[X] Close
JUST IN
  • BREAKING-NEWS டாக்டர் எம்.ஜி.ஆர் நிகர்நிலை பல்கலைக்கழகம் சார்பில் முதல்வர் பழனிசாமிக்கு அக்டோபர் 20ம் தேதி கௌரவ டாக்டர் பட்டம் வழங்கப்படுகிறது
  • BREAKING-NEWS பொதுத்துறை ஊழியர்களுக்கு தீபாவளி போனஸ் 8.33%, கருணைத் தொகை 11.37% வழங்கப்படும் - தமிழக அரசு
  • BREAKING-NEWS ராஜீவ்காந்தி கொலை குறித்து சீமான் பேசியது தொடர்பாக மாவட்ட தேர்தல் அதிகாரியிடம் விரிவான அறிக்கை கேட்டுள்ளார் தமிழக தலைமை தேர்தல் அதிகாரி சத்யபிரதா சாஹூ
  • BREAKING-NEWS நீட் ஆள்மாறாட்ட வழக்கில் மாணவர் இர்பானின் காவலை அக்டோபர் 25 வரை நீட்டித்தது தேனி நீதிமன்றம்

மீண்டும் 5 விக்கெட் வீழ்த்திய நதீம்: வெற்றியை நோக்கி இந்திய ஏ அணி!

india-a-vs-west-indies-a-india-inch-closer-to-victory

வெஸ்ட் இண்டீஸ் ஏ அணிக்கு எதிரான டெஸ்ட் போட்டியில் இந்திய ஏ அணி வெற்றி பெறும் நிலையில் இருக்கிறது.

இந்திய ஏ அணி, வெஸ்ட் இண்டீஸில் சுற்றுப்பயணம் செய்து, அந்த நாட்டு ஏ அணியுடன் ஐந்து ஒரு நாள் போட்டிகளில் பங்கேற்றது. அதிகாரப்பூர்வமற்ற இந்த தொடரை 4-1 என்ற கணக்கில் மணீஷ் பாண்டே தலைமையிலான இந்திய ஏ அணி கைப்பற்றியது. இதையடுத்து இரு அணிகளும் டெஸ்ட் போட்டியில் விளையாடி வருகின்றன.

 இந்திய ஏ டெஸ்ட் அணிக்கு, ஹனுமா விஹாரி கேப்டனாக செயல்படுகிறார். முதல் போட்டி ஆண்டிகுவாவில் நடந்து வருகிறது. முதல் இன்னிங்ஸில் வெஸ்ட் இண்டீஸ் ஏ அணி,  228 ரன்னுக்கு அனைத்து விக்கெட்டையும் இழந்தது. இந்திய ஏ அணி தரப்பில் சுழல் பந்துவீச்சாளர் நதீம் 5 விக்கெட்டை வீழ்த்தினார். முகமது சிராஜ், மார்கண்டே தலா 2 விக்கெட்டை சாய்த்தனர்.

பின்னர் தனது முதல் இன்னிங்ஸை தொடங்கிய இந்திய ஏ அணி, 312 ரன் எடுத்தது. அதிகப்பட்சமாக துபே 71 ரன்னும் விருத்திமான் சாஹா 66 ரன்னும் எடுத்தனர்.  வெஸ்ட் இண்டீஸ் தரப்பில் கம்மின்ஸ் 4 விக்கெட் வீழ்த்தினர். 

பின்னர் இரண்டாவது இன்னிங்ஸை தொடங்கிய அந்த அணி, 188 ரன்னுக்கு அனைத்து விக்கெட்டையும் இழந்தது. இந்த இன்னிங்ஸிலும் நதீம் 5 விக்கெட்டை வீழ்த்தினார். சிராஜ் 3 விக்கெட்டை சாய்த்தார். 

இதையடுத்து 2 வது இன்னிங்ஸை தொடங்கிய இந்திய ஏ அணி, ஆட்ட நேர முடிவில் ஒரு விக்கெட் இழப்புக்கு 29 ரன் எடுத்துள்ளது. அணி வெற்றி பெற இன்னும் 68 ரன் தேவை. 9 விக்கெட் கையில் உள்ள இந்திய ஏ அணி எளிதாக வெற்றி பெறும் என்று எதிர்பார்க்கப்படுகிறது. 

Advertisement:
Advertisement:
Advertisement:
[X] Close