித்த இடமாக 4 இருக்கிறது’ என்று கிண்டலாகத் தொடங்கினார்.

பின்னர் அவர் கூறும்போது, ‘’மும்பையில் கடும் மழை பெய்துவருவதால், பெங்களூரில் உள்ள தேசிய கிரிக்கெட் அகாடமி யில் பயிற்சி பெற்று வருகிறேன். அங்கு ராகுல் டிராவிட் இருக்கிறார். நான் எப்போதும் அவரையே பின்பற்றுகிறேன். அவர் எனது ரோல் மாடல்களில் ஒருவர். அடுத்து வெஸ்ட் இண்டீஸ் தொடரை எதிர்பார்த்து இருக்கிறேன். அவர்கள் அபாயகரமான வர்கள். அதோடு கணிக்க முடியாத அணியாகவும் வெஸ்ட் இண்டீஸ் இருக்கிறது. டெஸ்ட் கிரிக்கெட் எனக்குப் பிடித்த ஒன்று. டெஸ்ட் கிரிக்கெட்டை பொறுத்தவரை, நீங்கள் விரைவாக ஆட்டமிழந்துவிட்டாலும் அல்லது நூறு ரன்கள் எடுத்தாலும் ஆட்டத்தை தொடர்ந்து பின்பற்ற வேண்டும்’’ என்றார்.

Advertisement:
Advertisement:
Advertisement:
[X] Close