[X] Close
JUST IN
  • BREAKING-NEWS அமலாக்கத்துறை, சிபிஐ மூலம் ப.சிதம்பரத்தின் நற்பெயரை கெடுக்க மோடி அரசு முயற்சிக்கிறது - ராகுல் காந்தி
  • BREAKING-NEWS முன்ஜாமீன் கோரும் ப.சிதம்பரம் மனுவை நீதிபதி அருண் மிஸ்ரா அமர்வுக்கு தலைமை நீதிபதி பரிந்துரைக்க இருப்பதாக தகவல்
  • BREAKING-NEWS புதுச்சேரி அரசின் அன்றாட நடவடிக்கைகளில் கிரண்பேடி தலையிட கூடாது என்ற உத்தரவு தொடரும்; தனி நீதிபதி உத்தரவுக்கு எதிரான மத்திய உள்துறை அமைச்சகத்தின் மேல்முறையீடு வழக்கில் சென்னை உயர்நீதிமன்றம் உத்தரவு
  • BREAKING-NEWS இன்று முதல் தண்ணீர் லாரி உரிமையாளர்கள் தமிழகம் முழுவதும் வேலைநிறுத்தம்
  • BREAKING-NEWS ரியோ பராலிம்பிக் போட்டியில் வெள்ளி வென்ற தீபா மாலிக் உள்ளிட்ட இருவருக்கு கேல் ரத்னா விருது அறிவிப்பு. ரவீந்திர ஜடேஜா உள்ளிட்ட 17 பேர் அர்ஜூனா விருதுக்கு தேர்வு

மீண்டும் மிடில் ஆர்டர் பஞ்சாயத்து: அணிக்கு திரும்புகிறார் மணீஷ் பாண்டே?

manish-pandey-will-be-india-s-no-4-in-west-indies

வெஸ்ட் இண்டீஸ் தொடருக்கான இந்திய அணியில், மணீஷ் பாண்டே மீண்டும் சேர்க்கப்படுவார் என்று தெரிகிறது.

இந்திய கிரிக்கெட் அணியில், கடந்த சில வருடங்களாக, ’நான்காவது வரிசை’ பஞ்சாயத்து பாடாய்ப்படுத்தி வருகிறது. அந்த இடத்துக்கு பல வீரர்களை மாற்றி மாற்றிப் பார்த்தும் யாரும் செட்டாகவில்லை. அம்பத்தி ராயுடு சிறப்பாக பொருந்தியிருப்பதாக கூறப்பட்ட நிலையில், மோசமான ஃபார்ம் காரணமாக உலகக் கோப்பைத் தொடரில் அவர் சேர்க்கப்படவில்லை. கே.எல்.ராகுல் அந்த இடத்துக்கு வந்தார். ஷிகர் தவான் காயமடைந்ததால், உலகக் கோப்பைத் தொடரில் ஓபனிங் பேட்ஸ்மேனாக களமிறங்கினார். பின்னர் கேதர் ஜாதவ், தினேஷ் கார்த்திக் உள்ளிட்ட சிலரை பரிசோதித்து பார்த்தும் நிலையான ஆட்டத்தை யாரும் வெளிப்படுத்தவில்லை. 

அந்த இடத்தில் ஏற்கனவே, கர்நாடகத்தைச் சேர்ந்த மணீஷ் பாண்டே விளையாடி வந்தார். தற்போது இந்திய ஏ அணிக்கு கேப்டனாக இருக்கும் அவர், வெஸ்ட் இண்டீஸ் ஏ அணிக்கு எதிரான தொடரில் விளையாடி வருகிறார். அந்த அணியுடனான மூன்றாவது ஒரு நாள் போட்டியில் அவர் அபார சதமடித்ததால், இந்திய அணிக்கு மீண்டும் தேர்வு செய்யப்படுவார் என்று தெரிகிறது.

இந்திய கிரிக்கெட் அணி, வெஸ்ட் இண்டீசில் சுற்றுப்பயணம் செய்து 3 டி-20, மூன்று ஒரு நாள் மற்றும் 2 போட்டிகள் கொண்ட டெஸ்ட் தொடரில் விளையாடுகிறது. இதில் முதல் 2 டி20 போட்டிகள் அமெரிக்காவின் புளோரிடாவில் ஆகஸ்ட் 3, மற்றும் 4 ஆம் தேதிகளில் நடக்கிறது. கடைசி டி20 போட்டியில் இருந்து மற்ற ஆட்டங்கள் வெஸ்ட் இண்டீசில் நடக்கிறது. இதற்கான அணி தேர்வு இன்று நடக்கிறது. இதில் மணீஷ் பாண்டேவுக்கு வாய்ப்பு கிடைக்கும் என்று தெரிகிறது.

அதோடு, மயங்க் அகர்வால், ஸ்ரேயாஸ் ஐயர், சுப்மான் கில் ஆகியோரில் சிலருக்கும் வாய்ப்பு கிடைக்கும் என்று கூறப்படு கிறது. சுழற்பந்து வீச்சாளர் ராகுல் சாஹர், டெல்லி வேகப்பந்து வீச்சாளர் நவ்தீப் சைனி ஆகியோரின் பெயர்களும் பரிசீலினை யில் இருப்பதாக தகவல்கள் வெளியாகியுள்ளன. 

Advertisement:
இது தொடர்பான செய்திகள் :
Advertisement:
Advertisement:
[X] Close